Baluze à Casanate

22 Mai 1682.

ÉMINENTISSIMO ET REVERENDISSIMO DOMINO HIERONYMO CASANATTÆ S. R. E. CARDINALI STEPHANUS BALUZIUS TUTELENSIS S. P. D.

Dubium mihi nullatenus esse potest, Ementissime Cardinalis, quin tu toto cordis affeëtu feraris ad juvanda mea &aliorum qui bonas literas amant studia, cum tot & tanta hucusque feceris quæ tuum in nos omnes amorem luce clarius ostendunt. Illud

doleo magnopere, ut antea ad te scripsi, tantam ac tam pertina-

cem esse Monachorum Casinensium obstinationem ut precibus tuis quæ sane veritate & æquitate nituntur, cedere nolint, sed malint publicam horum studiorum utilitatem impedire & monasterii sui famam, seu potius suam propriam, vehementer obscurare per hanc repulsam. Certum quippe est rem admodum indiligenter traétatam esse a Lupo, plurimaque capita ex veteri codice prætermissa, qui easdem res alibi noverat editas fuisse. Sed tamen operæ pretium erat ordinem antiqui collectoris custodire, cunéta capita veterum monumentorum ab 1illo relatorum adnotare, causam postea reddere quare abstentum sit a nonnullis edendis. Propter has præcipue causas ego, forsan paulo vehementius, tecum egi, vir optime & doctissime, uti copia mihi fieret éjusdem veteris exemplaris.

Quod si illi facere nolunt me ipse consolabor maxime illo solatio quod nihil intentatum reliqui quo possem fieri compos diuturni hujus mei desiderii quod testatum tibi feci, Eminentissime Domine, multis meis epistolis, & quod tu quoque nihil omiseris quo votis meis satisfieri posset. Semper autem hic dolor animum meum cruciabit, tantam fuisse infelicitatem meam ut dum totus incumbo illustrandæ huic parti historiæ ecclesiasticæ, viri Benedictini, quorum majores tantopere laborarunt pro re publica literaria, quorum fratres heic in Gallia summa vi enituntur ut eosdem majores suos supergradiantur, ita sint commoti in re tam laudabili ut nolint mihi tradere usum rei cujus possessio semper apud eos maneret, id est, rem mihi ac publico tribuere, quam tribuere possunt absque ullo suo in-

commodo. Sed ad alia transeamus, vir optime,

Absoluta est prorsus nova editio Collationis Carthaginiensis. Nunc typographi incumbunt edendæ antiquæ interpretationi latinæ Concilii Ephesini. Utinam monachi Cassinenses se flecta patiantur ante quam ea perfecta sit !

Vale Eminentissime, doétissime & literarum amantissime Cardinalis & me semper ita ut facis ama tuæ famæ tuique nominis studiosissimum.

Lutetiæ Parisiorum XI Kal. Junias MDCLXX XII. (Ibid. fol. 192.)