H° VII
Procès-verbal d'élection d'Etienne Filzjehan, gouverneur d'Avallon, aGn d'éviter les frais d'un gouverneur étranger.
24 octobre 1567.
Le 24 octobre 1567, en la chambre de ville d'Avalon, suyvant l'assemblée faicte en icelle chambre le 18 du présent moys et dit an, pour délibérer sur les lettres missives envoyées de la part de Monseigneur de Tavannes, contenant commandement aux liabitans dudit Avalon de recepvoir le sieur de Vezanne capitaine, avec cent arquebusiers, pour commander en ladite ville, pour la garde d'icelle. Pour obvier et empescher les fraiz et impenses que pourroient advenir à ladite ville par le moyen des gens de guerre, seroient esté les plus apparentz d'icelle ville, appelés en ladite chambre, et sur toutes aultres choses concernant ledit commandement. Et sur ce, lesdits habitans, auroient nommé et délégué Mes Sébastien Filzjehan, Jacques Symon, eschevins, Mes Jean Morot, procureur sindicq , Guil. Gauchon , receveur de ladite ville, Hubert Filzjehan et Claude Garnier, contrerolleur au magasin dudit Avalon, pour aller présenter requeste audit sieur de Tavannes, affîn d'empescher ledit sieur de Vezannes et arquebusiers
d'estre receuz pour la garde de ladite ville, et que lesdits habitans entendront prendre ladite charge et garde d'icelle ville. Suyvant laquelle eslection les susdits se seroient transportés au lieu de Dijon par devers ledit sieur de Tavanne, lieutenant au gouvernement dudit pays de Bourgogne :
Lesquels, après avoir présenté requeste auroient esté d'Xavis) que lesdits habitans, en la plus grande et saine partie d'iceux, advoroient lesdits déléguez pour le faict de la requeste et garde d'icelle. Lesquelz après avoir faict ledit rapport en ladite chambre, ont estez appelez les soubsignés, lesquels unanimement assemblez ont advohé et aggréé lesdits délégués en ce que les habitans de ladite ville avoient supplié ledict sieur de Tavanes, et député pour la charge et garde, conduitte et gouvernement, noble et saige Me Estienne Filzjehan, docteur es droicts, lieutenant de M. le bailly d'Auxois au siège d'Avallon. Auquel iceux habitans ont promis et par ceste promettent rendre toute obéissance pour icelle garde, aux peines qui seront par luy indictes et ordonnées. Et n'entendent, lesdits habitans et soubsignés, que Monseigneur de Basarne (1) aye la garde et charge de ladite ville. Ains seullement consentent que ledit sieur de Basarne, selon le vouloyr et commandement de Monseigneur de Tavannes, puisse visiter ladite ville, affin de la proveoir par conseil de toutes choses nécessaires.
Suivent les seize signatures.
(Archives d'Avallon, chapitre 52, n° 12 de l'ancien inventaire.
Nota. — Sous le numéro 3159 des Mss Bethune, folios 162-167, et sous ce titre unique : Coppie d'instruction baillée au capitaine La Baratte ,
(1) Alias Vezanne.
Monseigneur estant à Jugny, deux pièces distinctes ont été réunies en une seule.
La première est relative à des dispositions stratégiques prises par le duc de Nevers, alors à Châtillon-sur-Seine, avant le passage des confédérés. Elle est sans date ; mais en la rapprochant d'une sommation faite aux habitants de Montbard, pour l'exécution des ordres du général, on reconnaît que ce premier document n'est pas postérieur au 20 janvier 1568.
La seconde pièce, qui porte au clos la date du 14 février, est un rapport sur une escarmouche dans le Gâtinais, alors que les protestants avaient déjà franchi Auxerre.
Nous croyons devoir en faire ici deux articles avec des titres indiquant l'objet de chacune d'elles, comme il suit, nos vin et ix.
