Baluze à Casanate

10 Juillet 1682.

… Tandem perveni ad editionem Synodici Casinensis cui nunc incumbunt typographi. In dies autem magis intelligo quanti momenti fuisset habere eam collectionem integram. Nam Lupus admodum indiligenter se habuit in hoc negotio, & multa prætermisit quibus carere durum est & incommodum. Prolixos quidem ïille commentarios edidit, sed inutiles & qui magis tenebras offendunt quam lucem afferunt antiquis ïllis rei ecclesiasticæ monumentis. Sic se habent res humanæ : erat ille sane vir plurimæ lectionis, sed multum verbosus ac redundans, & qui de se suaque eruditione sic bene existimaret, ut alios literarum professores velut in eminentiori loco positus despiceret. Hinc 1lla animi impotentia & superbiloquentia, ut verbo Tullii utar, adversus magna ïlla nomina, Marcam, Bosquetum, & alios quosdam clarissimos nostrorum temporum scriptores. Quantum ab hac agendi ratione alienus est alter ejusdem cujus & ille instituti pater Henricus de Noris, vir & vere sapienter doétus, & eorum amantissimus.…

Lutetiæ Parisiorum VI Idus Julias M D C LXXXII. (Ibid. fol. 198".)