Bet M, neuf

354. — 1 Les mots au col sont tournis par rédilion de Ménard.

à un frère de la Trinitei, qui avoit nom Jehan et' estoit au conte Guillaume de Flandres. Mais endroit de moy, ne me souvint onques de pechié que j'eusse fait-, ainçois m'apensai que quant plus me deffenderoie et plus me ganchiroie, et pis me vauroit.

355. Et lors me seignai et m'agenoillai aus pies de l'un d'aus, qui tenoit une hache danoise à charpentier, et dis : « Ainsi mourut « sainte* Agnès. » Mes sires Guis d'Ybelin, connestables de Chypre, s'agenoilla encoste moy et se confessa à moy, et je li dis : « Je vous <( asol , de tel pooir que Diex m'a donnei. » Mais quant je me levai d'ilec , il ne me souvint onques de chose que il m'eust dite ne racontée.

356. Il nous firent lever de là où nous estiens, et nous mistrent en prison en la sente de la galie-, et cuidierent moût de nostre gent que il l'eussent fait pour ce que il ne nous vouloient * pas assaillir touz ensemble, mais pour nous tuer l'un après l'autre. Leans fumes à tel meschief, le soir, tout soir-, que nousgisiens si à estroit, que mi pié estoient endroit le bon conte Perron de Bretaingne, et li sien estoient endroit le mien visaige.

357. L'endemain nous firent traire li amiral de la prison là oiî nous estiens, et nous dirent ainsi lour messaige que nous alissiens parler aus amiraus, pour renouveler les convenances que li soudans avoit eues à' nous-, et nous dirent que nous fussiens certein que se li soudans eust vescu, il eust fait coper le teste au roy et à nous touz aussi. Cil qui y porent aler y alerenf, li cuens de Bretaingne et li connestables et je, qui estiens grief malade, demourames. Li cuens de Flandres, li cuens Jehans de Soissons, li dui frère d'Ibelin, et li autre qui se porent aidier, y alerent.

358. Il acorderent aus amiraus en tel manière, que si tost comme on lour averoit délivrée Damiete, il deliverroient le roy et les autres riches homes qui là estoient; car le menu peuple en avoit fait mener li soudans vers Babiloine, fors que cens que il avoit fait tuer. Et ceste chose avoit-il faite contre les convenances que il avoit au roy : par quoy il semble bien que il nous eust fait tuer aussi, si tost comme il eust eu Damiete.