II

306 PIÈCKS JUSTIFICATIVES.

et auxquelles il n'avoit suffisamment respondu, et que s'il ne montroit et enseignoit suffisamment dedans Icdict délay des dictes choses dont il s'estoit chargé monstrer, et anssy S'il ne disoit la vérité sur les dictes charges, l'on en sauroit la vérité par sa bouche par voye extraordinaire de question, ainsy que Ton verroit estre à faire par raison.

« Lequel délay de deux mois et encore un autre délay par nous prolongé au dict Jacques Cueur pour montrer et enseigner des choses susdictes passées, et les productions faictes de tout ce que en ceste partie Tarchevezque de Bourges, fils du dict Jacques Cueur, et autres ses gens et ses serviteurs ont produit et voulu produire et mettre par devers nos dicts commissaires, et par nostre ordonnance ait iceluy Jacques Cœur esté amené du dict chastel de Maillé en nostre chastel de Tours, et illec derechef interrogé par nos dicts commissaires et aussy par autres nos officiers et conseillers, tant de nos Cours de parlement de Paris, Thoulouze que autres, et parfaict et parachevé son procez.

« Et depuis, pour le recouvrement de nostre dit pays et duché de Guyenne nous ait convenu hastlvement partir de nostre dict pays de Touraine, pourquoy n'avons peu bonnement vaquer à l'expédition et jugement du dict procez, et pour cesle cause ayant mandé venir par devers nous en nostre dict chastel de Luzignan tous nos commissaires, et apporter par devers nous tous les dicts procez faicts ez matières du dict Jacques Cueur, et ce (jue par le dict archevesque de Bourges et autres gens et serviteurs du dict Jacques Cueur, à la justification et descharge du dict Jacques Cueur avoit esté produit. Lesquels nos commissaires soient venus par devers nous et aient apporté tous les dicts procez, et aussy ce que pour la justification et descharge du dict Jacques Cueur avoit esté produit par devers eux, et ait esté

PIÈCE N« 12. aOT

le dict Jacques Cueur amené de nostie chastel de Tours en nostre chastel de Poictiers ^ lesquels procez, vus, visités et rapportez en nostre présence, en nostre Grand Conseil où estoient aucuns seigneurs de nostre sang, les gens de nostre Grand Conseil, tous nos dicts commissaires et plusieurs autres nos conseillers et officiers, et autres notables clercs, que pour ce avions assemblés en grand nombre :

«Scavoir faisons que, veu les dictz procez et confessions du dict Jacques Cueur, et tout ce que pour la justification et descharge d'iceluy a esté produict par devers nos dicts commissaires, et veu et considéré ce qui estoit à voir et considérer en ceste partie, et eue sur ce grande et meure délibération de Conseil, avons, par nostre arrest, jugement et à droict, dict et déclaré, disons et déclarons que le dit Jacques Cueur est enchu es crimes de concussions et exactions de nos finances et de nos pays et subjocts, de faux, de transport de grande quantité d'argent aux Sarrazins, ennemys de la foy chrestienne et de nous, transport de billon d'or et d'argent en grand nombre hors de nostre royaume, transgression des ordonnances royaux, crime de lèze-majesté et autres crimes, et que par ce il a commis et forfaict envers nous, corps et biens. Toutefois, pour aucuns services à nous faicts par le dict Jacques Cueur, et en contemplation et faveur de nostre dict sainct père le pape, que nous a pour luy rescript et faicl requcste, et pour autres considérations à ce nous mouvans, nous avons remis et remettons au dict Jacques Cueur la peine de mort, et Tavons privé et déclaré inhabile à toujours de tous offices royaux et publics ; et avons condamné et condamnons le dict Jacques Cueur à nous faire amende honorable en la personne de nostre procureur, nue teste et sans chaperon ny ceinture, à genoux, tenant en ses mains une torche ardente de dix livres de cire, en disant que

mauvaisement, induement et contre raison, il a envoyé et faict présenter harnois et armes au soldan, ennemy de la foy chrestienne et de nous , aussy faict vendre aux Sarrazins le dict enfant, et faict mener et transporter aux dicts Sarrazins grande quantité d'argent blanc, et aussy transporté et faict transporter grande quantité de billon d'or et d'argent hors ce royaume contre les ordonnances royaux, et qu'il a exigé, prins, levé, recelé et retenu plusieurs grandes sommes de deniers, tant de nos deniers que de nos pays et subjects en grande désolation et destruction de nos dicts pays et subjects, en requérant de ce mercy à Dieu, à nous et à justice. Et aussy l'avons condamné et condamnons à racheter des mains des Sarrazins le dict enfant, et de le faire ramener et restablir dans nostre ville de Montpellier où il fut prins, si faire se peut, et sinon racheter un chrestien des mains des dicts Sarrazins et le faire amener au dict lieu de Montpellier ; et avons déclaré et déclarons le dict scellé et obligation de la somme de deux mille escus baillés par les dicts seigneurs de Canillac et de La Fayette nulle et de nulle valeur, et faussement et mauvaisement avoir esté prins et exigé des dicts seigneurs de Canillac et de La Fayette par le dict Jacques Cueur. Et en outre avons condamné et condamnons iceluy Jacques Cueur à nous rendre et restituer, pour les sommes par luy recelées et retenues induement sur nous, et aussy pour les sommes extorquées, prinses et retenues induement sur nos pays et subjects, en la somme de cent mille escus, et en amende profitable envers nous de la somme de trois cent mille escus, et à tenir prison jusqu'à pleine satisfaction. Et au surplus, avons déclaré et déclarons tous les biens du dict Jacques Cueur confisquez envers nous, et avons iceluy Jacques Cueur banny et bannissons perpétuellement de ce royaume, réservé sur ce nostre bon plaisir.

