Voy. S

38o HISTOIRE DE SAINT LOUIS.

et je li respondi que nanin , que il ne me sembloit pas bien. Et il me dist que je ne le dévoie pas avoir en despit, car Diex Tavoit fait. « Car (( moût envis fériés ce que li roys d'Angleterre fait, qui lave les piez « aus mesiaus et baize.

689. Avant que il se couchast en son lit, il fesoit venir ses enfans devant li , et lour recordoit les faiz des bons roys et des bons empereours ^, et lour disoit que à tiex gens devoient-il penre exemple. Et lour recordoit aussi les faiz des mauvais riches homes qui , par lour '^ luxure et par lour rapines et par lour avarice, avoient perdus lour royaumes. « Et ces choses, fesoit-il, vous ramentoif-je , pour ce u que vous vous en gardez, par quoy Diex ne se courousse à vous.» Lour heures de Nostre Dame lour fesoit apenre , et lour fesoit dire devant li 3 lour heures dou jour, pour aus acoustumer à oyr lour heures quant il tenroient lour terres.

(5qo. Li roys fu si larges aumosniers, que partout là où il aloit en son royaume , il fesoit donner aus povres esglises , à maladeries , à maisons- Dieu, à hospitaus, et à povres gentis homes et gentis femmes, Touz les jours il donnoit à mangier à grant foison de povres, sans ceus qui mangoient en sa chambre; et maintes foiz vi que il meismes ' lour tailloit lour pain et donnoit à boivre.

691. De son tens furent edefiées plusours abbaïes ; c'est à savoir Royaumons, Tabbaïe de Saint- Antoinne delez Paris, Pabbaïedou Liz, Tabbaye de Malbisson , et plusours autres religions de Preescheours et de Cordeliers. Il fist la maison-Dieu de Pontoise, la maison-Dieu de Vernon ', la maison des Aveugles de Paris, Tabbaïe des Cordelières de Saint-Clou, que sa suer ma dame Ysabiaus fonda par son otroi.

692. Quant aucuns bénéfices de sainte Esglise eschéoit au roy, avant que il le donnast il se conseilloit à bones persones de religion et d'autres ^ -, et quant il s'estoit conseilliez, il lour donnoit les bénéfices de sainte Esglise en bone foy, loialment et selonc Dieu". Ne il ne vouloit nul bénéfice donner à nul clerc, se il ne renonçoit aus autres bénéfices des esglises que il avoit. En toutes les villes de son

G89. — 1 A, e/ des empereurs. —2 A omet lour. — 3 Devant U omis dans A. 690. — 1 A omet }7ie!smes.