ER

les choses à la vérité. Je le di pour l'amour de la sépulture, de quoy je suis bien empesché avec l’homme que sçavez (1), et croy que je ne sçay que je feray, combien que je faiz faire les patrons depuis que j'ay sceu que Madame veult qu'elle se face. Maistre Jehan Lemaire vous dira bien la douleur ou trouble en quoy j'en suis, et pleust à Dieu que je vous deusse faire une ymage d’albastre ou de painture et Je ne fusse que seul. Je ne di plus; une aultre foiz escriprey à Madame la vérité se je sçay qu'elle se veulle servir de moy, maiz aussy je vous prie que en se que me pourrez aider vous me soiez propice et non fors que pour excécuter l'honneur de Madame et esviter dommage. |

Mons’, je vous rescrips non pour vous rompre la teste maiz pour vous donner à entendre que se Madame se veult servir de moy en tel cas comme de l’esglise et sépultures, certes il est forcé que je soie obéy en ce qu'elle veult et ce qui sera de raison, ou je ne viveroye pas comme j’ay acoustumé qui est que tousjours j’ay aymé science et la perfection d’icelle. Je n'ose dire tout, maiz avoir la response de Madame touchant l’esglise qui n'est pas petitte chose je vous rescripray ou parleray plus à plain. Aussy vous dira mons’ l’indiciaire au vray ma bonne voulenté. Justa 11lud difficile est indigenti bene operari, combien que ce n’est pas ce qui me mainne en tout, maiz c'est de bien commencer, de non avoir faulx raports et estre obéy en bien faisent. Or je me débas de la chappe du moyne. Nous verrons que Madame dira, ou celle en veult oster ou mettre son vouloir soit fait, et je vous supplie, comme en celuy en qui j'ay parfaitte fience, m'en rescripre à peu près sa concepcion. Et encor diray je se mot que je feroye voulentiers le voyage jusques en Flandre ce karesme, se tant il plaisoit à Madame, pour dire ce que en papier je n'ose penser. Je ne sçay qu'il en aviendra.

Mons’, je vous prie me pardonner et sur ce vous dis adieu

{1) Maître Thibaut,