I . Le poids n'a pas été noté

550 ÉPÉE GARNIE d'oR

d'enleveure à jour; et ou bout dudit mordant a une petite fueille bien nervée et refendue, entre laquelle et ledit bout a une petite estoille, perciée, et vuidée à jour ; et en est la chape d'icelui mordant d'un clou quarré, sur quoy est assize une M et une L laciez ensemble dedens un rondeau fait en manière d'un anel de deux petis fils tuers. Et depuis ladicte chape jusques aus clos qui font la fermeure dudit tissu, a cinq cloz pareulz de celui qui est sus ladicte chape, et cinq autres cloz qui font fermeure; et sont quarrez, plus longs que larges, hachiés environ les pertuis. Et poise... '.

35o8. Une très grande espée, garnie d'or et de perles par la manière qui s'ensieut; c'est assavoir la pongniée de l'espée de fil d'or trait, tuers, liée en manière de lozenges, et le pommel hachié tout autour à fleur de lis à deux esmaulz assis sur bouillons où sont nos armes, dont la bordeure est de rouge cler; et ou milieu de nosdictes armes a une tablete longuete, quarrée, esmaillée de blanc, sur quoy il a une crois d'or faicte en manière de celle de nostre Ordre. Sus lequel pommel a un bout quarré, large par dessous et plus estroit par dessus. Et est la crois de ladicte espée bien longue, plate sus le roont et un pou enarchiée par les deux bous; et est hachiée par les deux costez à lettres où il a en plusieurs lieux : « Je le doy » ; et le dessus est hachié de fleurs de lis. En laquelle espée a une grande renge garnie d'orfavrerie et de perles, dont la boucle se fait de deux cols d'aigle bien plumetez, assis sur deux manières de fueillages renversiés, bien netement ouvrez; et tiennent le bec desdictes aigles une assez grande couronne vuidée à jour, ou dedens de laquelle couronne se ferme le renguillon ; et est la chappe de ladicte boucle faite en manière d'un croissant, hachée dessus à lettres où il a : « Je « le doy ». Et ou vuit dudit croissant a sus le tissu une petite fleur de lis d'or d'orfaverie, et sont emplies les pointes dudit croissant de perles, dont les unes sont plus grandes que les autres; et le pendant de ladicte renge est de deux angelos descendans, assis dos à dos, qui ont les esles drecées un pou contremont, et tiennent une couronne toute vuidée à jour : d'entre lesquelz angles yst une manière d'arbre, sur la pointe