Mondovi

des environs c'est retiré à Nice. Le pays [est] très mal contant de luy pour les vindictes desquelles il a usé sur aulchuns de ses pays, se voyant ung peu entré en terre, de sorte que deux mil hommes de pied tant italliens que piedmontois se sont venuz rendre en nostre camp pour le service du Roy et ont promis et asseuré, avant que d'avoir jamais aulchune soulde du Roy, de luy rendre ou à son lieutenant gênerai ledict Mondevys et aultres places prises par ledict duc; joint aussy qu'elles sont très mal munyes de gens, vivres et de toutes munitions. Le Roy a pour le jourd'huy de 15000 à xvi mil hommes de pied audict Piedmont, tant suisses que aultres, et de mil à xii*^ chevaulx légers, sans la gendarmerie et les bandes ital-

liennes et les ' qui y sont arrivez, venans du camp

de delà, qui ont passé par la Franche Comté. Dieu sçait comme ilz se sont faict traicter.

Quant au duc de Savoye, il a trouvé son Nice qui a esté traicté par mains de maistres, qu'il a trouvé ung peu bien estrange, et n'a esté sans grandes plai[n]ctes et lamentacions de ceulx à qui il touche. Je ne sçay quelles bonnes excuses il a peu faire synon son oppiniastreté. Il s'est retiré au chasteau, lequel il a faict envitailler de vivres et aultres munytions, et l'a demeublé de tout ce qu'il avoit de bon léans, comme bagues, vaisselle d'argent et joyaulx, jusqu'à sa couronne ducalle, et a le tout envoyé à Gennes pour trouver et emprunter 4 mil escuz dessus, et à se qu'on présume, il est ad metam non loqtii, ayant perdu sa réputation en Piedmont et autres lieux de sez feuz pays.

Quant à l'Empereur, j'ai veu lettres entre les mains d'un de mes hostes allemant, comme ledict empereur n'a pas faict à ceste diette ^ tout ce qu'il pensoit, et entre aultres choses il ne tendoit que à mutiner toutes les Allemeignes contre le Roy,

I. Ici se trouve un mot que je n'ai pu lire (ks jaum's?'). 1. La diète de Spire, en février 1544. Cf. le P. Daniel, H\s,t. de France, t- IX (1755), pp. 542-543-

à cause de la descente du Turc; mais il ne les a pas tous trouvé de son oppinion, et luy ont dict et déclaré que quant à eulz, ilz n'ont point délibéré de luy ayder de gens ne d'argent, sy ce n'est pour aller en Hongrye contre ledit Turc, et que luy mesme y aille en personne ; et aultrement ilz sont délibérez pour la tuytion et defFence de leur pays et terre d'en eslire ung aultre que luy, qui en fera son debvoir et leur tiendra meilleure promesse que ne leur a fait par cy devant. Et par ce que je peux veoir et congnoistre par plusieurs lettres, il n'a pas faict tout ce qu'il pensoit et se tient fort fasché. Il faict bruit qu'il s'en vient auxltallie(n)s; s'il y va, ce n'est aussy à aultre intention que de mutiner tous les potestatz contre le Roy, attendu mesmement qu'il n'y a rien sy vray que ledict Turc a envoyé sommer les Vénitiens comme ses vassaulx de luy foire provision et munition de gens et de vivres pour ceste primevère, qu'il a conclud et résolu entrer en la duché de Millan ; de quoy les Vénitiens sont bien estonnez et ne sçavent que faire, combien qu'ilz obéiront; aultrement mal basteroit pour eulz et leurs biens enclavez es pays dudit Turc. Hz ont envoyé leur sommation à l'Empereur, au Pape et autres des potestas pour adviser qiiid agendnm. Au reste, quant à Barberousse, sa personne et son armée sont à Tollon, et à veoir Tollon on diroit estre Constantinoble, chascun faisant son mestier et faict de marchandise turquesque avec grande police et justice, toujours escumant la mer, de faict que ces jours passez il a pris sept que gallères et aultres vaisseaulx, dont il en a mis deux en fons, venans d'Espaigne pour aller en Itallie, chargés de gens et de bon nombre d'argent, venans, comme l'on dict, de la partie de Portugal. Je vousasseure que ledict Barberosse a bien servi pour ceste coste de Provence, Daulphiné et ce pays, estant asseurez qu'ilz eussent beaucoup d'affaires l'année passée, attendu les entreprises d'André Dorie, du duc de Savoye avec l'armée de l'Empereur. Tous les affaires pour le présent se portent bien. Dieu mercy, dont nous le debvons louer.

