Tome 1I

ville de Dijon et pour prendre la possession de son (sic). duchié.

Premierement, les mayeur et aucuns des eschevins de lad. ville ont acoustumé de venir au devant de Mgr en aucun lieu pres de la ville et lui supplier que, quant il sera en l’église de Saint Benigne, il lui plaise faire esdiz maieur et eschevins les seremens et autres choses sur la confirmacion de leurs previlleges, ainsi comme messeigneurs ses predecesseurs ont acoustumé de faire en tel cas. À quoy mesdiz seigneurs les ducz ont acoustumé de respondre que, quant ilz seront en lad. église, ilz feront voulenters et de bon cuer ce qu'ilz devront.

Apres, quant incsdiz seigneurs approuchent lad. ville, les processions ly sont à l'encontre en chappes et portans reliques, lesquelles reliques l'abbé de Saint Etiene ou le plus grant et notable homme d'Eglise presente et donne baisier à mesdiz seigneurs et ne descent point le seigneur.

Et esd. processions, ne sont point l’abbé de Saint-Benigne et son couvent ne les doyen et chappitre de la chappelle de Mgr, ne leur college pour les causes cy apres declairées.

Apres, mesdiz seigneurs entrent en lad. ville à cheval, sans

autre serement faire, leur bailli de Dijon estant devant eulx tenant une grande verge en sa main à cheval.

Et s’en vont mesdiz seigneurs à cheval jusques à la porte de l’eglise de Saint Benigne et là descendent à pié et les reçoivent l'abbé de Saint Benigne et son couvent qui les actendent tous revestus en la nef de lad. église, tenans reliques et encensiers. Et présente l'Abbé les reliques à baïisier à mesdiz seigneurs, lesquelz les baisent et apres en vont devant chantant et mesdiz seigneurs les ducz apres jusques pres du grant haultel, là où mesdiz seigneurs tiennent un oratoire et s’agenoillent et font leur dévocion devant l’autel tout garni de reliques.

Apres, se traient jusques à l'autel et là est environ le milieu dud. hautel, où ilz treuvent l'abbé de Saint Bénigne d’une part et les mayeur et eschevins dud. Dijon, au coing de l'autel à la main destre d'autre part, lesquelz mayeu et eschevins supplient mesdiz seigneurs les ducz qu'il leur plaise de confermer leurs privilleges, libertez et franchises à eulx octroiées par messeigneurs les ducz, leurs prédécesseurs, et de leur faire serement de les tenir, maintenir et garder et faire garder par leurs gens et oflicers.

Et lors, mesdiz seigneurs les ducz ont acoustumé de respondre et dire queilz conferment et confermeront par leurs lettres patentes lesdiz privilleges, libertez et franchises, si et en tant comme l'on en aura deuement usé, et ainsi le jurent, présent le corps de Nostre Seigneur

et les sainctes reliques et en ordonnent à leurs secretaires en faire lettres patentes. |

Apres, le chancellier de mesdiz seigneurs les ducz ou cellui à cui il leur plaist ordonner en son absence, dit auxdiz mayeur et eschevins et à tous ceulx qui sont là presens et mandez de toutes les bonnes villes dudit duchié les paroles qui s’ensuivent :

« Levez les mains aux sains » et ilz les lievent et apres leur dit: « Vous promectez et jurez pour Vous et les autres desd. bonnes villes qui vous ont cy envoicz estre bons et loyaulx subgiez obeissans à Mgr le duc cy present et lui garder ses droiz » et 1lz respondent tous à haulte voix ensemble, lesd. mains levées « Nous le promectons et jurons ainsi ».

Apres, ledit abbé de Saint-Benigne qui tient en sa main l’anel qui feu bonne mémoire Mgr le duc Philipe cui Dieu pardoint, aycul de mondit seigneur, ditles paroles qui s’ensuivent : « Mon tres redoubté seigneur, Mgr le duc Philippe, vostre ayeul, cui Dieu pardoint, ordonna cest anel pour le bailler par cellui qui seroit abbé de céans au temps que il y viendroit nouvel duc, pour prendre la possession de sa duchié et le lui mectre ou dov en signe de ce qu'il prent et espouse nouvellement sa seigneurie, et pour, en ensuiguant sa bonne et notable ordonnance, en icelluisigne, je le vous mes ou doy en bonheur et en bonne estraine que Dieu vous doint et mons. saint Bénigne de vostre pays de Bourgogne, qui vous doint si bien gouverner à vostre honneur et à bien de vostre peuple que vous en acqueriez la joye de paradiz ».

