XVI. — 1469, ABHKGÉ DES CHARGES DE L'ACCUSATION

Item, que lesdits ambassadeurs advertisscnt monseigneur de Bourgoigne que le Roy prenoit nouvelles aliances et qu'il avoit envoyé Vallence et Gaverge en Savoye pour promcctre a madame tout ce qu'elle vouldroit ;

Item, que monseigneur le connestable cstoit allé en Bourgogne qui estoit mal content et que on n'eust painedele gaigner et pareillement monsieur de Bourbon ;

Item, que Armagnac et Nemours estoient en bon traing — et qu'il avoit parlé a leurs gens et que on ne les lessast point destruire ;

Item, que on advertist Bourgoigne de ne venir entour les pays du Roy et que le Roy ne taschoit que a l'enlever par gens d'armes feignans aller devers luy ;

Item, qu'il estoit besoing que on advertist Bourgoigne de toutes les choses dessusdites en toute haste ou autrement qu'il en viendroit jugement ;

Item, les advertissemens que l'Auvergnat faisoit audit cardinal qu'il ne faisoit pas bien et la réponse que ledit cardinal lui fist.

Item, que le Roy ignoroit toutes ces choses;

Item, que ledit cardinal en persévérant en ce que dit est, pour ce que, plusieurs foiz, luy et l'evesque de Verdun avoient parlé ensemble touchant ladicte matière, de rechef ils parlèrent ensemble pour adviser comment ilz pourroient advertir mondit seigneur de Bourgoigne, nonobstant l'advertissement qu'ils avoient fait a sesdits ambassadeurs.

Item, et que ledit evesque de Verdun bailla audit cardinal ung sien serviteur, nommé Simon Bellée, auquel fut baillé ung autre mémoire, escript de la main dudit cardinal, lequel il fist coppier audit Bellée, et après recouvra l'original et en fist à son plaisir.

Et pour ce qu'il n'avoit point d'enseignes avecques Bourgoigne, il lui escripvit une cedulle de sa main afin qu'il donnast créance audit Bellée.

Item, et lequel mémoire estoit en termes obscurs, sans nommer les personnaiges afïin que on n'entendist a qui on adressoit les matières ne de quelz personnes on parloit.

Item, et lequel mémoire contenoit que encores n'estoit pas fait l'appoinctement entre le Roy et monseigneur son