A, oie

ne que il ne grèvent nostre gent de nouvelles exactions, de tailles et de coustumes nouvelles; ne si ne semoingnent que l'on face chevauchie pour avoir de leur argent; car nous voulons que nus qui doive chevauchie ne soit semons^ d'aler en ost sanz cause nécessaire ; et cil qui voudront aler en ost en propres persones, ne soient pas contraint à racheter leur voie par argent.

71 3. Après, nous defFendons que baillit ne prevost ne facent deffendre de porter blé ne vin, ne autres marcheandlses, hors de nostre royaume, sanz cause nécessaire; et quant il couvénra que deffense en soit faite, nous voulons qu'elle soit faite communément en conseil de preudoumes. sanz souspeçon de fraude ue de boidie.

714. Item, nous voulons que tuit baillif vieil, viconte, prevost et maieur soient, après ce que il seront hors de leur offices, par l'espace de quarante jours ou pays où il ont tenu leur offices, en leur propres ' persones ou par procureur, affin qu'il puissent respondre aus nouviaus bailliz^, pour ce que il auroient mesfait contre ceus qui se vourroient pleindre d'aus.

Par cest establissement, amenda moût li royaumes.

715. La prevostés de Paris' estoit lors vendue aus bourjois de Paris, ou à aucuns; et quant il avenoit que aucun Tavoient achetée, si soustenoient lour enfans et lour neveus en lour outraiges-, car li jouvencel avoient fiance en lour parens et en lour amis qui la prevostei tenoient-. Pour ceste chose estoit trop li menus peuples défoulez, ne ne pouoient avoir droit des riches homes, pour les grans presens et dons que il fesoient aus prevoz.

716. Qui à ce temps disoit voir devant le prevost, ou qui vouloit son sairement garder qu'il ' ne fust parjures, d'aucune debte ou d'aucune chose où Ton' fust tenus de respondre, li prevoz en levoit amende, et estoit punis. Par les grans injures ^ et par les grans rapines qui estoient faites en la prevostei, li menus peuples n'osoit demourer en la terre le roy, ains aloient demourer en autres prevostés et en autres signouries. Et estoit la terre le roy si vague, que quant li prevoz* tenoit ses plaiz, il n'i venoit pas plus de dix personnes ou de douze.