TEXTE DU MANUSCRIT L

Les ymaiges qui cy devant sont painctes et faictes pour ramentevoir quatre des plus grands fais que oncques nostre sainct roy feist; et comment il les feist, ce trouverez vous en ce livre par escript cy après.

Le premier de sesgrans fais qu'il feist, si feust tel qu'il descendit de sa nef, et saillit en la mer tout armé, l'escu au coul et le heaume au chief; et courut sur les Sarrazins quant il vint à la rive (et estoit à pied et feussent les Sarrazins à cheval), se ne feust sa gent qui le retindrent, ainsi comme vous orrez cy après.

Les aultres de ses fais feurent telz' qu'il feust bien venuàDamiette s'il eust voulu, et sans blasme et sans reproche ; mais pour les infirmitez de l'ost et pour les grandes malladies qu'il y avoit, ne voulut ; ains demeura avecques sa chevallerie qu'il ne voulut laisser, et à grant meschief de son corps; car il fut prins