XVI II

Au Cardinal de Lorraine i^'>

31 Aoùl 1560.

Monseigneur, jay admené par deçà ung mien frère homme de lettres aftin de le duyre et usiter auls affaires, pour faire service au Roy et à vous Monseigneur s'il est sj heureus que sa Maiesté et vous Monseigneur vous daignez lui commander. Il est lieutenant général du maitre des ports en la se neschaussée de Beaucaire ou mon patrimoine est assis. Maintenant quelques ungs jalons de son bien, sont après, a ce que suys adverty, pour impétrer son office, pardeffault de résidence et de lavoir faict confirmer, luy donnans sur les lieus tous les trou-

(1) N- '20 du manuscrit de Sa-nt-Petersbourg

blés quil est possible de penser, de la non résidence la couse est celle que jay dict : et dont il ne la faict. confirmer encores la cause si est lalonginquité des liens et defïault de moyen, mayant esté relardé celluy pour lequel je mattendoisy suppléer par delà, et par ce Monseigneur quen cela il luy serait faict grand tort ce que ne vouldries endurer, et que tout mon recours est a vous je supplie très humblement Monseigneur quil vous plaise luy faire ce bien et a moy de ordonner à Monsieur le Chancellier quil vueille tenir lœil sur ce et quil ne despesche lettres dudit office à aulcun et commander au trésorier des parties casuelles de vous en advertir si aulcun le poursvyt, a ce que mon dit frère estant ampàré de votre autorité ne soit privé de son bien et pour lequel il a financé, ayant tant de raison destre tenu pour excusé et dispensé comme est celle cy dessus que votre illustrissime seigneurie considérera trop mieulx que je ne luy scauroisremonstrer et pource fairay fin a tant priant Dieu.

Monseigneur quil vous vueille conserver en très parfaicte santé très longue et très heureuse vie. De Lisbonne ce dernier jour daoust 1560.

Votre très humble, très obéissant et très obligé serviteur.

J. NICOT

Au dos : A Monseigneur, Monseigneur l'illustrissime et Réverendissime Cardinal de Lorraine. Autographe. 1 page in-folio.

Au Cardinal de Lorraine ('')

26 Septembre 1560

Monseigneur Jescry a Monseigneur le grand prieur votre frère pour responce dequelquescharge quil me laissa à son despart, il vous plaira commander que le pacquet luy soit envoyé seurement, je croy quil vous aura desia dict ou escript quelque chose que je lui communicquay estant icy, quand il vous plaira me faire entendre votre bon plaisir la dessus je fairay tout ce quil vous plaira me com mander, Monseigneur le marchant que javois assigné sur lez deniers de ma pension pour la demy année de novembre dernier pouraultant de somme quil mavait preste se voyant frustré de ceste assignacion a cause du bancquier Ungaro lequel ayant receu les deniers de ladite demy année faist bancqueroute le lendemain, ma meu corlaine demande dinterests qui absorbent le tiers de ladite sommedaultre part a cause du retardement de laultre demye année dont encores ne ma esté faict payement jay esté contrainct prendre argent a linterest, ce qui me met en grandz frais extraordinaires, je vous supplie très humblement Monseigneur avoir ung peu de esgard a moy et commander que madite pension soit payée au commencement des demy années comme il est de costume estre faict aux ambassadeurs, et pour me donner moyen de me remettre sus vous plaira me faire payer de mes gaiges de maistres de requestes qui me sont deubs

(1) N° 4i du manuscrit de St-Pétersbourg.

de quatre années a raison de quatre cens livres par an, ou bien me faire accorder une traicte de mil tonneauls bled franche, car par le moyen de ce je pourrois bien accorder avec ledit marchant et me retirer de debtes en attendant quil vous plaise moienner avec le Roy quil me face quelque bien dont je ne puisse entretenir en son service, lequel je recognoistray tousiours tenir de vous en vous faisant a jamais très humble service ; Lhomme qui a drecé les mémoires de lafïaire dont vous ayescript par mes lettres du vp et xxiii* février, est passé par delà et se trouve a présent à Lyon duquel lieu il ma escript quil nose bonnement entreprendre dallera la Court par devers vous pour vous faire entendre le faict et contenu en sesditz mesmoires mesmes a présent quavez tant datïaires a desmeler, sil vous plaict quil y aille vous plaira le lui comander par ung mot de letre, il se nomme Gaspar Ribeira, et loge chez Manuel Ribeira marchant aussy portugalois et il ne faira faulte de desloger tout aussy tost.

Monseigneur je prie le Créateur quil vous vueille conserver en très parfaicte santé très longue et très heureuse vie. De Lisbonne ce xxvi jour de septembre.

Votre très humble très obéissant et très obligé serviteur.

J. NICOT

Au clos : A Monseigneur, Monseigneur l'Illustrissime et Reverendissime Cardinal de Lorraine.

Lettre de Nicot ambassadeur de Portugal du 26^6 de septembre 1560. Autographe avec sceau plaqué.

1 page in-folio.