LES ORIGINES. — INTERDICTIONS

religieulx, par ou le commun peuple est mal ediffié, séduict et deceu, chose vrayement dangereuse au bien publicque ; et pour aultant que par cy-devant n’estant le monde si corrompu, ne les erreurs si grans, qu'ilz sont presentement, l’on n’a prins de si près regard à iceulx jeuz, farces, chanssous, refrains, ballades et dictiers, comme le convient au temps present, ouquel les mauvaises et damnables sectes de jour en jour pullulent et s’accroissent davantaige. Pour ce est-il que, ce considere et sur ce en nostre advis et de noz consaulx provinciaulx de pardecça, desirans à Ce pourveoir, au plus grand repos et trancquillite de noz subgectz et de la chose publicque, et obvyer à tout ce que pourroit aulcunement mal ediffier le peuple, et signamment simples et jeusnes gens : considerant aussy qu’il est indecent prophaner les misteres divins et abuser de la Saincte Escripture, en la meslant avecq choses prophanes et ridicules, laquelle se doibt traicter en toute reverence es-lieux, en temps et par personnes a ce ordonnes, nous vous mandons et enchargeons bien expressement par cestes que, incontinent, partout es limites de votre gouvernement, la où l'on est accoustume de faire crys et publicacions, faictes publier et par nous deffendre et interdire expressement à chascun, de quelque estat, qualite ou condicion qu'’ilz soient, estraingiers ou subgectz, qu’ilz ne s’ingerent, ou s’avancent aulcunement divulgier, chanter, ou jouer, faire divulgier, chanter, ou jouer publicquement, en compaignie, ou en secret, aulcunes farces, ballades, chansons, comedies, refrains, ou aultres semblables escriptz, de quelque matière et en quelque langaige que ce soit, tant vieulx que nouveaulx, esquelz soyent meslées aulcunes questions, propositions ou faitz concernant nostre religion, ou les personnes ecclesiasticques, soit à l’endroict de leurs personnes ou estatz. Et, quant aux jeuz de moralitez, ou aultres choses, qui se font, ou jouent, à l'honneur de Dieu ou de ses Sainctz, ou pour rejouyssance et recreation honneste du peuple, ilz ne se pourront jouer ou reciter, qu'ilz ne soient prealablement visitez par le principal curé, officier ou magistrat du lieu, ou lesd. jeuz se doibvent faire et reciter, et que, sur Ce, ilz obtiennent leur congie et licence. Lesquelz debvront considerer et examiner se yceulx jeuz ou escriptz contiennent chose quy puisse, directement ou indirectement, donner offense à la Religion, pour, aud. cas, les deffendre et interdire, comme de faict les avons deffenduz et interdictz : laquelle chose entendons semblablement avoir lieu pour les jeux muets, que l’on appelle remonstrances ou representations par personnaiges, que inhibons et deffendons, s’ilz contiennent chose qui puist schandaliser comme dist est. A paine que ceulx quy auront contrevenu en l'ung des poinctz susd. ou quy, apres avoir eu congie ou adjouste quelque chose quy puist offencer comme entendons quelquefois aulcuns malingz avoir faict, d'estre griefvement puniz et chastiez arbitrairement et exemplairement, selon l'exigence du cas. Dont en chargeons bien expressement noz officiers, et chascun juge, d'y

‘avoir le regard convenable. Et, à l’entretenement et furnissement de cestes, proceder et faictes proceder par declaration et exécution des paines y comprinses, sans aulcun délay, faveur ou dissimulacion, car tel est nostre plaisir. Donné en nostre ville de Bruxelles, soubz nostre contreseel, Cy mis en placcart, le xxvie jour de janvier xve cinquante-neuf. (v. S.). Ainsi soubzcript par le Roi en son conseil, et signé du secrétaire Domerwepe. Lesquelles lettres estoient scellées d'un seaulx de chire vermeil applicqué ausd. lettres en forme de placcart, et sur le doz desquelles lettres estoit escript ce qu'il s'ensieult : Le vie jour de febvrier xve LIxX (v. S.) cestes furent publiées à la bretesque de la ville de Lille, en la présence et par le commandement de Denis de le Cambe, dit Ganthois, escuier Sr de la Haye, lieutenant de mons, le gouverneur de Lille, moy présent. Ainsy signé. T. Parmentier.

Mandements et Ordonnances de la Gouvernance, Registre noir, p. 35.

En vertu de ces ordonnances le magistrat avait eu à sévir en 1563, contre sept joueurs : Michel et Antoine Cardon, Jacques Lorthioir, Jean Destombes, Loys Prevost, Pierre et Jean Boussemare, « manans et habitans de Mouvaulx, » lesquels, le dimanche 4 juillet, avaient représenté sans permission du bailli et du curé, sur la place publique de ce village, en présence d’un grand nombre de spectateurs, le jeu du Veau d'or et une farce, « au grand schandale contemnement et méprisement » tant des ordonnances que des gens d'église 1. Le procureur du roi les condamna à être menés, par un sergent de la prévôté, en l'église Saint-Etienne à Lille, en chemise, à pieds et tête nus, ayant en main une torse ardente de 6 livres, pour la déposer devant le Saint-Sacrement, puis, tléchissant le genou, dire les paroles prescrites in forma et être reconduits en prison. En outre, ajoute la sentence, ils feront semblable « escondit » le dimanche après leur élargissement, dans l’église de Mouvaux, ils devront suivre la procession « pieds et chief nuds, » tenant et portant torse comme dessus, entre le prêtre

1. Les spectacles furent de tout temps en faveur dans les villages de la chatellenie : ainsi en 1423, on donna à Wavrin un jeu assez important pour que les Béthunois vinssent y concourir dans le but de gagner un notable prix eu argent. Au siècle suivant, en 1527, l'abbé de Loos, Dom Denis de Bauvin, autorise les rhétoriciens à jouer à Haubourdin, mystères, moralités et farces.