II
nniversilas et singulares persone ejusdem suiil pcnilùs cl omninô innocentes, et inscii de casu dicti Jaqiieli Cuer, et aliis totaliter expositis per vos prefatos Dominos, dicunt prefati Domini consyndici., cum débita reverentiâ et débita supportatione vestrorum tantorunn Dominorum, prefatam comminationemnonvendicaresibilocum. Tumetiam dicunt, et respondent iidem Doniinus vicarius Regius, quatenùs suum oftlcium vicariatus concernit, et prefati Domini consyndici, quatenùs ad eos pertinebit, quod ipsi se offerunt bono et toto corde eorum posse de premissis expositis per vos prefatos Dominos, promptos et paralos facere bonam et brevem justitiam de omnibus illis, eorum tâmen subditis qui de premissis poterunt culpabiles reperiri; insinuantes et nolificantes prefati Vicarius et consyndici vobis magnificis Dominis, quod quamprimiim ipsi habuerimt notitiam de invasione perpetratâ in personâ Jacobi Cuer, et mûris ville Bellicadri, et aliis expositis per easdem vestras magnificentias, ipsi et certi nobiles presentis civitatis Arelatis incontinenti eorum iter arripuerunt tàm per terram quàm per aquam, causa et intentione capieiidi-^^captivandi dictum Jaques Cuer, casu quo ipsum reperire potuissent, et paiiler fecissent de suis complicibus; et hoc tàm propler honorem sacre régie majestatis christianissimi Régis Francorum , quam etiam strenui militis Domini Tanguidi de Castro ' prepositi parisiensis, et seneschalli presentis patrie provincie, qui multùm doluit, prout et dolet, de casu sic et taliter per^ petrato in dilione sibi commissâ-, et cui presens univcrsitas et singulares persone ejusdem quam plurimùm assisciuntur, et cupiunt servire, et obedire tamquam bencmerito et condigno, prout de premissâ prossecutione persone dicti Jacobi
* Tanneguy Duohastel, alors sénéchal de Languedoc.
PIÈCE r 14. 328
('lier et snoruni complicum, prefatns Dominus parisiensis prepositiis el provincie seneschallus fuit, et est bene informalns. Tum etiam dolnerunt prout et dolent de expositij? per prefatas magnificentias, Vicarius et consyndici qui supra, in eo quia per eos non potuit aliter provideri, dum notitiam liabuerunt de dicta invasione et recessu dicti Jaques Cuer, circa recuperationem persone dicti Cuer et suorum faulorum ^ ex eo quia plenè informât! de affinitate et consanguinitate illustriiun Dominorum Regum Francie , et domini nostri supremi Renati Regi> Jherusalem et Sicilie, sciebant in premissis rnullùm cumplacuisse predicto Domino nostro régi Renato, oui prefatus chrislianissimus Rex Francie gratiarum actiones intulisset, cum per médium suorum vassallorum de tantà injuria fuisset facta prossecutio, etrestitutio dicti Jacobi Cuer et siiorum sceleratorum dicto christianissimo Francorum Régi.
