ACTUS QUINTUS

SCENA I

Carolus, Borbonius, Cuîsantus, Rayus , Joanna, nunthis, senex.

Ceu cùm renascens Phœbus Eoo caput Ah amne tollit, corporum magna undique Porrigitur umbra, at culmen orbis cùm tenet, Medioque fertur liberis frenis polo, Decrescit umbra, et luminis splendet jubar; Insolita sic cùm nascitur félicitas, Virtusque laeto clara successu micat, Invidia surgit, undique exerto frémit Tingitque dente livor, et radios pati Nequit micantes. Testis est Anglus novo Turbatus sestu, cùm meo affulget salus Honorque regno; frendet, insanit, furit, Odioque sortem damnât impatiens suam, Dùm nostra virtus emicat, dùm nos Tonans Victoriarum justus accessu beat, Urbesque redeunt, et mihi jurant fidem; In arma jam me provocant, pugnam volunt.