XV. Je croi ou Saint-Esperit, et si croi en sainte Eglise

826. Au • Saint-Esperit devons nous croire; car par lui nous vienent tuit li bien : ce est la grâce de Dieu le Tout-poissant.

827. La profecie de Tuevresor le jour de Pentecoste, si est de Helie le profete , cui Diex envoia le feu dou ciel qui se espandoit sor les sacrefices '•, et fu senefiance que Diex envoieroit lou Saint-Esperit en samblance de feu, le jour de la Pentecouste, à ses apostres,

828. La profecie de la parole, si est de Johel, qui dist com cil qui parloit pour Dieu le Père, et dist : « Je respanderai mon Esperit sor « mes serjans '. »

XVI. Et ou pardon des péchiez qui nous est faiz par les sacremens de sainte Eglise.

829. Nous devons croire la sainte Eglise de Romme, et devons croire es commandemens que li apostoiles et li prélat de sainte Eglise nous font, et faire les penitances que il nous enjoingnent '.

830. Nous devons croire es communs sacremens de sainte Eglise qui ci après sont point, ce est à savoir en baptesme, ou sacrement de l'autel, en mariaige , ou pardon des péchiez, et es autres sainz sacremens que sainte Eglise nous ensaigne à croire. Et ausi comme je vous ai dit devant , si fermement i devons croire que riens terriene ne nous poisse deseuvrer, ne habundance ne pestilence'.

823. — 1 Dix-septième miniature. — - ie supplée à. — ^ Je supplée gue.