LIVRE XXIV

plus creux du centre. Le rubi et escarboucle, que Balde portoit tousjours au haut de son heaume, leur enseignoit par sa splendeur le chemin, et leur faisoit éviter de grands daiigers. Tousjours descendoient contrebas fort aisément, Balde marchant tousjours devant avec sa lanterne : ils recognoissent cent petits chemins, et cent petites sentes sô rendans toutes de divers endroits en un grand chemin, par quel estant large et spacieux, on va au pays infernal. Comme nous voyons à Venise divers canaux portans baroques se rendre tous en un grand et spatieux canal; ainsi, voit-on icy des petites ruelles, des routes, des sentiers, plus de mille s'assembler en un, et chascun a son esprit, par lequel on peut sçavoir de quelle ville chasque chemin vient. Il y en a un qui vient de Florence, autre de Rome, autre de Milan, de Gennes, de Naples, de Venise, de Parme, de Boulongne, de Lyon, d'Avignon, de Paris, de Bude, de Valence, de Gonstantinople, du Caire et de Cipade. En somme, il n'y a pays, ville, chasteau, qui n'aye un chemin se rendant icy, et amenant avec soy eu Enfer ses meschantes âmes, dont autant de mille remplissent continuellement ce gouffre infernal, qu'en mille ans peuvent naistre au monde de milliers de mouches. Tant plus qu'on descend, plus le chemin s'eslargit. et reçoit une infinité de ces pauvres âmes gémissantes. Balde commande à tous ses compagnons de ne parler aucunement, et pendant qu'iceux gardoient ce commandement à l'cstroit, et tousjours cheminoient, ils arrivent au bout du grand chemin, lequel s'eslendoit et s'eslargissoit en une horrible campagne toute couverte de cendre. En icelle regnoient les vents souterrains par lequels adviennent les tremblemens de terre que nous sentons: avec leur impétuosité ils poussent çà et là ces cendres, esmouvant une grande tempeste avec icelles, ayans une odeur de soulphre. Balde se resjouit de se voir en une telle nouveauté. H admoneste Lyron et tous les autres de n'avoir aucune peur. « Quoy? dit Falcquet; pendant que nous te verrons, Balde, toute la canaille des Diables qui sont en Enfer ne nous estonnera point, ny tout tant qu'il y en a par lair. » Et, se montrant gaillard et dispos, se lance de là, se lance deçà, contre ces terribles vents. Cingar le suit: et, se gaudissans ensemble, rient, saultent, vont, reviennent çà et là, comme font de jeunes agneaux, lesquels, laissant leur mère, sautent en l'air des quatre pieds, et font des cabrioles; mais, quand

552 HISTOIRE MAGCARONIQUE.

ils oyent le loup près d'eux hurler, soudain tous peureux se retirent soubs le pair de leur mère : le berger s'approche, et appelle à soy son gros matin. Falcquet de mesrne avec Cingar se donnoient carrière à plaisir loing des autrçs; mais, s'ils apprehendoient quelques hasards et périls, incontinent se retiroient vers Balde, comme à un port, pour ïombaltre plus hardiment soubs son ombre: lequel, comme a de coustume un advisé Caporal, ne se soucioit point de soy ; mais regardoit seulement à ses amis.

Au bout de ceste campagne y avoit un bois obscur, et espais, non point planté de mirtes, ny de lauriers, ny de platanS; ny d'ormes, ny de cyprès ; mais estoit rempli de ifs, d'aconites, decignes, estans aussi hauts que les grands fouteaux qu'on voit au haut des Alpes: de l'escorce de ces arbres coule un suc vénéneux. Balde y entrant le premier, prend plaisir à veoir de telles nouveautez, et ne craint de cheminer par ces obscuritez vénéneuses. Ils oyent de loing un grand bruit, et une rumeur telle qu'on oit en l'air quand une tempeste de gresle nous menace ; ou bien au bruit que fait ordinairement la mer, quand irritée, elle bat le sable et esleve ses ondes jusques au Ciel. A la fin du bois, ils rencontrent une entrée d'une grande porte, laquelle n'est jamais fermée, mais toujours ouverte, et par laquelle pourroyent passer de front trente charrettes, et ces mots sont gravez au dessus d'elle en une pierre dure:

De Lucifer est la maison,

Où il lient en toute saison

A tous venans sa Court ouverte :

Pour entrer un chascun j'admets,

Mais d'en sortir point ne permets :

Ceste reigle vous soit aperte.

Fracasse, ayant leu ceste inscription, s'en rit. c Allons donc, dit-il, soldats, nous n'aurons congé de retourner à ce que je voy. » Ils passent ceste porte, et l'escarboucle de Balde à grand'peine peut-elle surmonter les ténèbres et ceste épaisse nuict. Ils oyent en ces obcurs Royaumes retentir des plaintes horribles, et puis vient au devant un certain hostelier avec sa grand' barbe, et, les voyant encoi vifs, admire que c'est, et dit en soy-mesme : « Quelle nouveauté est cecy? » Et, en ce disant, et tirant doucemeni