PIÈCE INM2. 309

« Et au regard des poisons, pour ce que le procez n'est pas en état de juger pour le présent, nous n'en n'en faisons aucun jugement et pour cause.

« En tesmoin de ce nous avons faict mettre nostre scel à ces présentes, données en nostre cliastel de Luzignan, le vingt-neuvième jour de may. Tan de grâce 1453, et de nostre règne le trente-uniesme. Airisy signé par le roy en son Conseil : Jacques Aude; au dos duquel est escript ce qui en suit : Begistrata in caméra parlamenii Tholosœ quinta die Augusti, anno Domini 1453 ; sic signatum Chastillon. Pour mettre à exécution lequel arrest nous eussions commis nostre ami et féal conseiller et procureur général maistre Jehan Dauvet, auquel nous eussions donné pouvoir entre autres choses de mettre ou faire mettre en nostre main et en criées et subhastations les héritages et biens immeubles du dict Jacques Cueur, et d'adjourner ou faire adjourner les opposans aux dictes criées pardevant nos amez et féaulx les conseillers de France ou nos conseillers sur le faict de la justice de nostre thrésor en leur auditoire à Paris, pour dire les causes de leur opposition, et voir procéder à l'adjudication des décrets des dicts héritages et biens immeubles, et en outre ainsy qu'il appartiendroit par raison. »

LETTRES d'eSTIENNE PASQUIEK A M. DE MAHILLAC, SEIGNEUR DE FERRIÈRES '.

— « La particularité de Tarresl de Jacques Cœur, portant qu'il feroit amende honorable sans chaperon et sans ceinture, m'a fait ramentevoir je ne sçay quoy de l'ancienneté de la France dont il me plaist vous entretenir par la présente, pendant que vous dispencez dans Ferrières, d'entretenir vos peusées avesques vos arbres. Qiiant est du mot Chaperon^ il est certain que nos anciens en usoient au lieu de Bonnets qui sont entre nous en usage. D'où vient que nous disons encore Chaperonner pour Bonneter et que nous avons emprunté de nos ancestres ce vieux adage : deux testes en un chaperon^ quand deux personnes s'entendent. Ainsi, l'arrest de Jacques Cœur portoit qu'il feroit amende honorable nue teste et sans chaperon -, ce qui se practiqijc ordinairement contre tous ceux qui souffrent pareille condamnation : mais d'y avoir ajouté sans ceinture^ je ne Tay jamais lu en un austrc arrest, au moins qu'il me souvienne. Pourquoy doncques estimerons-nous que ce mot y fut adjouté ? Je vous le diray et voyez si ma divination sera allouable. Nos anciens estimoient qu'en la ceinture gisoit la remembrance générale de tous nos biens. Il faut que nous soyons logez, que nous sustentions par aliments nostre

* Les Œuvres d'Estienne Pasquier, contenant ses recherches sur la France, elc, édition d'Amsterdam, in-folio, t. Il, liv. III, p. 69.

corps, que nous serrions les deniers dont nous voulons aider le commun cours de nostre vie, que travaillions selon la diversité des estais auxquels nous sommes appelez, qui, d'une espée^ s'il fait profession des armes, qui, de la plume, s'il est homme de robbe longue. C'est pourquoy nos bons vieux pères considérans ce que estoit de leur nécessité, et non de piafte, porloient pendeùes à leurs ceinturés, les clefs (pour entrer dedans leurs maisons), leurs costeaux (pour s'en aider à la table), leurs bourses ou gibecières (pour y mettre leur argent), et encore leurs espèces ou escriptoires. selon la diversité de leurs vacations. Et de là vint pareillement que quand un homme vouloit faire cession de biens, il estoit contraint devant la face de son juge, quitter sa ceinture (ce qu'encores nous pracliquons aujourd'huy) , non point pour le noter d'infamie, ains pour dénoter par sa ceinture la figure de toute la commodité de ses biens. Mon opinion est doncques, quand on mit sans ceinture à Jacques Cœur, que c'étoit pour exprimer davantage qu'on entendoit le défflier de tous biens. Le mot de confiscation l'emportoit (me direz-vous avec les grandes et excessives amendes). Le mesme arrest portoit bien nue teste ^ qui estoit assez expliquer ce qu'on vouloit dire, et toute fois on adjousta tout de suite et sans chaperon^ par une abondance de paroles, qui sembleroit estrc superflue. Pourquoy n'auroit-on pas pu faire le semblable en adjoustant ces mots : sans ceinture'^

(( Et puis, dites que je ne sois pas un grand faiseur de commentaires ? Je m'asseure que ne demeurerez sans réplique, estant maintenant de grand loisir en vostre maison des champs. Mais je vous déclare que si ne prenez ceste explication pour bon et loyal payement, je vous abandonneray ma ceinture et feray pour ce regard cession de bien envers vous. A Dieu. )>