Et des là mesdiz seigneurs les ducz montent à cheval et s’en vont a la chappelle de monditseigneur, et là mesdiz seigneurs descendent ala porte de l’église et la treuvent les doyen, chappitre et college d'icelle revestus de chappes et tenans les reliques, lesquelles 1lz presentent à baisier à mesdiz seigneurs et apres s’en vont jusques devant le grant haultel et là treuvent leur oratoire, comme dessus à Saint Benigne, et font leurs devocions et apres viennent jusques aud. haultel et là lesdiz doyen et chapitre li supplient qu'il lui plaise tenir, garder et maintenir leurs privilleiges et serement de ce faire et aussi de feaulté, ainsi qu’il a esté acoustumé le temps passé, lesquelz mesdiz seigneurs y font et jurent garder lesdiz privilleges et en commandent les lettres comme devant.

Et apres lesdiz doyen et chappitre leur jurent fidelité et lui supplient qu'il les recoive en hommage, lequel les y reçoit et les baise l'un apres l’autre.

Pareillement fait l’on à lad. chappelle, quant mesdames les du-

chesses y viennent nouvellement, et viennent lesd. doyen et cha-

noines baisier mad. Dame en la joüe.

Et apres mesdiz seigneurs les ducz s’en vont en leurs hostelz disner

Joyeusement » (1).

CHARGES DE GARNISONS DELIVRÉES À PLUSEURS OFFICIERS DE MGR POUR LE FAIT DE SA DESPENSE, EXTRAITES DU COMPTE DE PIERRE VAROPEL, MAISTRE DES GARNISONS DE MGR (2), POUR LE FAIT DU PASSAGE D'ENGLETERRE QUE L'EN ESPEROIT ESTRE FAIT EN L'AN MIL 386, LEDIT COMPTE FENI 25 D'AVRIL 387.

Lesqueles garnisons ont esté prinses en la despense dud. compte comme delivrées es offices de la despense dudit hostel..… par les parties et en la maniere qui s'ensuit :

(1) Cette relation du cérémonial observé à la première centrée des ducs en leur ville de Dijon se trouve aux Arch. de la Côte-d'Or, B :15,f. 166 r° ct ve. Le tome LVIII de la Coll. Bourgogne,f. 282 ro et v° en contient également une copie où l’on semble présumer que le don de l'anneau fait par le duc Philippe à l'abbaye de Saint-Bénigne aurait eu lieu en 1386. L'auteur des Mémoires pour servir à l'Hist. de France ct de Bourgogne l'a imprimée dans sa deuxième partie, p. 85-87.

(2) Pierre Varopel, Varopeaul, Vairrepeaul, était en 138: clerc de Nicolas de Fontenay, gouverneur des finances du duc (Coll. Bourgogne, t. XX VI, f. 182); nommé maitre de la Chambre aux deniers, le 29 novembre 1382 (Ibid., f. 178), il quitte, en 1386, cette charge pour celle de maître des garnisons (Arch. Côte-d'Or, B 14067, f. 11; 1460, f. 7). Il prend plus tard (1392) le titre de valet de chambre du duc (7d., liasse B 364) puis on le trouve établi marchand et bourgeois de Paris (/d., B 1503, f. G vo, 124; 1514,f. 224, 227 v°, 228; Arch. Nat., JJ 154, n° 57, f. 20 v°). Le duc le nomma, le 14 mars 1399, « gouverneur général de toutes ses finances », en remplacement de Pierre de Montbertaut (Arch. Nord, B 1598, f. 117); mais il mourut peu après, le 11 mai 1400 {Id., B 1599, f. 590 v°; Arch. Côte-d'Or, B 1519, f. 49 vo, 67 5 1532, F. 69). Cf. Pannier, La noble maison de Saint-Ouen, p.165 ct pr., p. 102-105, 108-112, 117. — On trouvera des quittances signées de P. Varopel, Arch. Pas-de-Calais, À 799, n. 56, 95; 800, n. 50; 803, n. 21, 223 Arch. Côte-d'Or, liasse B 364).