XIV. - 1469, MAI OU JUIN

le porteroit et soustiendroit et que, s'il vouloit, il enverroit une ambaxade toute expresse pour luy devers le Roy.

Si soit interrogué ledict Durand sur la différence de ladite créance ;

Item, qu'il dye et déclare toute la créance que ledict cardinal lui avoit baillée ;

Item, qu'il déclare les mots qui estoient es lettres de créance que ledict cardinal escripvit a mondict seigneur de Bourgoigne, et pareillement le contenu des lettres que mondict seigneur de Bourgoigne luy escripvit ;

Item, qu'il déclaire au vray la créance que mondict seigneur de Bourgoigne lui bailla pour rapporter audict cardinal sur la créance qu'il lui avoit dicte de par luy ;

Item, savoir quelles paroles eurent ensemble a Péronne les dessusdicts seigneur de Bourgoigne et cardinal, avant que le Roy y allast ;

Item, qui meut ledict cardinal d'escripre au Roy qu'il allast audict lieu de Péronne, veu que icelluy cardinal avoit tousjours esté de contraire oppinion, et que, s'il y aloit, il seroit en danger ;

Item, quelles paroles il y eut entre monseigneur de Bourgoigne et le cardinal depuis que le Roy fut arrivé audict lieu de Péronne, et si ledict cardinal conseilla ou advertit point mondict seigneur de Bourgoigne des termes que mondict seigneur de Bourgoigne tint au Roy, et de l'alée de Liège, et s'il [oytj oncques riens dire audict cardinal, et si lui ou autre lui en déclaira jamaiz aucune chose ;

Item, s'il n'a point sceu quelles promesses il y eut entre mondict seigneur de Bourgoigne et le cardinal au Quesnov, et si jamaiz ledict cardinal lui en déclara riens audict lieu du Quesnoy, a Bruxelles, a Namur, ni a Paris ;

Item, si ledict Durand eut oncques charge, estant ledict cardinal a Bruxelles, quant il envoia devers le Roy, de porter lettres a mondict seigneur de Bourgoigne ou aux seigneurs de sa maison, pour leur dire aucunes choses de par ledict cardinal, et quoy ?

Item, si ledict Durand fust jamaiz devers mondict seigneur de Bourgoigne de par ledict cardinal autrement que quant il lui porta lesdites lettres de créance, et par quanteffois, et