FOURCHETTES D OR A PRENDRE GINGEMBRE VERT

3495. Une fourchette d'or, assez grosse et fournie, à prendre gingembre vert, dont le fourcheron est plain à un costés. Et la verge est à vi quarrés, garnie auprès du fourcheron d'un pommel cizellé comme à grains, et par le milieu d'un autre pommel tout pareil; et le bout est comme sur la fourme d'un desdiz pommelz, mais que il n'est cizellé que sur la partie de dessus. Et poise III onces xiii esterlins et i quart d'esterlin.

3496. Une autre fourchette d'or à prendre gingembre vert, dont les deux fourcherons passent par deux testes de serpentelles, et sur le bas se tournent sur le roont. Et la verge est à quarrés, et en est le bout, devers le fourcheron, d'une teste de serpent qui l'engoule. Et ou milieu a un pommel roont acosté de deux petis souaiges roons ; et le bout est comme un bouton roont à un petit souaige roont dessous. Et poise une once x esterlins et I quart d'esterlin.

3497. Un petit cifflet d'or, longuet, à un] quarrés haichiées à L, à couronnes et à arbres de lis; auquel tient une petite chayennette de fil d'or, entrelaciée à deux anelez, d'une part et d'autre dudit cifflet. Et descent ycelle chayennette, qui est double, d'un anelet qui tient à un tournant d'or, garni dessus et

dessous de 11 fueilles d'or de treffle à jour; et parmi la haute fueille passe un aneletroont, qui tient au bout de deux mordans d'or, dont est garni un tissu de soie bleue, qui a une voie de fil d'or ou milieu; lequel tissu fait escharpe à pendre à un enfant ledit cifflet. Et sont les costez bas d'iceulz deux mordans ouvrés, d'un leiz et d'autre, comme à demis fenestraiges enlevez; et sur le plat, qui fait la monstre, sont haichiez à deux fueillettes chascun, et à i demi fenestraige. Et ledit tissu est garni au lonc de XXXV L couronnées et de xxxv fleurs de lis toutes petites et d'or, qui y sont pour cloeure et sont rivées audit tissu. Et poise en tout ledit cifflet, avec sadicte garnison et ledit tissu ainsy garni comme dit est, m onces ix esterlins et demi.

3498. Une petite ceincture garnie d'or sur un tissu de soie

bleue, à une voie de fil d'or ou milieu, dont la boucle est

longuette, de deux pièces cretées dehors, qui sont sur le tour du

corps d'une serpent à queues retournées sur le dehors, dont

chascune a deux fueilles petites et est tout à jour. Et lesdictes

deux pièces sont dessus haichiées bien deliement, et leurs haus

bous sont façonnez comme de deux arcs entre lesquelz est une

fleur de lis d'or à jour, dont sur l'un des fleurons se apuie

l'espinette d'icelle boucle, qui tient derrière à une charnière à la

queue d'icelle boucle, laquelle est plate, cretée autour sur ses

costez. Et sur sa monstre est haichiée à une L et à un demi

fenestraige sur sa fin, là où elle est clouée au tissu. Et le

mordant d'icelle ceincture est très bien ouvré tout à jour, comme

à un osteau de v osteaux tournez sur le roont, mais celi du

milieu est le plus roont ; et dedens a une L et es un autres a

iiii petites fleurs de lis. Et d'entre yceulz osteaux partent de

chascune part n lis entrelaciez. Et le bout dudit mordant est de

ini fueilles, tournées deux sur le bout et 11 renversées ; et sur le

bas de la queue d'icelli mordant, qui est enarchié, a deux fueilles

enlevées à jour, et est ycelle queue cretée sur ses costez ; et sur

le plat de sa monstre est haichiée à une couronne, et sur la fin,

là où elle est clouée au tissu, a un demi fenestraige haichié. Et

le tissu d'icelle saincture est garni dessus de xxxni L couronnées

et de xxxiiii petites fleurs de lis tout d'or, qui sont dessus clouées

et rivées, et font la ferrure de ladicte ceincteure. Et oultre ce, y

a VI fermoires d'or rivées au tissu, qui sont de vi pièces plates

sur le quarré, persiées ou milieu et haichiées autour ; et en sont les cantons sur tour de petites lis. Et poise en tout ladicte ceincture, or et tissu, ini onces et demi esierlin.