« Propter quod cessare debent dicte presumptiones in adversum, et contra presentem civitatem et singulares persosonas ejusdem, quod in expositis aliqualiter prebuerunt îuixilium seu consilium, prout presupositum fuit verbo tenus, et in scriptis -, et premaximè consideratâ amicitiâ quam habuit, et habet dicta civitas Arelatis cum patriâ occitanâ, que numquam festum coluit de felicitatibus et victoriis dicti christianissimi Régis Francorum contra suos hostes emulos Anglicos, proeessionem et ignem jocunditatis faciendo, quin et presens civitas pariter fecerit- et ultra fuit passa et singulares persone ejusdem plura dampna, presertim tempore guerre Rurgundorum -, ex quibus non est verisimiliter dictam civitatem, nec in génère nec in specie, prebuisse auxilium, consilium, seu favorem cum navibus seu barchis, neque pe. aquam, neque per terram. Cum agitur presens universitas^ et singulares persone ejusdem de expositis per easdem ves-
Iras magnificentias reperiantiir penitùs et omninô innocentes, magnitîcentias vestras humiliter exposcunt et requirunt ut dignemini eos tàm in generali quàm particulari habere excusatos , et haberi facere per médium vestrarum bonarum relation um etiam apud eamdem sacram Regiam majestatem dicti christianissimi Domini Régis Francorum, offerentes se, videlicet Dominus Vicarius Regius prefatus, et dicti consyndici nomine universitatis presentis Arelatensis, et singularium personarum ejusdem, prout ad unumquemque spectaverit, totiens quotiens de expositis per easdem vestras magnificentias ad eorum notitiam deveniet tàm de dicte Jaques Cuer quàm suis complicibus, quod de eorum personis, bonîsque et rébus qui in presenti civitate ejusque districtu et jurisdictione reperiri poterunt, facere et fiéri facere bonam brevem, et expeditam justitiam , laliter quod de villa meritô poterunt commendari. Et de oblatione istâ cum aliis supra declaratis, assessor dictorum Dominorum syndicorum quatenùs pro sui parte faciunt, ])etit instrumentum. — Acta fuerunt bec universa et singula antedicta Arelate ubi supra, videlicet in aulâ Diversorii Equi Albi supra dicti, presentibus ibidem nobilibus et venerabili viris Domino Jolianne de Barracio, monacho monasterii venerabilis sancti Dalmatii de Burgo, et priore sancti Benedicti Diocesis Glandalensis, Jobanne Porcelleti de Fossis, et Rostagnc de Villariis, Domicellis, civibus et incolis Arelatis, testibus ad premissa vocalis specialiler et rogatis, et nie Nicolao Robardi, de Arelate, notario, etc. »
Lettres de grâce délivrées dans le mois de février 1456
EN FAVEUR DE JeAN DE VILLAGE.
« Charles, par la grâce de Dieu, Roy de France, sçavoir faisons à tous présents et à venir. Nous avoir reçeue humble supplication de Jean de Village, natif de nostre ville de Bourges, contenant que peult avoir quinze ans ou environ, lui estant jeune enfant, demeurant en la dicte ville de Bourges, pouç ce qu'il avoit grand désir de soy advancer en faict de marchandise, et que feu Jacques Cueur, qui lors estoit de bonne et grande auctorité devers nous, faisoit très grand faict de marchandise tant sur mer que sur terre, le dict suppliant trouva moyen de servir le dict Jacques Cueur, lequel certain temps après qu'il fut avec luy pour la confiance qu'il eut du dict suppliant, luy donna sa niepce à femme et l'advança fort, et luy donna de grandes charges en ses affaires, et spécialement sur mer, en la conduitte et guidage de ses gallées sur lesquelles le dict de Village suppliant a faict et trafiqué le faict de marchandise l'espace de dix à douze ans, et patronisé les dittes gallées, et en ce faisant, marchandé avec les Mores, Turcz et autres nations estranges tant des pays de Levant, Barbarie, Myour ' et Ponent et ailleurs,
* Procès de Jacques Cœur, etc., p. 929 et suiv.
* Sic. Il s'agit peul-ôlre de Majorque. On ne trouve ce mot ni dans le Lexique roman de Raynouard, ni dans le Glossaire français de Carpenlier.
326 piF^cEs .nsTiFic\Tivi:s.
