XIV. — 1469, MAI OU JUIN

s'il lui porta aucunes lettres de créance ou autres, et ce qu'elles contenoient ;

Item, s'il lui déclara oncques la créance que les sire de Charny et archidiacre de Cluny dirent audict cardinal de par mondict seigneur de Bourgoigne et quelle elle estoit ?

Item, si Navarrot estoit point devers mondict seigneur de Bourgoigne quant il y fut, et quelle accointance il y avoit entre ledict Navarrot et Jehan de Bossecure, et s'il a point sceu que Jehan de Bossecure eust dit quelque chose audict Navarrot pour dire au Roy touchant le fait dudict cardinal, et que c'estoit, et comment il a sceu?

Item, soit interrogué ou sont les lettres et biens meubles dudict cardinal, quelque part que ce soit, et qui les a en garde, et quelles choses il y a.

Item, soit interrogué ledit Durand quelle intelligence il y avoit entre ledict cardinal et le duc de Bretaigne, et ou elle commença et quel serement il avoit a lui, et se ce fut des Can ou quant il alla en Bretaigne, et quelles lettres et mémoires il faisoit savoir au duc et le duc a luy.

Item, s'il a point sceu que ledict cardinal envoiast au duc le double de l'instruction des ambaxadeurs du Roy qui aloient en Bretaigne?

Item, soit interrogué maistre Pierre Durand [combie]n de temps il fut devers monseigneur de Bourgoigne, quant le cardinal l'y envoya ;

Item, soit interrogué sur le fait et a raison de Jehan le Viste';

Item, soit interrogué qui avoit baillé a Jehan de Bourseculle les petites lettres de créance que ledict Durand avoit portées a mondict seigneur de Bourgoigne, et comment ledict de Bourseculle les avoit eues.

Soit adverty que mons. le général^ mette par escript tout ce qu'il scet des trafyques qui furent nouées par le cardinal

1. Jean le Viste. On trouve un personnage de ce nom qui assistaitaux séances du Conseil de Régence du roi Charles VIII, publié par Dernier, dans la Collection des Documents inédils.