B et L, acouslrerent

JOINVILI.E. — 3i

et à nous, qui demourames, en donna bien et largement-. Moût me prièrent li uns frères et li autres que je me preisse garde dou roy, et me disoient que il n'i demouroit nullui en cui il s'atendissent tant. Quant li cuens d'Anjou vit que requeillir le couvenroit en la nef, il mena tel duel que tuit s'en merveillierent; et toutevoiz s'en vint-il en France.

443. Il ne tarda pas grantmant après ce que li frère le roy furent parti d'Acre , que li messaige Tempereour Ferri vindrent au roy et li apportèrent lettres de créance, et dirent au roy que li emperieres les avoit envoies pour nostre délivrance. Au roy moustrerent lettres que li emperieres envoioit au soudanc, qui mors estoit(ce que li emperieres ne cuidoit pas) ; et li mandoit li emperieres que il creust ses messaiges de la délivrance le roy. Moût de gens distrent que il ne nous fust pas mestier que li messaige nous eussent trouvez en la prison; car l'on cuidoit que li emperieres eust envoie ses messaiges plus pour nous encombrer que pour nous délivrer. Li messaige nous trouvèrent délivres ; si s'en alerent.

444. Tandis que li roys estoit en Acre , envoia li soudans de Damas ses messaiges au roy , et se plainst moût à li des amiraus de Egypte, qui avoient son cousin le soudanc tuei ; et promist au roy que se il li vouloit aidier, queilli deliverroit le royaume de Jérusalem, qui estoit en sa main. Li roys ot consoil que il feroit response au soudanc de Damas par ses messaiges propres, lesquiex il envoya au soudanc. Avec les messaiges qui là alerent, ala frères Yves li Bretons, de l'ordre des frères Preescheours , qui savoit le sarrazinnois.

445. Tandis que il aloient de lour hostel à l'ostel dou soudanc, frères Yves vit une femme vieille qui traversoit parmi la rue, et portoit en sa main destre une escuellée pleinne de feu, et en la senestre une phiole pleinne d'yaue. Frères Yves li demanda : « Que « veus-tu de ce faire ? y> Elle li respondi qu'elle voulait dou feu ardoir paradis, que jamais n'en fust point ^, et de l'yaue esteindre enfer, que jamais n'en fust point. Et il li demanda : « Pourquoy « veus-tu ce faire ? — Pour ce que ce je ne vueil que nulz face ja- « mais bien pour le gucrredon de paradis avoir, ne pour la poour

+42. — - Voy. S 12?.