sans congié et licence de nous: en faisant lesquels voyages, icelluy suppliant a porté sur icelles gallées et tiré de nostre dict royaume pour porter es dicls pays estrangers ))ar plusieurs fois de l'argent blanc, tant monnoyé que en vaisselle, en grande quantité qu'il ne sçaurait déclarer, et entre les autres, en un voyage qu'il fist en I.evant quand' il fut en Rhodes, il bailla à Bernard de Vaux et Lazarin d'Andréa, do Montpellier, certaine quantité ou somme d'argent qu'il avait en sa dicte gallée, et ne luy souvient bonnement de la somme, pour la faire fondre, et lequel argent fut fondu au dict lieu de Rhodes par les dicts de Vaux et Lazarin d'Andréa à neuf ou dix deniers d'aloy ou environ, et par eux marqué de la marque d'un orphèvre en Ihostel duquel le dict argent fust fondu-, laquelle marque, à son advis, estoit d'un tresfle. Et le porta en Alexandrie pour le vendre et dépescher ainsy qu'il fist, et a sur les dictes gallées passé autres marchandises, et aussy des grands Mores, Turcs et autres estrangers, ainsy qu'il voiageoit de païs en autre. A aussy le dict Village suppliant falot un voïage en Levant durant lequel il alla au Caire devers le souldan et luy porta lettres de nous que le dict Jacques Cueur son maistre lui avoit baillé, et par le commandement de son dict maistre, présenta au dict souldan de par nous un petit jazeran de maille, une arbaleste d'acier, quatre petits cranequins d'acier garniz de leurs carquois, sixhasches, six guisarmes et une petite coupe d'or et d'argent esmaillée; et ce, pour avoir du dict souldan aucunes choses estranges et des habillements de son pays pour en apporter devers nous, ce qu'il fist, et nous furent présentées en nostre ville de Bourges. Et, en outre, fut le dict suppliant en la compagnie de feu Guillaume Gimart, quand icelluy Gimart retourna du port d'Aiguesmortcs en Alexandrie un esclave more qui, au dict lieu d'Alexandrie, avoit, comme on dict,
esté robe par Michelet Teinturier, de Montpellier, en un voyage que le dici Michelet avoit paravant faict au dict lieu d'Alexandrie estant patron de l'une des dictes gallées, lequel esclave more le père du dict Michelet Teinturier amena de Montpellier en gallée au dict port d'Aiguesmortes, afin qu'il fût retourné au dict lieu d'Alexandrie, pour ce que le souldan en faisoit de grandes menaces de retenir les marchands chrestiens qui après iroient au dict lieu d'Alexandrie, ainsy que le grand maistre de Rhodes et autres le firent sçavoir au dict Jacques Cueur son maistre et aux marchands du dict lieu de Montpellier. Après lesquelles choses, et le dict suppliant estant ainsy au service de son dict maistre, icelluy Jacques Cueur pour aucunes faultes par lui commises envers nous fut, par nostre commandement et ordonnance^ mis en arrest et par nous ordonné que tous ses biens fussent prins et mis en nostre main, ce qui fut faict et commis aucuns nos officiers pour aller pareillement prendre et saisir les dictes gallées ensemble les biens qui estoient en icelles appartenans au dict Jacques Cueur -, et furent au dict suppliant faicts plusieurs commandemens et injonctions et grandes peines de par nous qu'il rendit icelles gallées et les biens du dict Jacques Cueur, à quoy il n'obéit pas ainsy que faire devoit combien qu'il ait toujours offert de mettre les dictes gallées dont il avoit charge en noz mains ou de noz officiers, toutesfois que on luy bailleroit sur ce descharge de nous et de son dict maistre. Et finalement, furent baillez et rendus par luy et ses compagnons ; et en les rendant fut faict certain appoinctement par luy et ses dicts compagnons avec nos dicts officiers, et commis par lequel les dicts supplians et ses compagnons seroient tenus de rendre compte au dict Jacques Cueur, leur maistre ou à autre en son lieu ayant pouvoir suffisant de toutes les charges et entremises
tant de faict de compagnie que autres choses quelconques qu'elles avoient ou puissent avoir eues de leur dict maistre.
