Erard, cardinal de Lamarck

avoir tenu la doctrine de Luther, et mesdit de Dieu, de Nostre-Dame et des sainctz et sainctes de Paradis. De là fut mené à la place Maubert où il eust la langue percée, puis fust eslranglé et bruslé, mourant néantmoins bon repentant et recongnoissant bien avoir déservi* la mort. On dit que son père voulut bailler gros argent pour luy saulver la vie, mais il ne peult*.

L'an 1 525 , au commencement de décembre , madame la Régente estant à Lyon , avec un ambassade d'Angleterre , envoya un Hérault d'armes vers l'Empereur en Espaigne , luy sommer qu'il eust à rendre le roy de France qu'il tenoit prisonnier en Espaigne, en luy offrant bailler un million d'escus d'or pour sa rançon. Autrement , et à son refus, elle luy signifioit la guerre.

Pareillement le dict ambassadeur d'Angleterre envoya, avec le dict hérault de France, un autre Hérault d'Angleterre vers le dict Empereur, luy sommer, de par son maistre le roy d'Angleterre, qu'il eust à bailler un million d'angelotz au dict roy d'Angleterre , qu'il luy avoit prestez sur la comté d' Artoys : laquelle comté il luy avoit pour ce engaigée , dès deux ans auparavant , et qu'il eust à luy bailler le dict roy de France, qu'il avoit pour estre comme son prisonnier, et en ce faisant il le tenoit quicte de la dicte somme. Et à son refus, que le dict roy d'Angleterre adviseroit qu'il auroit à faire, sans qu'il luy signifiast la guerre, comme l'on disoit.

Au dict an 1 525 , il y eut grande division et ajter-

1 . Mérité. Voy. le Dictionnaire de Roquefort, au mot Deservir.

2. Ce paragraphe et le suivant se trouvent à la fin du manuscrit £^167.

cation entre la cour de Parlement et le Grand Conseil, et mesmement à cause du procès qui estoit en la cour entre monsieur de Salizar, esleu en l'évesché de Sens qui estoit vaccant par le trespas de feu maistreEstienne de Ponclier et Du Prat, chancelier de France, d'aullre part , esleu au dict archevesché ; dont pour osier la cognoissance à la dicte cour de la dite cause , le dict chancelier voulut faire évocquer le procès au Grand Conseil, ce que ne voulust souffrir la dicte cour. Dont madame la Régente envoie par lettres patentes un huissier en la dicte cour pour faire l'ëvoquation, mais la dicte cour retint le dict huissier prisonnier. Lors ma dicte dame envoya derechef autres lettres patentes par im nommé monsieur Donartois, contenant la dicte évocation et deffendant d'oresnavant à la dicte cour de non congnoistre de la dicte cause , et laquelle elle mettroit par devant juges déléguez , tellement qu'elle ne seroit par devant la dicte cour ne le Grand Conseil; et y envoia un aussi , nommé Chaudron , docteur, conseiller au Grand Conseil, lesquelz la dicte cour détint et tellement que le mecredy, cinquiesme jour de juillet, au dict an, il fut dit par arrest de la dicte cour que les dictes évocquations seroient nulles , et que la cour ne renvoiroit point la dicte cause, mais qu'elle demeureroit jusques à fin, et défendit au dict chancelier et Salizart de faire nulles évocquations sur peine de perdition de cause et de confiscations de corps et de hiens. Item^ et parce aussi que le dict chancelier prétendoit d'avoir l'ahbaye Sainct-Benoist-sur-Loire , de laquelle il avoit esté postulé en partie , et le grand prieur de Sainct-Denis en France, d'autre costé, qui tenoit pour l'évesque de Paris, nepveu du dict feu Poncher. Et à

D'UN BOURGEOIS DE PARIS (15555}. '2od

cause que la cour avoit envoie monsieur Hennequin, l'un des conseillers de la dicte cour, au dict lieu de sainct Benoist , où il y avoit des gens d'armes en la dicte abbaye qui estoient pour le chancelier avec le gouverneur d'Orléans, nommé Girslot', quiestoit avec eux, la cour y envoya messire Lancelot du Lac, chevalier, pour résister contre les dictz gens d'armes et pour garder le dire des personnes.

A ceste cause la dicte cour fit adjourner à son de trompe à Orléans le dict Girslot à comparoir en personne en la dicte cour sur peine de banissenjent et de confiscation de corps et de biens , à cause des procez qui avoient esté faiclz au dict Saincl-Benoist, et, pour non comparoir par le dict Girslot en la dicte cour, il fut déclaré banny et ses biens confisquez et inventoriez, et y eut sergens mis , de par la cour, en garnison en sa maison, et luy il s'en alla à Lyon et le chancelier devers madame la Régente. Et depuis fut crié de par Madame à Orléans que le dict Girslot estoit absoulz, et déclaré de par ma dicte dame nul le banissement faict par la dicte cour. Et depuis fut envoie de par la cour à Orléans le procureur général en Parlement pour faire publier estre bon et vallable le dict banissement et déclara nul ce qui avoit esté faict par le dict chancelier et ma dicte dame et défendit de non obéir aux mandemens du Grand Conseil touchant l'évocquation de la cause du dict Sainct-Benoist, ny de Sens, et que la cour de Parlement en relenoit la congnoissance; et partist de Paris le dict procureur général, lé vendredy, septiesme jour de juillet 1 525 , pour aller à Orléans, et furent les biens du dict Girslot venduz

i. Le journal dit plus loin, p. i257, Groslot, bailli d'Oilcans.

par justice et confisquez, et les fist vendre le dict pro-

. cureur général à Orléans.

o Item , aussi , ma dicte Dame vouloit envoier cent lances à l'en tour de Paris et es environs, faignant que ce fut pour la garde de la ville, mais estoit pour la tenir en subjection et après aller à Sens. Dont la cour fist deffendre aux cappitaines de non venir en déclarant qu'ilz n'en vouloient point; et y avoit un nommé le cappitaine Lorges qui avoit charge de par Madame de lever quelque nombre de gens de pied pour mener à Sens, pour tenir main forte pour le dict chancelier contre le dict Salizar qui avoit esté en partie esleu en Parchevesché du dict Sens.

