LETTRE DE POLIN A FRANÇOIS I

(Toulon, 14 mars 1544?)

Sire, depuis vous avoir escript de Marseilles je suis venu en ceste ville, et après avoir présenté voz lettres au sieur Barberousse, je luy ay faict entendre comme Vostre Magesté desiroit prouvoir ad ce qu'il vous avoit adverty, et pour y commencer, failloit, pour observer l'ordre qui se tient en voz royaulmes, que ce qu'il vous avoit mandé par lettres missives fust confirmé par informations auctentiques prises par ung des presidens ou conseiller de voz sièges royaulx ; ce que ledit Bassal a accordé et a déposé comme vous plaira veoir par les informations qu'en a pris Mons"" d'Esparron, qui est ung conseiller de vostre Parlement d'Aix, que Mons' de Grignan a envoyé de pardeça, par la vertu d'une instruction qu'il vous a pieu m'envoyer signée. Si en a faict le semblable Japher aga, qui a servy de truchement en tous ses propos '. Ledict conseiller s'en retourne devers ledict s"" de Grignan, lequel ne fauldra de faire tout ainsi que Votre Magesté luy commandera.

I. Jaffer ou Giaffer Aga était, selon Thomas d'Embry (ouvr. cité, p. 556), un espagnol [ragusain ?] nommé « Vincent de Catare ». Polin le qualifie de « secrétaire « de Barberousse. (Coll. Morcaii, vol. 778, fol. 156 v", 159, 159 V, 161 v», etc.). Cf. plus haut, p. 27 et n. 10.

Sire, je n'ay fhilly remonstrer audict Barberousse les preparatifz de guerre que faictes de tous costez et par mer et par terre, et luy en ay discouru bien au long et par le menu ; ce qu'il a trouvé très bon, et aussi là où vous veuillez employer ceste armée promptement pour rompre les dessaings de l'ennemy et ne perdre temps, attendant veoir ce qu'il vouldra faire. Et après, selon cella, Vostre Magesté les employra es lieux que congnoistra estre à propos pour le mieulx. Il m'a faict responce qu'il estoyt venu icy et toute sa compaignée pour faire tout ce qu'il vous plaira luy commander, et le plus grant désir qu'il ayt, c'est d'estre mys en besongne, mais que ce soyt avecques telle compaignée qu'il puisse faire chose au contentement du Grant Seigneur et vostre service. Bien luy semble que les provisions que ont esté fiictes pour ceste armée ne sont consonnantes à unes telles forces que ceulx icy. Je luy ay faict entendre la cause qui vous empesche ne le pouvoir acompaigner ainsi qu'estiez délibéré, qu'est pour l'incroyable despence que Vostre Majesté a faict par le passé et fait journellement, et après leur en avoir long temps debatu, il m'a respondu qu'ilz iront tout ainsi que Vostre Magesté le commanderoit, bien ou mal acompaignez. Bien m'ont chargé donner ordre que ne leur faille aucune chose de ce que leur a esté accordé, et puysque vostre intencion est qu'ilz temporisent de pardeça une partie de cest esté, qu'elle fisse faire nouvelle provision de biscuytz; et à ceste heure il a faillu neccessairement que leur en aye fait bailler six mil six cens quintaux plus que ne leur en avoys promys. Mais ce a esté sans qu'ilz m'ayent donné une heure de terme, davantaige que les espaïs se sont eslevez et sont venuz aujourduy troys foys à mon logis, crians que je les avoys amenez de Constantinople jusques icy et que je donnasse ordre de leur faire bailler leur paye ", car ilz ne sçauroient de quoy vivre et ne s'embarquer autrement. Je les ay rapaisez le mieulx qu'il m'a esté possible et me suys retyré devers le sieur Barberousse, luy remons-