(( Et en outre, pour ce que, deux ans ou environ, le dict Jacques Cueur son maistre se rendit en franchise dedans le couvent des Cordeliers en nostre ville de Beaucaire et manda au dict suppliant de Marseille par une lettre qu'un frère cordelier luy porta par laquelle le dict Cueur luy priait que, pour Dieu, il eust pitié de luy et trouvât moyen de luy ayder et de le jetter hors de là où il estoit et de lui sauver la vie; laquelle lettre veue par le dict suppliant, considérant qu'il estoit parent et serviteur du dict Jacques Cueur et tenu à luy faire tout service à luy possible, désirant le mettre hors de ce danger, se partit du dict lieu de Marseille, et alla à Tarascon, et se mist dans un couvent des frères Cordeliers du dict lieu, et par un frère d'icelluy couvent manda au dict Jacques Cueur qu'il estoit là venu pour luy ayder et pour luy faire entendre son cas et faire entendre ce qu'il luy plairoit à luy commander, et que s'il avoit voulenté d'en yssir, le dict suppliant avoit courage, moyennant l'ayde de Dieu, l'en mettre hors. Et lors le dict Cueur luy escrivit en une tablette qu'il luy prit comme à son fils que pour Dieu il l'en jettast hors, car fort doubtoit qu'on le feist mourir en la dicte franchise sans nostre sceu, avec autres moult piteuses paroi les qu'il luy escrivoit. Lesquelles lettres veues par le dict suppliant, meu de pitié, luy manda pour le conforter qu'il feit bonne chère et qu'il l'en mettroit hors. Et incontinent, s'en partit du dict lieu de Tarascon et s'en alla au dict lieu de Marseille parla au dict feu Guillaume Gimart et à Gaillardet de Bourges, et leur dict les choses dessus dittes et ce qu'il avoit enlreprins, dont iceux Gimart et Gaillardet furent joyeux et luy confortèrent la besongne -, et fut con-
PIÈCE nM5. 329
tent le dict Gaillardet d'aller avec le dict suppliant pour exécuter la chose.
« Et après ces choses, s'en partirent du dict lieu de Marseille pour aller au dict Tafascon, et menèrent avec eux dix huit ou vingt compagnons de guerre qui, pour lors, se tenoient avec le dict suppliant pour ce qu'il tenoit navires d'armes, et quand ils furent au port de Tarascon, ils prindrent une barque pour passer le Rhosne à heure de minuit ou environ, et allèrent droit à la muraille de nostre ville de Beaucaire, à l'endroit d'un pertuis qui y estoit, lequel l'un des dicts compagnons nommé Yonnet scavait bien de piéça, et pour ce que icelluy pertuis n'estoit pas assés grand, les gens du dict Village le crûrent et entrèrent par là en la dicte ville, et s'en allèrent droict à l'Eglise des dicts Cordelicrs où estoit le dict Jacques Cueur, lequel, après que les matines furent dictes , saillit hors d'icelle ainsy que le dict Village luy avoit mandé faire, et s'en alla avec eux de son vouloir passer au dict pertuis , et, de là, en la dicte barque et repasser en la dicte rivière.
« Et après, le dict suppliant mena le dict Jacques Cueur au port de Bouc, et lors le mist en une barque qui estoit sienne laquelle le dict Village y avoit faict mener à cette cause, et de là le mena en la dicte barque jusqu'auprès de Marseille, et puis le mit en terre et le conduisit jusqu'à Nice oii il le mit en un Lutz armé auquel il fust mené jusqu'à Pise, et de là s'en alla à Rome par terre. Lequel Jacques Cueur estant au dict lieu de Rome le dict suppliant alla avec luy et besoigna avec luy de toutes les charges et administrations des gallées et faitz qu'ils avoient eu, tellement que l'on resta content de l'autre. Mais il a esté adverti puis certain temps que, à la requête de noslrc procureur par noz officierz et commis et autres gens de justice, a
330 PIÈCES JDSTIIICATIVES.
esté procédé allenconlre de luy et de ses biens par adjouriicments, appauxdebans, edicts, deffaultz, ci lellement qu'il a esté, comme on dict, banny de noslre royaume, et ont esté ses femme et en fans arrestez en la dicte ville de Marseille, et leur a esté deffcndu d'en partir à certaines grandes peines desquelles a esté baillé caution au dict lieu de Marseille, et doubte que, à l'occasion des choses dessus dicles ou du procès faict contre le dict Jacques Cueur et de ses serviteurs, on luy voulait aucune chose demander du temps advenir ou rigoureusement procéder allencontre de luy et les siens. Et à cette cause n'oseroit jamais converser ne repairer en nostre royaulme se nos grâces et miséricordes ne luy estoient sur ce imparties, comme il dict humblement requérant que, attendu que il estoit serviteur et parent du dict Jacques Cœur et que tous les biens qu'il avoit en ce monde luy estoient et sont venuz par son moyen; aussy que estoit commune renommée que le dict Jacques Cueur feroit son appoinctement avec nous et ne perdroit pas tous ses biens, que l'Evesque d'Agde et le dict Jacques Cueur avoient congié de nostre Saint Père le Pape de faire marchandise sur les dictes gallères avec les Mores et Turcs, que, en tous autres cas, il a esté et est homme de bonne vie^ renommée et honneste conversation, sans avoir esté aucunement atteint et convaincu d'aucun autre vilain cas, blasme ou reproche, et a son intention de soi retraire en nostre royaulme s'il nous plaisoit luy impartir sur ce noz grâces et miséricorde.