349g. Une très petite tassette de cuir couverte de veleueau azuré, brodée autour de fil d'or et de soie vermeille ; laquelle tasse est garnie d'or sur trois courroiettes qui y sont, dont celle du milieu est la plus longue et fait pour le pendant à pendre la tasse à la ceincture ; et se ferme haut à une boucle double d'or, qui est enarchiée dessus et dessous et ouvrée comme à un demi fcnestraige très petit, et autour est cretée ; et se tourne à la pièce du milieu à une charnière l'espinette qui y est. Et la queue d'icelle boucle est plate, haichiée sur sa monstre à deux fueillettes et à un demi fenestraige, et est clouée ; sur le haut de la tassette ladicte longue courroie estgarnie dessus de troispieces longuettes et estroittes, cretées autour et persiées ou milieu, qui font fermoires; et dessous sont clouées et rivées m L couronnées et une sans couronne, et m fleurs de liz petites d'or ; sur les II oreilles de la tassette sont rivées aus haus costez deux petites fleurs de liz d'or. Et aus costés d'icelle tassette sont les ii autres petittes courroiettes pendans, gernies chascune de ii L couronnées et de deux fleurs de liz d'or; et lesdictes m courroiettes ont chascune un mordant d'or, haichiez dessus de la devise de la haicheure de la boucle ; et à leurs bous a fueillaiges reploiez à jour, de bel ouvraige d'or enlevé. Et poise en tout ladicte tassette, or, velueau, cuir et autre garnison, ii onces x esterlins.

35oo. Un très bel coffret d'argent doré, fait de grant et bon ouvraige de maçonnerie et d'envoirremens de cristal pains dessouz, et d'autres ouvraiges de geet et d'argent blanc ; et est ledit coffret sur le bout et le plat à un quarrés, soustenu sur ses nii cantons de un lyons d'argent dorés et couronnés, assis sur un entablemens d'argent, quarrés sur le lonc, et garnis autour de souaiges ; et le fons en est de bois couvert de velueau vert, et les bors bas dudit coffret sont garnis et ceins tout autour de pluisieurs souaiges costés, et le plus bas est bien gros et passe le fons, et se extent avant comme pour le siège dudit coffret, se il n'estoit soustenu. La quarré du devant d'icelli coffret est ouvrée à VI grans fcncstraiges qui sont en fourme de portaulx, ouvrez autour de piliers de maçonnerie à chapiteaulz et à pinacles, et

dessus a un chapitel chascun fenestraige de maçonnerie ouvré à fueillaiges enlevez; et sur le bout de chascun chapitel en a un plus grant, et sont tous chascun comme de m fueilles de treffle. Ou milieu de chascun desdis fenestraiges a une fenestre, et dessus un osteau roont, ouvrez dedens de geetà menues euvres d'argent blanc de diverses devises. Et es dis compas a aucuns envoirremens pains dedens de vermeil à bestelettes jaunes; et es dessusdis six fenestraiges sont en envoirremens de doubles fenestres pains dedens de vermeil à ymaiges jaunes, c'est assavoir : ou premier l'Annunciacion Nostre Seigneur, ou second Nostre Dame et saincte Elizabel, ou tiers la gesine de Nostre Dame, et es autres trois les Trois Rois et m pastoureaulz. Et dessus les chapiteaux desdiz fenestraiges a autres petis fenestraiges d'envoirremens, pains, comme dessus, à hommes et femmes et à diverses bestes; et entre deux aeuvres d'argent et de geet. Et la serrure est haute, d'argent doré, garnie autour d'un souaige féru à croisettes, et la ploutre tient à une charnière dessus et se lieve bas à une serpentele enlevée ; et dessous vcelle serrure a ii petis osteaux et une fenestrelle ou milieu, ouvrez d'envoirremens, de paincture, de geet et d'argent bien deliement. La quarré derrière dudit coffret est ouvrée de maçonnerie et de tout sans serrure, de la devise et façon de celle de devant, fors que il y a vu fenestraiges et que en iceulz, en painture dedens les envoirremens, sont xini prophètes. Et les deux quarrés des bous dudit coffret sont ouvrées entièrement de la devise de ladicte quarré de derrière, chascune à trois fenestraiges ; et esdiz fenestraiges sont pains de la devise des autres, c'est assavoir : en l'un de ceulz des bous comment Herodes fait morir les Innocens et comment Nostre Dame présenta Nostre Seigneur au temple à saint Symeon. Et es fenestraiges de l'autre bout sont vi prophètes. Et les hors dudit coffret, autour du haut, sont garnis d'un grant souaige costé. La haute quarré dudit coffret, qui fait le couvercle, est ouvrée sur le dehors à deux grans osteaux de maçonnerie qui sont sur les cosiés, de deux devises de maçonnerie et en fourme d'osteaux d'église : et sont les fenestraiges et petis compas, qui sont en l'evre d'iceulz osteaux, ouvrez d'envoirremens de cristal pains, dedens les aucuns à hommes et à femmes et les autres à oisellés et diverses bestes; et entre yceulz ouvraiges a autres

