Nicolas Proust à Pierre Morin

Année 1595.

Quæ de Concilio Chalcedonensi misisti ad D. Oratorem reddidi ; illaque ex animo amplexatus est. Se tamen 1lla jam omnia e Græcis monumentis Vaticanæ Bibliothecæ collegisse respondit. Ego quidem laboris ipsius conscius, ut qui ill operam meam dederim, scio multa me descripsisse e Concilio Chalcedonensi; sed an eadem fuerint quæ a te excepta sunt & in latinum sermonem versa, planè ignoro. De commendatione tui apud Summum Pontificem memorem futurum pollicitus est. Vale, & me, ut soles, ama.

Vires ubi expertus sum meas, hanc qualemcumque odam composui, quæ salem habeat nec ne ignoro. Cui ubi extremam manum apposuero, doctiorum erit conditior palato.

(lbid. Epist. LIN)