Baluze à Casanate

13 Avril 1684.

ÉMINENTISSIMO ET REVERENDISSIMO DOMINO HIERONYMO CASANATTÆ S. R. E. CARDINALI STEPHANUS BALUZIUS TUTELENSIS S. P. D.

Eo tempore quo postremam epistolam tuam & priorem partem versionis pseudosynodi illius Photianæ a te missam accepi, Eminentissime Cardinalis, incidi in gravem oculorum morbum, quo ultra tres septimanas afflictus sum, neque ex eo haétenus prorsus convalui. Quod ideo dico ut hinc intelligas causam tarditatis meæ in respondendo. Deinde accepi postremam partem aétorum græcorum ejusdem synodi à Zaccagnio nostro missam, qui pro suo in me studiaque mea & rem. publicam literariam affeétu in se suscepit curam & laborem eorum transcribendorum. Nunc itaque serio cogitandum est de editione tomi secundi meorum Conciliorum, in quo admodum multa nova dabuntur ex quibus valde illustrabitur historia ecclesiastica quorumdam sæculorum. Sed in primis effulgebunt aëta famo-

sissimæ illius synodi, in quæ inquiri oportebit diligenter, ut Photii fraudes & versutia unicuique pateant evidenter.

= Non mediocri lætitia affeétus sum, Eminentissime Domine, cum iisdem litteris tuis intellexi satisfactum tibi a me fuisse in emptione librorum quos tum acceperas. Cum enim tibi pluribus veteribus novisque beneficiis obstrictus sim, meamque propterea operam tibi debeam pluribus nominibus, magna me lætitia affici oportet quum intelligo me rem gratam tibi fecisse. Deus te diu servet incolumem, vir optime, & hunc propensum in literas literarumque studiosos animum.

Lutetiæ Parisiorum Idibus Aprills MDCLXXXIV. (/bud. fol. 29).