XYI. — 1469, ABRÉGÉ DES CHARGES DE L'ACCUSATION

[S. D]. — Abrégé par forme des charges qui pèsent sur Balue et Harancourt.

(( Abrégé par forme [extraict pour] la pluspart de la confession de Simon Bellée et de la charge que le cardinal et l'evesque de Verdun luy avoient baillée. ))

Primo

La paix jurée ;

La fiance que le Roy avoit au cardinal d'Angiers et l'evesque de Verdun et des choses qui depuis sont venues a la congnoissance du Roy;

Item, le traicté de Peronne qui fut juré es mains du cardinal, etc.

Item, l'argent que ledit cardinal eut du Roy a cause dudit traité, etc.

Item, le serement que le cardinal fist au Quesnoy a monseigneur de Bourgongne, sans le sceu du Roy, nonobstant son serment naturel qu'il devoit, et les troys sermens accidentels comme conseiller en sa court de Parlement, comme conseiller en son Grant Conseil et comme evesque,avecques les biensfaiz etc. qui vallent bien ung autre serment.

Apres, le démené d'Amboyse entre luy et les gens de monseigneur de Bourgoigne, et les enseignes du bout de la sainture.

Le voyaige de messire Guillaume l'Auvergnat en Bretaigne et le mémoire qu'il lui baillast escript de sa main et coppié de la main dudit Auvergnat.

Item, et lequel mémoire contenoit: primo de la venue de Supplenville, et que le duc et Lescun mandoientau Roy que Monseigneur se departiroit de Brye et Champaigne, et que les ambassadeurs de Bourgogne l'empeschassent et qu'ilz feissent tant quemondit seigneur print Champaigne et lessast Guienne et qu'ilz n'espergnassent riens a lui promectre affin qu'il le fist et bailloit plusieurs moyens qu'ilz dévoient tenir pour parvenir a cella ;