PIÈCES JUSTIFICATIVES

9 décembre 1428. — Mandement de Jean l'Archer, maire de la ville de Poitiers, et de Maurice Claveurer, échevin.

Jehan l’Archer, mayre de la ville de Poictiers, et Maurice Claveurer, eschevin et bourgois d’icelle, commis et ordonnez à distribuer les deniers de ladicte ville pour les réparacions et autres choses nécessaires à jcelle, à nostre amé Pierre Ganter, receveur de lad. ville tant de la recepte ordinaire que extraordinaire, salut : — Nous vous mandons et commandons que vous paiez, baïllez et délivrez des deniers de vos dictes receptes à frère Jehan Hillairet, religieux de l’ordre et couvent de Nostre-Damedes-Carmes de Poictiers, la somme de vint livres tournois ; laquelle somme lui a esté ordonnée, en plain moys, estre payée par vous, desd. deniers, pour son salaire, paine, travail et despens d’avoir esté, par le commandement et ordonnance de ladicte ville de Poictiers, à Orléans, pardevers les gens d’église, bourgois et habitans de lad. ville d'Orléans, porter lettres closes et créance de par les gens

* d'église, bourgois et habitans de lad. ville de Poictiers,

pour avoir seurté de bailler ausdiz d'Orléans la somme de neuf cens livres tournois que lesd. gens d'église, bourgois et habitans de Poictiers leur ont ordonné, pour leur ayder à supporter les grans fraiz et mises qui leur a convenu et

- convient faire pour résister aux ennemis du Roy estans à

siége devant eulx. Lequel religieux y a esté et vaqué, par plusieurs journées, en grant doubte et péril de son corps, et apporté lettres et bonne seurté desd. d'Orléans de baï-

ler ladicte somme. Et par rapportant ces présentes, avec quictance souffisante dud. religieux, jcelle somme de 3x . t. vous, sera allouée en vos comptes et rabatue de vostre dicte recepte par ceulx à qui il appartiendra, sans contredit ou difficulté aucune. — Donné soubz noz seigns manuelz, en plain moys et cent, le ixe jour de décembre l'an mil cecc vint ethuit. — JEHAN L’ARCHER, M. CLAVEURER, G. Bouer. |

Original s. parchemin. (Bibliothèque impériale, mss. latins, n° 9230,

pièce 77, A.)