« Pour ce est-il que Nous, ces choses considérées, lesquelles nous ont esté bien au long remonstrées par aucuns de nostre Conseil ainsy que le dict Village est fort duict et expérimenté en faict de navigagaet nous en pourrions encore servir, voulant en ce, miséricorde préférer à rigueur de
justice, au dict Jean de Village suppliant avons, par ces causes et considérations et autres à ce nous mouvans, quitté, remis, pardonné et aboly, et par la teneur des dictes présentes quittons, remettons, pardonnons et abolissons tout ce qu'il peut avoir mesprins envers nous et justice pour avoir esté sur les dictes gidlées marchander avec les dicis Mores, Turcs et autres gens d"estrange nation, mené et transporté argent blanc et autres marchandises sur iccllcs hors noslre dict royaume, et aussy d'avoir mené et conduict sur les dictes gallées Turcs, Mores et autres gens de pays à autres, pareillement désobéy à rendre et bailler à nos gens et commis les dictes gallées dont il avait charge et autres biens du dict Jacques Ciieur qu'il avait par devers luy, quand il a esté sommé et requis de ce ^ ainsy qu'il fut principal acteur et conduiseur d'avoir tiré le dict Jacques Cueur des dicts Cordeliers et de nostre ville de Beaucaire et d'avoir faict rompre la muraille d'icelle, aussi d'avoir présenté en nostre nom au dict souldan les habillemens de guerre dessus déclarez, esté en la compagnie du dict Gimart du dict port d'Aiguesmortes en Alexandrie, retourner et rendre le dict More et esclave, et pareillement d'avoir appoincté avec son dict maistre depuis son dict eschappement. Pourquoi voulant qu'il ne soit tenu de rendre à nous ne à aucuns pour nous aucun compte ou reliquat de ce qu'il eut oncques à besoigner avec le dict Jacques Cueur son maistre ny autres pour luy, soit de faict de compagnie de toutes charges et entremises, administration de biens et autres charges quelconques, et de ce l'avons quitté et déchargé, quittons et déchargeons par ces présentes et générallement toutes autres faultes, crimes, abuz et délictz que le dict suppliant a et peut avoir commis envers nous et justice soubz ombre et à l'occasion du service du dict Jacques Cueur en quelque manière
que ce soit de tout ce temps passé jusqu'à présent, sans ce que aucune chose luy en soit ou puisse estre jamais demandée par nostre procureur ne autre en nostre nom pour quelque cause ne en quelque manière que ce soit de tout le temps passé jusqu'à présent, en mettant au néant tous appaux, deffaults et bans, s'aucun s'en est pour ce ensuivy, avec tous autres adjournemens et autres exploitz qui ont ou pourraient avoir esté faictz allencontre de luy, de sa femme et de ses biens, soubs ombre et à l'occasion des choses dessus dictes, et du faict du dict Jacques Cueur en quelque manière que ce soit -, et l'avons restitué et remis, restituons et remettons par ces dictes présentes à sa bonne famé et renommée à nostre dict Royaume et à tous ses biens où qu'ils soient dont jà n'avons aucunement disposé, et quant à ce, imposons silence perpétuel à nostre procureur. Si donnons en mandement, etc.. Donné à Saint-Priest en Dauphiné, le mois de février 1456. )>
(inédite.)
MÉMOIRE POUR AVOIR CONSULTATION SUR LES EXTRAICTS DU PROCÈS DE FEU SIRE JACQUES CUEUR, EN SON VIVANT CONSEILLER ET ARGENTIER DU ROY TRESPASSÉ, LESQUEUX ENVOYENT TRÈS RÉVÉREND PÈRE EN DIEU MONSIEUR l'aRCHEVÊQUE DE BOURGES ET SES FRÈRES, ENFANTS DU DICT JACQUES CUEUR, A LEUR CONSEIL, A P.\RIS.
