CHAPITRE XII

Qu'il a fallu que Jésus Christ, pour faire office de Médiateur,

fust fait liomme.

1. Or il estoit tant et plus requis que cestuy qui devoit estre nostre Médiateur, fust vray Dieu et homme. Si on deman^Je dont ceste nécessité est venue, elle n'a pas esté simple et absolue (comme on parle) : mais la cause en a esté fondée sous le décret éternel de Dieu, dont le salut des hommes dependoit. Or ce Père de toute clémence et bonté a ordonné ce qu'il nous cognoissoit estre le plus utile. Car puis que nos iniquitez ayans jette une nuée entre luy et nous, pour empescher ([ue nous ne vinssions à luy, nous avoyent du tout aliénez du royaume des cieux : nul ne pouvoit estre moyen pour nous reconcilier qu'il ne luy fust familier. Et qui est-

ce qui en fust approché ? se fust-il trouvé quelcun des enfans d'Adam? mais tous avec leur père avoyent ceste haute majesté en horreur. Quelcun des anges y eust-il suffit? mais tous aussi bien avoyent besoin d'un chef, par la liaison duquel ils fussent affermis pour adhérer à Dieu à jamais. Il ne restoit donc nul remède, que tout ne fust désespéré, sinon que la majesté mesme de Dieu descendist à nous, puis qu'il n'estoit pas en nostre pouvoir de monter à icelle. Parquoy il a fallu que le Fils de Dieu nous fust fait Immanuel : c'est à dire. Dieu avec nous : voire à telle condition que sa divinité et la nature des hommes fussent unies ensemble :