A, bègues de fourmagei ; B, bigneti de fromaige

la galie quatre-vins arbalestrier bien appareillié, les arbalestres montées, et mistrent maintenant les carriaus en coche. Tantost comme li Sarrazin les' virent, il touchierent en fuie aussi comme brebis; que onques n'en demoura avec le roy, fors que dous ou trois.

378. Il geterent une planche à terre pour requeiUir le roy, et le conte d'Anjou son frère, et mon signour Geffroy de Sergines, et mon signour Phelipe de Annemos, et le maréchal de France que on appeloit dou ' Meis , et le maistre de la Trinitei et moy. Le conte de Poitiers il retindrent en prison jusques à tant que li roys lour eust fait paier les dous cent mille livres que il lour devoit faire paier, avant que il partisist dou flum, pour lour rançon.

379. Le samedi * après ' T Ascension, liquex samedis est Tendemain que nous fumes delivrei, vindrent penre congié dou roys li cuens de Flandres^, et li cuens de Soissons, et plusour des autres riches homes qui furent pris es galies. Li roys lour dist ainsi , que il li sembloit que il feroient bien se il atendoient jusques à ce que li cuens de Poitiers , ses frères, fust délivrés. Et il distrent que il n'avoient pooir -, car les galies estoient toutes appareillies. En lour galies montèrent et s'en vindrent en France, et en amenèrent avec aus le bon conte Perron de Bretaingne, qui estoit si malades que il ne vesqui puis que troiz semainnes, et mourut sus mer.

3So. L'on commença à faire le paiement le samedi au matin , et y mist l'on au paiement faire le samedi et le dymanche toute jour jusques à la nuit-, que on les paioit à la balance, et valoit chascune balance dix mille livres. Quant ce vint le dymanche au vespre , les gens le roy qui fesoient le paiement, mandèrent au roy que il lour failloit bien encore ' trente mille livres. Et ' avec le ro}' n'avoit que le roy de Sezile et le maréchal de France, le menistre de la Trinitei et moy, et tuit li autre estoient au paiement faire.