LIVRE IV
au Concile de Carthage, auquel estoit sainct Augustin : Aurelius Archevesque du lieu, fut président, et non pas les ambassadeurs du siège Romain, combien qu'ils fussent là expressément venus pour maintenir l'authorité de leur Evesque. Qui plus est, il s'est tenu un (Concile universel en Italie, auquel ne se trouva point l'Evesque de Rome: c'est le Concile d'Aquilée, auquel sainct Ambroise presidoit pour le crédit qu'il avoit envers l'Empereur. Il ne se fait là nulle mention de l'Evesque de Rome. Ainsi nous voyons que la dignité de sainct Ambroise fut cause alors que Milan fut préférée au siège Romain.
3. Quant est du filtre de primauté, et des autres tiltres d'orgueil desquels le Pape se vante san's fin et sans mesure, il est facile de juger quand et par quel moyen ils sont venus en avant. Sainct Cyprien Evesque de Carthage fait souvent mention de Corneille Evesque de Rome : il ne l'appelle point autrement que Frère, compagnon, ou Evesque semblable à luy. Et escrivant à Estienne successeur de Corneille, non seulement il le fait égal à soy et aux autres , mais il le traite fort asprement, l'appelant maintenant arrogant, maintenant ignorant". Apres la mort de sainct Cyprien, on sait ce que toute l'Eglise Africaine en a décrété. Car il fut défendu au Concile de Carthage, que nul ne fust nommé Prince des Prestres, ou premier Evesque : mais seulementEvesque dupremiersiege'*^ Que si quelcun espluche les histoires plus anciennes, il trouvera que l'Evesque de Rome se contentoit bien adonc du nom connnun de Frère. Certes cependant que l'Eglise a duré en son vray et pur estât, ces noms d'orgueil, lesquels depuis a usurpé le siège Romain pour se magnifier, ont esté du tout incogneus : on ne savoit que c'estoit de souverain Prestre, ne d'un chef unique en terre; et si l'Evesque de Rome eust esté si hardy que de s'eslever jusques là, il y avoit gens de sorte qui eussent incontinent reprouvé sa foUe et présomption. Sainct Hierome, d'autant qu'il estoit Prestre Romain, n'a point esté chiche à priser la dignité de son Eglise, quand la vérité et condition des temps le souffroit : toutesfois nous voyons comme il la range au nombre des autres. S'il est question d'autliorité, dit-il, le monde est plus grand qu'une ville. Qu'est-ce que tu m'allègues la coustume d'une ville seule ? Qu'est-ce que tu assujettis l'ordre de l'Eglise à peu de gens, dequoy vient la présomption? Par tout où il y a Evesque, soit à Rome, soit à Eugubio, soit à Constantinoble ou à Regio, il est d'une mesme dignité et d'une mesme Prestrise. La puissance des richesses, et le mespris de la povreté ne fait un Evesque supérieur ou inferieur^o.
4. Touchant du filtre d'Evesque universel, la première contention en fut esmeue du temps
de sainct Grégoire, par l'ambition de l'Archevesque de Conslantinoble nommé Jean. Car iceluy se vouloit faire Evesque universel, ce que nul n'avoit auparavant attenté. Or sainct Grégoire en débattant cette question, n'allègue point que l'autre luy oste le tiltre qui luy appartient : mais au contraire, il proteste que c'est un tiltre profane, voire mesme plein de sacrilège, et un préambule de la venue de l'Antéchrist. Si celuy qui est nommé universel tombe, dit-il, toute l'Eglise Irebusche. En un autre passage : C'est une chose fascheuse de porter que nostre frère et compagnon, avec le mespris des autres soit nommé seul Evesque. Mais par ce sien orgueil que pouvons-nous conjecturer, sinon que le temps d'Antéchrist est ja prochain. Car il ensuit celuy qui en mesprisant la compagnie des Anges a voulu monter plus haut,, pour estre seul en degré souverain^Mtem, en un autre lieu escrivant à Eulolius Evesque d'Alexandrie, et à Anastase Evesque d'Antioche, Nul de mes prédécesseurs, dit-il, n'a jamais voulu user de ce mot profane. Car s'il y a un Patriarche qui soit dit universel : le nom de Patriarche sera osté à tous les autres. Mais ja n'advienne que quelque Chrestien présume de s'eslever jusques là, qu'il diminue l'honneur de ses frères, tant peu que ce soit. De consentir à ce nom exécrable, ce seroit destruire la Chrestienté. C'est autre chose que de conserver unité de foy. et autre chose que de reprimer la hautesse des orgueilleux. Je dy hardiment, que quiconque s'appelle Evesque universel, ou appete d'estre ainsi nommé, est précurseur de l'Antéchrist : d'autant qu'il se préfère par orgueil à tous. Item derechef à Anastase, J'ay dit que l'Evesque de Conslantinoble ne peut avoir paix avec nous, qu'il ne corrige la hautesse de ce mot superstitieux et orgueilleux, lequel a esté trouvé par le premier apostat ; encore que je me taise de l'injure qu'il vous fait. Si quelcun est nommé Evesque universel, toute l'Eglise trebusche si cestuy-là chet=*. Voila les paroUes de sainct Grégoire. Touchant ce qu'il raconte qu'on avoit offert cest honneur à Léon au Concile de Chalcedoine, cela n'a nulle apparence de vérité; car il n'eu est point de nouvelles aux actes qui en sontescrits; et Léon mesme, quand il reprouve en plusieurs Epistres le Décret qui avoit là esté fait en faveur de l'Evesque de Constantinoble, n'eust point laissé cest argument derrière, duquel il se fust mieux aidé que de tous les autres, si on lui eust offert un tel honneur, et qu'il l'eust refusé. Mesme d'autant qu'il estoit un homme fort ambitieux, il n'eust point volontiers omis ce qui eust fait sa louange. Sainct Grégoire donc s'est abusé en cela, qu'il a pensé que le Concile eust voulu tant magnifier le siège Romain. Et de fait, c'est une moquerie, qu'un Concile universel ait voulu estre autheur d'un
