I. I-cs poids manquent

vermeille obscure enchastonnées. Et en chascun des chapiteaux a un oteau de cristal là où a reliques dedens. Et le dehors d'iceulz tableaus est d'ouvrage enlevé à pilliers avecques leurs espys sur les costez, et en est chascune pièce parée dessus de doubles chapiteaus et de trois clochiers, et les chapiteaus sont à envoirremens d'oteaus de belle euvre. Et tout autour de Torbevoie dessus devisée, qui a sa greigneur apparance dehors, a deux souages férus à croizetes. Et la quarré de l'euvre de chascune des pièces est esmailliée d'azur; et sur l'une est le couronnement Nostre Dame d'argent doré et enlevé à deux chapiteaus, et a un angle descendant entre iceulz qui tient la couronne, et sur l'autre est l'Annunciacion à deux chapiteaus et au Saint Esperit en fourme de coulon, descendant d'une nue devers Nostre Dame : et a un pot entre Nostre Dame et l'angle tout enlevé d'argent doré, mais en l'esmail a un arbre de lis qui semble partir du pot. Et se cloent lesdis tableaus à charnières. Et poisent en tout ii mars ii onces.

3488. Un cuvier d'argent bellonc, couvert, fait à deuves et loyé par le corps de trois cordons tuers et dorez, sur le moien desquels devant, derrière et aus costez a un escuçons esmailliés aus armes de la duchesse ; et le couvercle est loié d'un pareil cordon ; et sur son haut, qui est tout plat, a une barre esmailliée par quartiers de noz armes et de celles de Bretaingne. Et poise en tout II mars vu onces m estellins.

3489. Une petite croix d'or, dont le pié est à vi quarrés, garni autour de pluseurs souages, entre lesquels en a un greneté, et sur le plat est ledit pié haichié à vi triangles qui sont endentez de chascun lez, et en chascun a trois fueillages, dont les trois sont d'une façon et les autres trois sont d'autres. Et le piller de ladicte crois est à vi quarrés, garni par le bas d'un souage greneté, et ou millieu a un pommel à un pommel à pluseurs costes, dont le plus est hachié. Et sur ledit piller siet la crois qui est faicte à quatre croiserons en manière de treffle, dont le millieu est hachié à bordeure endentée, esmailliée de vermeil et de noir. Et sur le devant est Nostre Seigneur enlevé en la crois, et a dessus sa teste, en un rolet, inscrit : 1 .N.R.I. ; et sur l'autre part est Nostre Dame enlevée, tenant son enfant, et dessus sa teste est un petit chapitel de maçonnerie enlevé. Entre les

OBJETS DIVERS SSq

quatre enfourcheures de la crois a quatre perles, bonnes assés, blanches et roondes et grossetes. Et sur le plat de chascun croiseron en a vi mendres, assises en deux troches, Tune d'une part et l'autre d'autre. Ainsi y a partout xxviii perles. Et se euvre ladicte crois sur le millieu, d'un costé et d'autre, pour mettre reliques dedcns. Et poise en tout iiii onces xix estellins.

3490. Uns tableaus de bresil, de deux pièces, garnis autour d'argent dore, à viii euvres encavées dedens et pointes à diapreures de branches d'or sur couleur vermeille, qui sont, sur le haut, toutes parées de chapiteaus à oteaus à jour, tous enlevez d'yvoire. Et dedens la première euvre basse est Nostre Seigneur qui lave les pies à saint Père, et y sont tous les xii Apostres ; en la seconde euvre basse est la prinse de Nostre Seigneur à pluseurs personnages; en la tierce euvre basse, comment il fu batu en l'estaiche; et en la quarte euvre basse comment il porte la croix qui est de brezil, et comment Pylate lave ses mains. Et dedens la première euvre haute est le Crucifiement; en la seconde euvre comment Nostre Seigneur est tenu tout mort de Nostre Dame, de saint Jehan et de l'une des Maries; en la tierce euvre comment il est ou Sépulcre; et en la quarte euvre sa Resurreccion. Tout ledit ouvrage et ymages fais de très bonne euvre d'yvoire. Et sur le dehors sont lesdis tableaus tous plains. Poisent en tout, bresil, yvoire et argent viii mars VII onces.

