LUI

261. Ces choses avindrent le premier jour de quaresme*. Ce jour meismes, uns vaillans Sarrazins, que nostre ennemi avoient fait chievetain pour Scecedin'^ le fil au seic, que il avoient perdu en la bataille le jour de quaresme-pernant , prist la cote le conte d'Artois qui avoit estei mors en celle bataille, et la moustra à tout le peuple des Sarrazins, et lour dist que c'estoit la cote le roy à armer, qui mors estoit.

262. « Et ces choses vous moustré-je, pour ce que cors sanz chief « ne vaut riens à redouter, ne gent sanz roy. Dont, se ' il vous plait, « nous les assaurons vendredi '"•, et vous y devez accorder, si comme « il me semble ;, car nous ne deverons pas faillir que nous les pre- (c nous touz, pour ce que il ont perdu lour chievetein. » Et tuit s'accordèrent que il nous venroient assaillir vendredi.

203. Les espies le roy qui estoient ' en Post des Sarrasins, vindrent dire au roy ces nouvelles. Et lors commanda li roys à touz les chieveteins des batailles que il feissent lour gent armer dès la mie nuit, et se traisissent hors des paveillons jusques à la lice, qui estoit teix que il y avoit Ions merriens, pour ce que li Sarrazin ne se ferissent parmi l'ost*, et estoient atachié en terre en tel manière que Ton pooit passer parmi le merrien à pié. Et ainsi comme li roys Pot commandei il fu fait.