IT

26 décembre 1428. — Lettres de commission de Jean, Bâtard d'Orléans, lieutenant-général du Roi dans les pays du duc d'Orléans.

Jehan, Bastart d'Orléans, conte de Porcien et de Mortaing, grant chambellan de France et lieutenant-général de monseigneur le Roy, sur le fait de la guerre es pays de nostre très-redoubté seigneur, monseigneur le duc d’Orléans ; — Au gouverneur et prévost d'Orléans et à leurs lieutenans, et à chacun d’eulx, salut : — Comme pour aider à supporter les grans frais et missions que ont fait et font chacun jour les bourgois, manans et habitans de la ville d'Orléans, tant pour faire plusieurs réparacions et emparemens en ladicte ville d'Orléans, avoir et acheter plusieurs engins et habillemens de guerre convenables et nécessaires à la garde et delfense de ladicte ville que autrement, afin de résistér à la dampnable entreprise des Anglois, anciens ennemijs de ce royaulme, qui tiennent le siége devant ladicte ville et s’efforcent de toute leur puissance jcelle mettre en leur subgecion; lesdiz bourgois, manans et habitans de ladicte ville, duement assemblez, aient d’un commun assentement esté d’accort que la somme de six mille livres tournois soit assise, cueillie et levée

sur eulx ét leurs biens par manière de taille. — Nous vous mandons, commettons et expressément enioignons, et à chacun de vous, que jncontinent, sans aucuh délay, vous imposez et asséez ét faictes asseoir, imposer, cueillir et lever ladicte somme de six mille livres tournois sur lesdiz bourgois, manans et habitans de ladicte ville le plus également que faire poutres, ainsi que on a accoustumé faire les aides qui ont esté levez pour mondit seigneur le Roy, et contraignez et faictes contraindre chacun desdiz habitans à paier ce à quoy ilz seront imposez, comme pour les propres debtes de mondit seigneur le Roy, et par prenant et vendant promptement leurs biens, sans y garder les autres solempnités accoustumées, cessans et non obstans quelxconques oppositions et appellacions, et ladicte somme faictes porter pardevers le receveur des deniers de ladicte ville, ou aultre commis à la recevoir, lequel receveur ou commis sera tenu vous en rendre compte quant requis en sera, et y procéder à telle diligence que par défault desdiz deniers aucun jnconvénient ne s’en suive. De ce faire vous donnons povoir. — Mandons et commandons à tous les justiciers, officiers et subgez de mondit seigneur le Roy; que à vous et à vos commis et députez en ce faisant obéissent et entendent diligemment. — Donné à Orléans, le xxvje jour du moys de décembre, l’an de grâce mil cece vint et huit. Ainsi signé par monseigneur le conte lieutenant-général. — J..DE GYvÈs.

Document déjà publié dans le 496° Anniversaire de la délivrance d'Orléans. — Copie s. parchemin. (Arch. de la ville d'Orléans.)