A, s<7. — i A, appeler chevalier

1 74. Or avint que mes sires Gauchiers d'Autreche se fist armer en son paveillon de touz poins, et quant il fu montez sus son cheval, Tescu au col, le hyaumc en la teste, il fist lever les pans de son paveillon', et feri des espérons pour aler ausTurs; et au partir que il fist de son paveillon touz seux, toute sa mesnie escria à haute voiz ' : (( Chasteillon! » Or avint ainsi que avant que il venistausTurs, il chaï, et ses chevaus li vola parmi le cors-, et s'en ala li chevaus, couvers de ses armes, à nos ennemis, pour ce que le plus des Sarrazins estoient montei sur jumens-, et pour ce trait li chevaus aus Sarrazins.

175. Et nous contèrent cil qui le virent que quatre Turc vindrent par le signour Gauchier, qui se gisoit par terre*, et au passer que il fesoient par devant li, H donnoient grans cos de lour maces là où il gisoit. Là le rescourent li connestables de France et plusour des sergens le ro}^ avec li, qui le ramenèrent par les bras jusques à son paveillon. Quant il vint là, il ne pot parler; plusour des cyrurgiens et des phisicieiis de Tost alerent à li-, et pour ce que il lour sembloit que il n'i avoit point de péril de niort, il le firent seignier des ' dous bras.

17G. Le soir, tout tart , me dist mes sires Aubers de Narc}' que nous Talissiens veoir, pour ce que nous ne Taviens encore veu, et estoit hom de grant non et de grant valour. Nous entrâmes en son paveillon, et ses chamberlans nous vint à rencontre pour ce que nous alissiens bêlement, et pour ce que nous ne esveillissiens son maistre. Nous le trouvâmes gisant sus couvertours de menu vair, et nous traimes tout souef vers li, et le trouvâmes mort. Quant on le dist au roy, il respondi que il n'en vourroit mie avoir tiex mil, puis que il ne vousissent ouvrer de son commandement, aussi comme il avoit fait.

177. Li Sarrazin à pié entroient toutes les nuiz en Tost, et occioient