ouvraiges déliez, d'argent blanc et de geet de diverses devises. Et sur le dehors desdiz deuxgrans osteaux, en a à leurs cantons VIII petis, là où a envoirremens pains, et ou milieu de chascun un rolet escript d'argent blanc sur geet : et es viii a escript : a En « bien tousdis, ii que je soie, Voel ma vie user en joie. » Et sur le milieu dudit couvercle, entre les deux grans osteaux dessus devisez, est une porte de trois fenestres d'envoirremens des devises dessus escriptes ; et dedens celi du milieu est paint Nostre Seigneur en la croix, et à ses costés sont deux prophètes, et dedens les deux autres sont Nostre Dame et saint Jehan l'Ewangeliste, et dessous a escript d'argent blanc en m rôles sur geet : « Marie, Jhesus, Jehan » et dessus a ix couronnes blanches. Et sur le haut de ladicte porte a un osteau sur tour d'osteau d'église, à envoirremens et paintures es fenestraiges et petis osteaux qui y sont, et à ouvraiges de geet et d'argent blanc comme es autres. Et l'anse qui est dessus ledit couvercle, pour soustenir le coffret, est de deux lyons d'argent doré, massis et velus sur leurs colz et espaules, qui luitent ensamble et ont longues queues retournées entre leurs jambes; et sont leurs pies de derrière sur deux petis entablemens, qui ont broches tournans en deux testes de serpens. Et ledit couvercle est garni autour de plusieurs gros souaiges, entre lesquelz en a ii férus à croisettes sur le bas et sur le dessus un tuers, et tiennent à plusieurs clous dont les testes parent. Et est ledit coffret tout couvert dedens de velueau vert et sur ses hors d'orfrois. Et sur le velueau du couvercle est le couronnement Nostre Dame et les iiii Ewangelistes aux costez, tout de broderie d'or et de soye enlevée et bien faite. Et poise en tout ledit coffret en argent, cristail, geet, painturc, velueau, broderie, bois et autres choses XXI marc v onces v esterlins.

35oi. Uns petis tableaux d'argent, dorés, de deux bien petites pièces sur le quarré, plus longues que larges, lesquelles se tiennent et clouent ensamble à charnières. Et ou dedens sont ycelles deux pièces encavées, garnies autour chascune d'un assez grant souaigc descendant, féru à croisettes. Et en chascune pièce traverse une haute pièce d'argent qui donne separacion des estaiges, dont en a ii en chascune pièce; et en sont les fons esmailliez, c'est assavoir deux de vert et deux

d'azur. Et es deux haus estaiges desdis tableaux sont, en l'un Nostre Seigneur en croix et Nostre Dame et saint Jehan aux costez, tous enlevez, et en l'autre le couronnement de Nostre [Dame], là où Nostre Seigneur et Nostre Dame sont assis comme sur une barre d'argent doré, tous enlevez aussy. Et dedens les deux bas estaiges d'iceulz tableaux sont en celi dessous le Crucifiement, saint Eustache, saint Jehan Baptiste et saincte Katherine tous drois et enlevez, et entre eulz un homme à jenoux, et derrière la teste saint Eustache a un escu armoié parti de deux armes; et en l'autre, Nostre Dame assise, qui tient son enfant sur son giron et les Trois Roix qui li offrent, tous enlevez aussi, dont le premier est à genoux. Et sur le dehors sont lesdictes deux pièces d'iceulz tableaux garnies autour chascune d'un souaige féru à croisettes ; et sur le plat sont toutes esmailliées et en chascune partie a comme une losenge, dont en Tune a en escu barré d'azur et d'argent et une bende de gueules, et en l'autre un escu de gueules à deux barres d'or ; et sur les iiii parties de chascune lozenge sont esmailliées un diverses bestes. Et poisent en tout vi onces.