3491. Un petit bacin d'argent blanc à puiser eaue, lequel est sur le roont asse's parfont; et les hors en sont reploiez au haut sur le dehors; et ou fons a un cscuçon hachid aus armes de la duchesse. Et poise i marc 11 onces xv estellins.

3492. Un tablier de deux pièces, à jouer aus tables et aus eschez, dont tous les hors, sur le dehors et le dedens, sont garnis et couvers legierement d'argent doré, à pluseurs souages grenetez et autres, et à losenges ouvrées à grains et à fleurettes sur le plat desdis hors. Et ou dedens est la table pour le grant jeu des tables a xii pointes d'un costé, et autres xii d'autre, de coquille de perle pour asseoir les tables, bordées d'argent doré à losenges entrelaciées et à grains ; et les entredeux d'icelles pointes, qui sont en fourme de pointes entrans, sont couvers de cristal pains, dessous les aucuns à hommes, les autres à diverses

bestes et les autres à fueillages. Et sur le haut desdictes pointes de coquille de perles, tout du travers, a une ceinte couverte d'argent doré et ouvrée à roses et à poins, dedens lesquelles a comme osteaus esmailliés à diverses fueilles et fleuretes, lesquelz esmaus sont effaciés. Et sur le millieu du tablier a quatre losenges entrelaciées, garnies autour d'argent doré, ouvré à losenges entrelaciées et à autres ouvrages legiers; et dedens chascune losenge, dessous cristal, a une beste sauvage pointe, dont les trois ont testes d'omme et font diverses contenances. Et entre lesdictes losenges a xii pièces de coquille de perle sur les entrelaceys. Et sur le dehors dudit tablier est le jeu des esches eschaqueté de coquille de perle et de cristal; et dessous les cristaus a painture parant, les uns à divers personages, les autres à diverses bestes et les autres à divers fueillages et aucuns compas. Et ledit eschaquetement est tout bordé d'argent doré à cordeiz ; et sur les costez, entre deux ceintes de la façon de celles du tablier et les hors, a de chascune part quatre euvres, les deux de coquille de perle et les deux à diverses bestes paintes dessous cristal, dont les trois sont à testes d'omme et l'autre est un aigle. Et poise en tout xv mars. Et pour ledit tablier y a tables et eschez de cristal, de jaspe et d'autre pierre.

3493. Un petit miroir d'argent, doré et esmaillié sur le dehors, lequel est double, de deux mireoirs qui se assamblent et cloent à charnières par dedens ; et tout autour, sur ses hors, est garni de souages roons et de deux férus à croisetes, d'une part et d'autre du haut souaige du milieu. Et sont les esmaus, d'un costé et d'autre, d'azur sur terraces vers à pluseurs arbrisseaus et à chasse. Et sur l'une des parties sont un homme à cheval qui corne, et un autre qui est descendu de son cheval que il a derrière lui, et de s'espée fiert un sengler par la gorge, que un lévrier et un chien courant tiennent : et entre deux est un varlet qui porte en une perche, à son col, 11 lièvres. Et sur l'autre partie sont deux hommes à cheval, dont l'un corne et l'autre fiert de s'espée un cerf sur sa crupe derrière, que deux chiens, un asuré et un violé, poursuient. Et poise en tout un onces xni estellins.

3494. Un miroir de deux pièces, qui se ferment à charnières, et sont garnies sur le dehors et les bors d'argent doré. Et en sont les tours de chascune partie sur le dehors, cizellez à

FOURCHETTES d'oR ET OBJETS DIVERS $41

branches et à fueillez comme de vingne. Et sur le milieu de chascune partie dudit miroir par dehors est enchaastonnée dedens la garnison de l'argent qui y est, dont les hors sont endentez, une grande pièce roonde de coquille de perles, ouvrée autour d'aucunes fueilles de lui mesmes, et dedens d'un cheval et d'un roy qui est dessus, et qui tient un faucon sur son poing senestre d'un costé, et sur son dextre de l'autre, tout de coquille de perle et ouvré à jour ; et ou fons dedens, qui est encavé, pert la garnison d'argent dudit miroir qui est plainne. Et poise en tout ledit miroir, argent, coquille de perle, voirre et autre garnison i marc ni onces ii esterlins.