Le Pape, ces jours passez, a faict faire à Rome grandes processions generalles trois jours durant pour la paix, où estoient tous les cardinaulx, et au derrenier y a esté le Pape en propre personne. S'il le faict en bonne intention, chascun prie que ses prières puissent estre exaulcées.

Ces jours passez, le duc de Ferrare ' a cuydé estre tué dedans Ferrare par le débat de deux escolliers de grosse maison, Ledict duc allait de nuyt visiter quelque dame, luy troysiesme ; ledict escollier, pensant que fut sa partie adverse, pour ce que ses gens desgennèrent {sic) des premiers, poursuivit ledict duc et le blessa très bien, et s'il n'eut cryé : Duc! Duc! il le eut tué; quoy oyant ledit escollier, se gettaà genoulx, luy demandant pardon. Ce non obstant, le lendemain, luy fut baillé six coups d'estrapade, disant que c'estoit pour le port d'armes tant seuUement; dont les aultres escolliers marris et muttynez ont ronppu leur exercice et son[t] venus demeurer aillieurs ; de quoy ledict duc de Ferrare est desplaisant; neantmoins il a eschappé belle et en peult bien conter.... ^,

L'on liève gens à Prouvence et Languedoc, et davantaige on faict grosses provisions pour la marine. Car il vient encores du secours audict Barberosse, et les gallées de France sont en ordre pour faire voille pour faire moissons et venir dehors en quelque lieu ceste année. Le Turc dresse deux armées, l'une en Hongrye, l'autre par là où il yra sa personne. Il y a ung chevalier de Rodes qui est arrivé ycy, qui a dict à Mons"" le bailly de Saint George que bien congnoissez, qu'il a laissé en une ville subjecte audict Turc, limitrophe sur le chemin pour aller en Hongrie et en Italie, quattre mil Turcqz lesquelz journellement ne font que fondre artillerie, boulletz et pouldres, faisant son estât qu'il gaingnera autant et viendra myeulx à

1, Alphonse I';'' d'Esté.

2, Ici se trouvent deux mots à peu près illisibles ; je ne réponds même pas de la lecture de « conter ». Le sens paraît être : « et en peult bien estre content. »

propos de les fliire prendre là que les amener de Constantinoble ou des aultres lieux et pais subjectz à luy ; et par toutes les nouvelles venues de Malthe, Rome et Venize, l'on ne sçauroit penser n'exstimer la force que ledit Turc leur emmeyne. Dieu vueille tout conduire à bonne fin !

Je croy qu'avez bien entendu l'eschappatoire de Dolet ', lequel ne feit onques oeuvre sy prophitable pour luy. On ne sçaitencores au vray où il est; neantmoins, depuis sa briefve départie, il a escript aulcunes lettres en ceste ville, mesme à Mons' le lieutenant du Roy, où il met ses soubscriptions de ses lettres escriptes à Villefranche. L'on présume qu'il sera allé visiter à Genefve ses choadherens et complices.

Je doibz recevoir ung pacquet fait à Rome où est deschiffré tout le faict de la guerre de l'année passée, aussi tout Testât et train de gouvernement de Rome. Incontinent que je l'auré eu, je vous en feré part ensemble de toutes aultres nouvelles que je pouré entendre et sçavoir à la vérité, comme celluy qui a bien bonne envye de vous faire service et plaisir ^.

De Lyon, ce 21 janvier 1543 [1544].

1. Sur la fuite de Dolet, en janvier 1544, voy. l'ouvrage de Christie, Etienne Dolet, the martyr of tbe Renaissance, p. 425. (Note de M. L. Delisle.)