(( Et pour ce que seroit chose difficile à visiter tout ce dict procès qui contient six gros livres et plusieurs escriptures montans presque à la charge d'un cheval dont les trois quarts ne servent de rien, pro nec contra^ on n'envoyé point pour le présent les dits livres et escriptures; mais pour entendre et conccpvoir au vray toute la dicte procédure faicte contre le dict Jacques Cueur, on envoyé les vrais extraits du mot à mot du dict procès des confessions du dict Jacques Cueur, appoinctement, interlocutoires et interrogatoires des commissaires ordonnez par le dict sieur [le roi) en son Grand Conseil ta faire le dict procès et tout ce que faict besoing à cognoistre et pouvoir juger suffisamment de la justice ou injustice du dict procès et de la sentence prononcée par vertu du dict procès contre le dict, comme cy-après sera plus à plain dict et déclaré.
* Procès de Jacques Cœur, p. 63îi el suiv.
3;i4 4>n>(:r:s justificativks.
« Item^ et avec ce , pour avoir cognoissance généralle de tout le procès, on envoyé l'inventaire des informations, livres, papiers, procès et confession du dict Cueur, tel qu'il a esté baillé par M. Jean Barbin, advocat du Roy , par l'ordonnance du dict sieur, au Trésor des Chartres, à Paris, contenant le dict inventaire des pièces, et est quoté le dict inventaire au dos, A, A.
(( Item^ présupposent le dict archevesque et ses frères, pour advertir le dict Conseil sur la dicte matière, que combien que le dict procès ait esté trouvé selon l'inventaire dessus dict tel que le dict Barbin Ta faict et baillé, neantmoins dient qu'il n'est pas véritable, car le dict archevesque deit qu'il vid l'extraict du dict Barbin et d'autres pièces sur quoy fut faict le jugement de son dict père et autre substance ^ que, au dict procès inventorié et baillé par le dict Barbin, ont esté changées les confessions et osté beaucoup de choses qui grandement servoient à la justification de son dict père, comme il se faict fort de le prouver par aucuns qui estoient des dicts commissaires, qui en déposeraient bien; mais, de présent, il veut que tout le dict faict soit laissé et la matière prinse ainsy qu'elle gist selon les extraicts du dict procès nour avoir consultation avec ceux du dict Conseil à Paris de ce que luy et ses dicts frères ont à faire veu le dict procès.
(( Item^ présupposent les dicts enfans que leur dict père fut priiis et constitué prisonnier pour l'empoisonnement de feu Agnes Sorel le le dernier jour de juillet 1451 et qu'en tout le procès ne se trouvera aucune information touchant les dicts poisons, et par ce fut leur dict père constitué prisonnier sans informations et sur faitz faux^ car, la dicte Sorelle nefust jamais empoisonnée, qui est un faict subject à preuve aisé à prouver et qu'il soit vray la dicte damoi-
selle eut enfant ayant sa mort qui a voscn six mois, qui est une preuve claire que jamais ne fut empoisonnée, et ce apperra par le procès, M. Robert Poictevin '".
« Item, se prouvera clair que le feu Roy donna pardon à leur dict père de tous les cas desquelz on le chargeoit, réservé le dict cas des poisons.
« Ite7n, mais ce nonobstant, pour ce que jà tous les biens de leur dict père estoient saisis et mis à la main du dict feu Roy lequel incontinent en print cent mil francs pour la conduite de ses guerres et donna tout le reste au comte de Dammarfin et autres qui estoient autour de luy cuidant avoir avéré les dicts faictz desdicts poisons-, car, à la vérité, la damoiseîle de Mortaing et Jacques Calone en avoient déposé formellement, lesqueux depuis s'en sontdesdils et ont esté condamnez à faire amende honorable à leur dict père.
« fteîn, mais ce nonobstant, leur dict père ainsy détenu, ses biens ainsy distribuez et le dict faict des dicts poisons avéré non véritable, furent faictes les dictes plusieurs informations contenues es dits deux livres quolez A et B, dosquels le dict archevesque n'envoyé aucun extraicl, mais si elles font besoing les fera bien envoyer ou Textraict d'icelîes.
