Couci. Voy. p. 150, n
remanant de nostre ost un boton. Tantost corne il perceurent le roi, par grant orgueil, par grant beuban et par grant desroi vindrent hardiement et fièrement encontre eus. Quant li rois vit ce, bien se pensa que cil qui devant aie estoient avoient mise la crestiënté qui la estoit en mauvais point. Il coumanda a touz ceus qui avuec lui estoient qu'il se tenissent tout serré. Moût les amonestoit et disoit qu'il ne dévoient point douter celé grant plenté de iriescreans qui venoient contre eus, car nostre sires Dieus Jesu Criz,pour cui il estoient la aie, estoit plus forz et plus puissanz que touz li mondes. Quant li Sarrazin s'aprochierent de nostre gent, la noise i fu si o-ranz de corz et de buisines, de labours, de criz de genz, et de cbevaus, que c'estoit granz liideurs a oïr. 11 aceinstrent les noz tout entour et traistrent si grant plenté de saietes et de quareaus que pluie ne grésil ne feissent mie plus grant oscurté, si que moût i et navré de noz genz et de leur chevaus. Quant les premières routes des Turs orent vuidié touz leur carcois et touz leur traiz, il se traistrent ariere. Mais les secondes routes vindrent tantost après, ou il avoit encore plus; cil traistrent encore plus espessement assez que n'avoient fait li autre. Li rois et nostre gent n'avoient nul arbalestrier la endroit; cil qui avoient passé le flun avueques le roi avoient esté tuit ocis avueques l'avant garde, car li Sarrazin ocioient sanz espargnier trestouz les arbalestriers qu'il prcnoient. Quant li rois et nostre gent virent qu'il perdoient ainsi leur chevaus et eus meïsmes,
il ferirent des espérons tuit ensemble contre les Turs pour eschiver les saietes; assez en abatirent et ocistrent en leur venue ans glaives et aus espees. Mais la plenté des Turs i estoit si granz que peu ou point i paroit : quant il i avoit aucun Turc ou ocis ou abatu, tantost ravenoit autres en son lieu touz frès et touz nouveaus. Li Turc virent que nostre gent et li cbeval estoient niout blecié et a grant meschief, si pendirent isnelement leur ars aus scnestres braz desouz les roueles et leur coururent sus moût cruëlment as maces et as espees. Si durement tenoient noz genz a destroit de toutes parz que c'estoit une merveille a veoir. Assez ot de nos genz qui furent a ceie bataille, qui puis dirant et afermerent certainement que se li rois ne se fust maintenuz si bardiement et si vigoureusement qu'il eussent esté tuit mort ou pris. Onques li rois ne trestourna son viaire ne n'estuia' son cors des Turs. Il confortoit et amonestoit nostre gent de bien faire, si qu'il en estoient tout rafresci. Moût se defendoient vigoureusement, si au desouz come il estoient, et soufroient celé grant plenté de Sarrazins qui descbarjoient seur eus, les unes routes api-ès les autres. Ainsi dura celé bataille jusques entour none. Li chevalier et les autres genz qui estoient a noz berberges, qui bien veoient ces choses, ne les pooient secorre, pour le flun qui estoit entre deus : tuit, et petit et grant, braioient et ploroient a haute vois,
i. Esluia. Esiuicr, de estui. cacher, protéger.
batoient leur piz et leur testes, tordoient leur poinz, esrachoient leur cheveus, esgratinoient leur usages, et disoient : « Las! las! las! Li rois, et s. frère et toute leur compaignie sont tuit perdu! » Âdont coururent les genz a pié et li communs pucples de l'ost hardiement et très hastivement au mairicn, aus ongienz et aus autres, estrumenz de l'ost et comencierent a essaier se il porroient faire aucune voie <iessus cel pas», par la quel il peûssent passer outre pour aidier le roi. Par granz paines, par granz travauz firent une voie de mairien assez périlleuse par dessus le pas, car l'iaue estoit par dessous si rade et si parfonde et si périlleuse, pour le lieu qui estoit oslrecliiez par la chauciee qui la estoit faite, que nus ,„> cheïst <iui tantost ne fust perduz. Tantost passèrent perilleusement, plus isnelement que il porent, pour aidier le roi. Mais quant li Sarrazin les virent venir et passer le flun, il se traistrent ariere et se partirent de la endroit et s'en alerent a leur herberges.
{Hist. Gcc. des Croisades, t. II, p. 603-G07.)