35o2. Uns autres tableaux d'argent, dorés, plus petis de deux petites pièces, sur le quarré plus longues que larges, qui se acouplent ensamble à charnières. Et ou dedens sont encavées, garnies autour de souaiges, et sur le haut chascune pièce de ni chapiteaux à demis fenestraiges à jour. Et le fons desdictes pièces est tout esmaillié d'azur; et dedens l'une est Nostre Seigneur en croix et à ses costez Nostre Dame et saint Jehan, tous enlevez; et dedens l'autre est le couronnement Nostre Dame, et y sont assis Nostre Seigneur et Nostre Dame sur un siège qui sur le bas est ouvré à demis fenestraiges à jour. Et sur le dehors et le dedens sont lesdictes deux pièces garnies autour de deux souaiges grenetez, dessous un roont qui fait les hors des tableaux ; et sur le plat sont toutes esmailliées d'azur, à deux chappiteaulz chascune, qui sont dessus entre les ouvraiges esmailliez de vert. Et sur l'une des parties est saint Jehan Baptiste et saint Christofe qui porte Nostre Seigneur; et sur l'autre saincte Marguerite et saincte Katherine. Et poisent en tout v onces viii esterlins. 35o3. Uns autres très petis tableaux d'argent, dorez, de deux

très petites pièces sur le quarré, qui se acouplent ensamble à charnières, et ou dedens sont encavées, garnies autour chascune d'un souaigc féru à croisettes, et dedens d'une euvre, chascune qui est à piliers et à deux chapiteaulz de maçonnerie. Et le fons desdictes pièces est tout esmaillié d'azur; et dedens l'une d'icelles sont saint Pierre et saint Paul, et dedens l'autre sainte Marie Magdalene et saincte Katherine, tous de coquille de perle et d'ouvraige enlevé : et sur le dehors sont lesdis tableaux garnis autour de plusieurs souaiges et d'un féru à croisettes et sur le plat esmailliez d'azur; et en chascun a trois chappiteaulz de bon ouvraige; et sur l'une des parties est le couronnement Nostre Dame et sur l'autre Nostre Dame assise, qui tient son enfant sur le siège et à l'autre part tient en sa main un raincel à deux roses. Et poise en tout ii onces xvii esterlins.

3504. Un hennap d'argent, dont le pié est d'or à un gresle et petit souaige entour le bort, de bien plainne façon, fait à tour de lampe soudé contre le fons. Et est le corps du hennap d'argent fait à VI pains, les m cizellés très proprement à nos armes, et les autres m en manière d'arbrisseaux portans estranges fueilles, les uns parmi les autres; et ou milieu a un grant rondeau ront de nos armes. Les bors dudit hennap sont d'or au dessus de la cizeleure. Et poise ledit hennap or et argent i marc vi onces XVII esterlins et demi. — Le couvercle dudit hennap a les bors d'or à une tenue et plain souaige; et a son comble assez hautelet et a une bende large, par girons, de nos armes et des fueillaiges devant dis du hennap; et par dessus est d'argent tout plain et est le ranvers de l'ouvraige par dedens. Du milieu du couvercle par dehors part un souaige d'or; et est la couverture comme d'une tour ronde à girons d'argent et d'azur esmailliés. Et dessus a un boutonnet d'or fait en manière de guipe, de rouge cler et de blanc poli, du milieu duquel part un lis esmaillié de blanc sur le vif et la graine d'or de sa couleur. Et poise i marc ii onces XIX esterlins et demi.

35o5. Une charuette d'argent blanc à aprendre à aler enfans, laquelle est sur le devant de quatre bastons à demi roons assamblés en esquarrie, et celli d'amont est le plus lonc et à sez bous a deux pommeaux à plusieurs costes ; et sur le dehors de chascun a un petit roont esmail à un escuçon des armes de

548 ARMURE GARNIE d'or

Loys. Et sur ledit baston, à l'endroit des deux qui descendent aval, lesquelz s'i acouplent, a deux petis esmaulz de ladicte devise, et un pareil sur le costé devant dudit baston, à l'endroit du milieu d'icelli, là où se acouple l'arc de ladicte charuette, qui est tout roont. Et apuie ycelle charuette sur le devant du baston bas qui boute avant, lequel est à demi roont : et sur son bout a un esmail des armes de messire Jehan de Bueil. Et se porte et mainne ladicte charuette sur trois roes, l'une qui est près du bout dudit baston derrain devisé, et les autres sur le bas des deux des costez de devant. Et audit baston roont qui fait apuie, pendant a m chayennettes, m escuçons esmailliez des armes de Loys; et poise en toutviii mars ni onces.

35o6. Un cifflet clos d'argent doré, blanc et haichié à plusieurs ceinctes de bestes et de fueillaiges, et est sur le tour d'une poire. Et sur le milieu est ceint ledit cifflet de deux souaiges grenetés ; et aus bous a deux esmaulz roons, l'un à nos armes et l'autre aus armes de la duchesse, et dedens chascun un pertruis qui fait ciffler au mouvoir. Et poise un onces xii esterlins et demi.