Minorem natu majorem non posse adoptare placet

Adoptio enini naturam imitatur, etpro monstro est ut major sit filius quam pa ter. Débet itaque is qui sibi filium per adoptionem vel adrogationem facit, plena pubertate, id est, decem et octo annis prœcedere.

5. Licet autem et in locum nepotis vel pronepotis, vel in locum neptis vel proneptis , vel deinceps adoptare, quamvis filium quis non habeat.

6. Et tam filium alienum quis in locum nepotis adoptare potest, quam nepotem in locum filii.

7. Sed si quis nepotis loco adoptet , vel quasi ex eo filio cjuem habct jam adoptatum , vel quasi ex illo quem naturalem in sua potestate habet; in eo casu et filius consentire débet, ne ei invito suus hères adgnascatur. Sed ex contrario, si avus ex filio nepotem det in adoptionem , non est necesse filium consentire.

8. In plurimis autem causis adsimilatur is qui adoptatus vel adrogatus est, ei qui ex legitinio niatrimonio natus