LIVRE XIII
tous autres tels instrumens avec lesquels on a pain et vin. Il n'y a rien plus commode que le fer, ny plus propre. Aucun ouvrage d'Artisans ne s'acheveroit sans le fer : les charpentiers travaillent après leurs bois avec le fer; le bonnetier fait ses bonnets avec des aiguilles de fer; les cordonniers font leurs souliers avec fer; un maçon maçonne avec le fer ses murailles ; un barbier ne rase la barbe sans im rasoir; et un enguilmineur n'arrache les dents sans tenailles; un senneur ne chastre les porcs sans fer.
Après avoir contemplé ceste demeure de Mars, ils montent en la maison blanche de Jupiter : blanche, dis-je, d'estaing, lequel blanchit les corps noirs ; mais pèche en bouillant. Car il brise tous corps, excepté celuy de Saturne et du So,leil, et de la Lune, avec lesquels il s'affermist, et ne so retire plus d'avec eux. Laquelle faute (sçavoir quand il brise ainsi les corps) quiconque la sçait corriger est heureux. 0 trop heureux est celuy, qui pourroit incontinent changer en bel or ses traveteaux, ses pierres, ses briques, et tout ce qu'il a! Mais, par ce que ceste recepte naist avec l'homme, et ne se peut aisément apprendre, heureux, heureux, qui sçait bien estamer ses poisles et ses pots, et qui est excellent en l'art de pinterie ! De ceste sphere d'estaing, ils vont au plomb fluide de Saturne, et là trouvèrent deux cens artisans. Là se présenta à eux, avec une face joyeuse, une belle, excellente, et grave femme.
Balde, courtois, pliant le genoûil la salue honnestement, puis la prie de leur vouloir pardonner si avec telle hardiesse ils estoient entrez dedans la saincte maison des Déesses. Ceste femme se sourit, disant telles paroles : « Suis-je digne de veoir un si grand guerrier^ qui est revere par le ciel, par la terre, par la mer, et par l'enfer? Je suis ceste Manto, du nom de laquelle Mantouë a prins le sien, laquelle fut bastie en l'eau par Ocnus au temps que le malheureux Cheval ruina Troye, et ne vous estonnez aucunement si j'ay peu vivre jusques à ceste heure : car, estant devenue Fée, j'ay ce don de vivre tousjours jusques à ce que le Juge supernel vienne briser le monde. Jusques à present Mantouë a pâti et enduré soubs un cruel tyran, lequel luy a fait perdre toutes ses honnestes meurs : mais maintenant est venue l'illustre, royallo, et grande famille des Gonzagues, laquelle chasse partout les Aigles noires. Geste demeure, que vous voyez composée d'un si bel ouvrage, est toute dédiée à
194 HISTOIRE MAGCARONIQUE.
François de Gonzague; nous luy donnerons ce beau sepulchre, après avoir acquis cent batailles, après avoir gagné mille trophées, après plusieurs louanges de sa belle vie, et après les ans du vieil Nestor. Je preside et commande à ces richesses, et faits de maistrcs Orfèvres, et apprens et enseigne à faire l'or formé par la vertu de trois mots, les noms desquels vous oyrez approchans vos oreilles. Et, en disant cecy, la mere de Thebes et la nourrice de Cipade, en leur chuchotant, leur dit plusieurs paroles en leurs oreilles, lesquelles ont ceste vertu de faire toucher de la main les premieres origines des choses, les vertus des herbes, les influences des estoilleS; les divers effets des pierres, et, en somme, leur donne advis pour avoir tousjours la bourse pleine d'escuz : ce qui importe le plus, et qui acquiert un plus haut honneur, qu'en estudiant en plusieurs livres, et contemplant les astres perdre le jugement.
Cependant les nautonniers avoient bouché et raccommodé plusieurs fentes du navire, et se préparent d'aller derechef tenter la malice des diables. Balde avec ses compagnons se retire de la caverne de tels orfèvres, et se remet dedans le vaisseau, puis commande de mettre la voile au vent. Les Zephires leur soufflent en pouppe, et laissent derrière eux le séjour de la montaigne enchantée. Or, entre les passagers, y avoit soubs le tillac un certain personnage ayant les yeux vifs, la face plaisante, ort respectueux, tant séparé des autres, que tout le long du voyage il ne dist pas huict paroles, estant, de sa propre habitude et de son naturel, craintif et honteux : et, pour ceste raison, se tenoit seulet à part. Son nom estoit Gilbert, lequel avec sa voix et avec sa lyre estoit un second Orphée dans lesbois, et un second Arion entre les Dauphins. Il atliroit à soy l'ouye des rochers et des forests. Balde l'envisageoit quelquesfois : mais iceluy ne pouvant supporter la lumière des yeux d'un si grand personnage, la rougeur luy venoit au front et baissoit sa veuë. Balde, espris de cet homme, fust mort alors, si aussi tost il n'eust sçeu qui il estoit, où il alloit, et d'où il venoit, ce qu'il avoit envie de faire.
Ayant donc sceu qu'il estoit expert à jouer des instrumens de musique, il le prie de vouloir recréer la compagnie, et avec sa douce voix abréger la longueur du chemin. Gestuy-cy se résout d'obeyr à un tel personnage, et d'autant plus qu'il se cognoissoit bon m.aistre en tel art.
