HERNOIS DE GUERRE GARNI D OR
3507. Premièrement un bacinet d'acier, garni d'or, de perles, de dyamans et de doublez environ la visière et tout autour, ainsi comme le camail se atache ; et est la garnison faicte en cinq pièces, hachiée de fueillages où il a elles et âmes ', et en chascune pièce a cincq crampons haus, en chascun de deux qui y sont a quatre bonnes perles fines et rondes et un diamant ou milieu, et en deux des autres deux doublez tailliés, en couleur de saphirs, à vi costes, et en l'autre un doublet vermeil quarré; et sus la pointe du bacinet a une grande fleur de lis d'or double, de quatre espis, et le v' ou milieu. Et, sur le dos de chascun desdis espis, a un doublet ront percié, de
I. Il faut entendre que sont figurées les lettres l et m. Ces deux mots sont la figuration graphique du son que l'on émettait lorsqu'on épelait à haute voix les lettres l et m. Cf. sur la véritable prononciation de I'm, G. Raynaud, Rondeaux et autres poésies du xv« siècle, p. 72, note 2.
ARMURE GARNIE d'oR 549
couleur de "saphir. Et sur la pointe du haut espy a un autre doublet, en couleur de balay, percié du lonc; lequel espy est hachié à liz issans de pos; et les autres espis sont hachiés de fueillages. Et est la pâte dudit lis de quatre fueilles pointues dessus, hachées à petis lis. Et le tissu dudit bacinet est de soie azurée, dont le mordant est de deux gros filz d'or tuers, assez large devant et sus le ront, dedens lequel a une fleur de lis enlevée à jour. Et sus la chappe dudit mordant a une L et une M lachiés ensemble d'orfaverie, environ laquelle a un anelet de fil d'or tuers ; et sus le tissu, entre ledit mordant et les fermeures, a cincq clos pareuls à cellui de la devise qui est sus la chape dudit mordant; et y a cincq clos pour le fermer, lesquelz sont quarrez sus le lonc et hachiez autour des pertruis. Sur lequel bacinet se met un grant cercle d'or garny de perles, de dyamans et de doublez, ouquel il a x euvres sans celles des entredeux, et est chascune euvre faite sus le ront d'une baste d'archez perciez à jour, sur quoy se assieent cinq demis compas à jour, fais de deux fils tuers, plus gros par le milieu que par les pointes, qui portent un anelet tout plain, en quoy est assis un aigle à jour qui a la teste retournée. Sur le costé de laquelle aigle il a un crampon où est assis un doublet bellonc, en couleur de balay; et sus les pointes desdis demis compas sont trois doublez, en couleur de saphir, assis en grans crampons; et sus autres trois pointes a en chascun un diamant assis ou milieu de quatre assés grosses perles fines. Toutefois, en cest chapel a es autres euvres doublez vermeilz, là où sont les trois doublez asurez qui sont devisics en ceste euvre. Et les entredeux dudit chapel sont de clos quarrez, nervez par les deux bous à jour; sur lesquelles nerveures a un doublet, en couleur de saphir, assis en crampons ; et ou milieu dudit clo quarré, lequel est percié à jour sus le bellonc, a une crois de nostre Ordre, ou milieu de laquelle a un crampon où est assis un doublet en couleur de balay sur le quarré. Et poise. .. '. La courroye dudit bacinet est d'un tissu de soie asurée, dont le mordant est de deux fils tuers sur le roont, plus large par le bout qu'il n'est auprès dudit tyssu, ou milieu duquel mordant a une fleur de lis
