COMPROMIS POUR LE DROIT DE GITE OU DE PROCURATION

a jully. (Page 194.)

(Le 22 août 1266)

Omnibus présentes litteras inspecturis, soror Elisabeth, humilis priorissa, totusque conuentus Julliaci, salutem in Domino. Nouerit uniuersitas uestra quod, cum inter nos, ex una parte, et uenerabilem uirum dominum Othonem, decanum Lingonensem, ex altéra, .questio uerteretur coram uenerabili viro officiali Lingonensi, super gisto seu procuratione, quam a nobis petebat dictus decanus annuatim, reuerendo pâtre nostro, G. (Guilelmo), Dei gratia, abbate Molismensi, cui nos et monasterium nostrum subjecte sumus pleno jure, se opponente et dicente dictum gistum, seu procurationem, non debere prestari dicto decano, ratione cujusdam compositionis facte inter dictum abbatem et conuentum monasterii Molismensis, ex una parte, et dictum decanum, ex altéra, super gistis et procurationibus annuis, petitis quondam, ex parte dicti decani, a monasterio Molismensi et prioratibus eidem monasterio subjectis ; tandem de bonorum consilio, inter dictos abbatem et decanum super dicta questione compromis sum fuit in virum religiosum fratrem Robertum, priorem de abbatia subtus Planceium, nominatum et electum ex parte dicti abbatis ; et in virum discretum, magistrum Johannem de Sancto Yalerio, nominatum et electum ex parte dicti decani ; qui auditis rationibus utriusque partis, dictam questionem tenentur infra instans festum omnium sanctorum, paceuel iudicio terminare. Quod si dicti duo arbitri in unam non possent sententiam concordare, nominatus est communiter et electus a dictis par-

tibusvir venerabilis magister Petras de Gracinneyo, canonicus Lingonensis, qui, cum dictis duobus arbitris, vel altero ipsorum, infra Natiuitatem Domini subsequentem, dictum arbitrium terminabit. Nos autem dictum arbitrium, et quidquid factum est et factum fuerit super premissis, per dictum dominum abbatem, vel per procuratorem eius, ratum habemus et gratum ; promittentes sub ypotheca rerum nostrarum, quod contra premissa non veniemus in futurum. In cuius rei testimonium, presentibus litteris sigillum nostrum duximus apponendum. Datum anno Domini M° GG° sexagesimo sexto, in octauis Assumptionis Beate Virginis Marie.

(Orig. Arch. de V Yonne, 'prieuré de Jully, H.)