« Item, présupposent les dicts enfants que la plus part des tesmoings produitz es dictes informations sont paillards perdus et infâmes, et dont les plusieurs ont esté corrompus, et du présent, le déposeroient, s'ils en estoient sur ce interrogez .
« Item, n'envoyé point le dict archevesque d'extraicts des dicts livres signé D. et C. car, comme dict est, ne servent de rien, pro nec contra, et furent faictz par ProLide et Panois, qui sont deux paillards perdus et rompus à Mont-
* C'était le médecin d'Agnès Sorel, qui l'avait nommé, ou Ta vu, l'un de ses exécuteurs testamentaires.
pellier, meurdriers, ayant une couple de grâces, et qui se repentent d'avoir faict ce qu'ils en firent.
{( Jtemy et pour ce que entre les dictes informations y a une touchant la cléricature de leur dict père laquelle peut servir au faict de la dicte consultation, le dict arclievesque en envoyé l'extraict bien au long signé au dos le dict ecript C.
« Item^ au dict livre signé F. a plusieurs interrogatoires touchant les charges des dictes informations auquel sqnt toutes les confessions de leur dict père bien qualiffiées en manière que leur dict père respondoit à toutes les dictes charges et demandoit avoir un conseil pour soy se justifier, en disant que sïl estoit en liberté il se justifieroit bien du tout, ledict archevesque a faict escrire de mot à mot du dict livre ce qui luy a semblé faire matière, et est signé le dict escript au dos F. F.
(( Itern^ le dict archevesque envoyé la copie formelle en un cahier de parchemin signé G. des dictes plusieurs lettres estant au dict sac quotté C, servant à la justification de son dict père.
{( Item^ a esté trouvé dans le dict sac quotté au dict procès G. un inventaire des dictes lettres et justifications qu'avoit faict le dict archevesque le mieux qu'il avoit peu et baillé aux dicts commissaires pour ce qu'ils n'avoient voulu donner du conseil à son dict père, et est quotté ledict inventaire H. H.
(( Item^ du dernier livre du dict procès quotté H, le dict archevesque envoyé un escript en un cahier de papier contenant vingt une feuille escriptes, et au commencement est la commission des dicts commissaires et contient leurs sentences interlocutoires et toutes les confessions de son dict père ainsy qu'ils les ont escriptes en leurs procès de mot à
mot, et à la fin du dict cahier est la sentence ou arrcst donné par le Roy contre ie dict Cueur, sur lequel cahier dessusdict requièrent le dict archevesque et ses dicts "frères estre bien advisez, car y est tout l'effect de la dite matière, combien que le dict archevesque sçait bien que son dict père n'en confessa jamais tant, le sçait par aucuns des dicts commissaires, comme dict est, et autrement; mais il veult que le dict procès soit prins à Testroicl, ainsy qu'il gist, et sur ce soit faicte la dicte consultation sur les questions qui en suivent et autres à la discrétion de son Conseil, et est quolté le dict cahier au dos H.
(( La première question des dicts enfants et frères sur le dict procès de leur dict père est si la dicte sentence est de soy calomniable.
(( La seconde, si, par le procès, il s'en est peine ensuy. (( La tierce, si Tappel de leur dict père est soustenable cum declinationefori.
(( La quarte, si Tappel à deffinitiva se pourrait guider, car, après son appel, fut ramené en prison contrainct et induict à y renoncer melu pœnariim.
« Qiiinto, si par proposition d'erreur on y peut ou doibt venir de la part de la mère. Sem])le qu'il n'y ait difficulté, sed quœritur par quel bout on y entrera.
(( Sexlo^ tout laissé, quelle grâce on peut demander au Roy et comme le dict seigneur peut subvenir aux dicts enfants du dict Jacques Cueur.
« Le surplus, soubmettent le dict archevesque et ses dicts frères à la discrétion de leur dict Conseil, requérant surtout estre advisé et délibéré matiirè. Et après la dicte délibération, que Tadvis et opinion dudict Conseil soit présentement envoyé au dict Archevesque. »
338 PIÈCES JCSTIFICATIVES.
