LE TIERS NOUVEAU

Du temps passé n'avons que faire, Ne du faict des gens anciens.

On l'a painct ou mys par histoire, Mais, de vray, nous n'en sçavons riens. S'ils ont bien faict, ils ont leurs biens; S'ils ont mal faict, aussy les maulx. Nous allons par aultres moyens; Somme, nous sommes gens nouveaulx.

LE PREMIER

Gouverner, tenir termes haulx, Régenter à nostre appétit.

Par quelques moyens bons ou faulx :

Nous avons du temps un petit.

LE SECOND

Les vieulx ont régné, il souffit :

Chascun doit régner à son tour.

Chascun pense de son proffit, Car, après la nuit, vient le jour...

LE PREMIER

Compaignons, il est nécessaire

D'aller un petit à l'esbat :

A nouveaulx gens nouvel estât.

Puisque les gens nouveaux nous sommes,

Acquérir de bruict si grand sommes.

Que partout il en soit nouvelles....