A, entre
l86 HISTOIRE DE SAINT LOUIS.
l'autre, et sont lié à fors corroies de buef ou chief. Et quant il weulent mettre les gens dedans , si les couchent sus lour costez et lour mettent les jambes parmi les chevilles dedans ;, et puis si font asseoir un home sur les tisons- dont il advient ainsi qu'il ~ ne demourra jà demi pié entier de os qu'il ne soit touz debrisiés. Et pour faire au pis que il peuent, ou chief de trois jours que les jambes sont enflées, si remettent les jambes enflées dedans les bernicles, et rebrisent tout derechief. A ces menaces lour respondi li roys que il estoit lour prisonniers, et que il pouoient faire de li lour volentei.
342. Quant il virent que il ne pourroient vaincre le bon roy par menaces , si revindrent à li et li demandèrent combien il vourroit donner au soudanc d'argent , et avec ce lour rendist ' Damiete. Et li roys lour respondi que se li soudans vouloit penre raisonnable somme de deniers de li , que il manderoit à la royne ~ que elle les paiast pour lour délivrance. Et il distrent : « Comment est-ce que ic vous ne nous voulez dire que vous ferez ces choses? » Et li roys respondi que il ne savoit se la royne le vourroit faire , pour ce que elle estoit sa dame. Et lors li consaus s'en râla parler au soudanc, et raporterent au roy que se la royne vouloit paier dix cens mile besans d'or, qui valoient cinc cens mile livres ■^, que il deliverroit le roy.
343. Et li ro3^s lour demanda par lour sairemens se li soudans les deliverroit pour tant, se la royne le vouloit faire. Et il râlèrent parler au soudanc, et au revenir firent le sairement au ro}^ que il le deliverroient ainsi. Et maintenant que il orent jurei, li roys dist et promist aus amiraus que il paieroit volentiers les cinc cens mille livres pour la délivrance de sa gent , et Damiette pour la délivrance de son cors ; car il n'estoit pas teix que il se deust desraimbre à deniers. Quant li soudans oy ce , il dist : « Par ma foi ' î larges est li Frans quant il « n'a pas barguignié sur si grant somme de deniers. Or li aies dire, « fist li soudans, que je li doing cent mile livres pour la reançon a paier. »