Item^ depuis on dit que le chancelier estant à Lyon fut adjourné en la dicte cour de Parlement par un huissier de la cour à y comparoir en personne à cause des dictes évocquations.

Item, depuis on dit que le chancelier estant à Lyon, fut adjourné en la dicte cour de Parlement , par un huissier de la cour, à comparoir en personne, à cause des dictes évocquations.

Ensuit le double de Varrest de la cour de Parlement , à cause des dictes é\>ocquations ,

« Sur les lettres missives de Madame, mère du Roy, régente de France , que messire Pierre de la Bretonnière^ chevalier, seigneur d'Oartez*, l'un des cent gentilzhommes de la maison du Roy, a présentées à la cour, dattées du xxvii" jour de juing dernier passé,

1 . P. de la Bretonnière , S^f de Warty, grand-maître des eaux et forêts.

portant autres lettres missives, dattées du xxviiii® jour du dict mois , èsquelles est contenue la créance du dict de la Bretonnière. Et sur certaines lettres patentes octroyées par ma dicte dame , données à Lyon , dattées du xxn* jour de juing, par lesquelles, pour rai- Son et à cause des précédentes faictes après les vaccations de Farchevesché de Sens , et abbaye de Sainct- Benoist , tant par les commissaires ordonnez par ma dicte dame que aultres , comme par la dicte cour appellations interjectées et relevées, les unes en la dicte cour , les autres au Grand Conseil , informations des procez prétenduz d'un costé et d'autre, prinse de cçrps et adjournemens personnelz, sur ce ensuivies poursuites , qui se font es dictes cours : dont ce que Tun faict, l'autre adnulle par ma dicte Dame, en vertu du pouvoir à elle donné par le Roy; a évocqué et évocque les dictes causes et matières, leurs circonstances et deppendances, au premier jour d'aoust prochainement venant, pour icelles faire vuider, décider et déterminer par gens sçavans et de grande expérience et bonne conscience, que, à ces fins, elle fera assembler, et prohibe et défend à la dicte cour et au dict Grand Conseil, toute jurisdiction et congnoissance des dictes matières : et de n'atempter et innover aucune chose de la dicte évocquation , en mandant au dict d'Oartex signifier le contenu es dictes lettres d'évocquation à la dicte cour et au dict Grand Conseil et au premier huissier ou sergent, adjourner par devant elle les procureurs du Roy en la dicte cour et au dict Grand Conseil : et les esleuz et pourveuz et eslisans du dict Sens , et les esleuz de Sainct-Benoist et autres, qu'ilz bailleront par escript, les procureurs en la dicte

cour et au dict Grand Conseil, en leur faisant inhibitions et défences, que, pour raison de la dicte matière, circonstances et dépendances d'icelle , ilz n'ayent à faire poursuite en la dicte cour, Grand Conseil et ailleurs, que pardevant ma dicte Dame. Veu par la cour les dictes lettres d'évocquation, et mesmes ensemble les conclusions des gens du Roy, qui ont requis remonstrances estre faictes à ma dicte Dame, sur le contenu es dictes lettres d'évocquation. Et que cependant défences fussent faictes au dict d'Oartex de n'exempter ne signifier les dictes lettres d'évocquation jusques à tant qu'autrement en fut ordonné : et aux parties de ne poursuivre , pour raison du dict archevescbé de Sens et abbaie de Sainct-Benoist ;, ailleurs qu'en la dicte cour : et davantaige de ne comparoir au dict Grand Conseil ne ailleurs qu'en la dicte cour, sur peine de perdition de cause et de cent marcz d'or. La cour, toutes les chambres assemblées a ordonné et ordonne qu'aucunes remonstrances ne seront faicles à ma dicte Dame , et n'a obtempéré ne obtempère ausdictes lettres d'évocquation : et que, nonobstant icelles, elle ne prendra la congnoissance des dictz arclievesché de Sens et abbaïe de Sainct-Benoist sur les parties y venans demander et requérir justice. Et que les arrestz par cy devant donnez, pour raison des dictes matières seront exécutez réellement et de faict, et que inhibitions et défences seront faictes au dict d'Oartex , sur peine d'amende arbitraire , de bailler aucune relation ou exploit de la présentation des dictes lettres d'évoc- (|uation , et aux parties de ne se pou ravoir, ne faire poursuite , pour raison des dictz archevescbé susdicl de Sens et abbaie de Sainct-Benoist , ailleurs qu'en

D'UN BOURGEOIS DE PA.RIS (lo2o;. 2o7

la dicte cour. Et oultre que défences sont faictes au dict procureur général et ausdictes parties de ne comparoir, aller ne envoier au dict Grand Conseil , pour raison des dictes matières , ne ailleurs qu'en la dicte cour, sur peine de perdiction de cause , et de cent marcz d'or. Et a enjoinct et enjoinct à Nicolas Carat, huissier en la dicte cour, d'aller faire commandement à maistre Jean Chaudron , conseiller au dict Grand Conseil, de ne partir de ceste ville de Paris, jusques à ce qu'il eust esté interrogué , sur certains articles qui seront haillez par escript , par le dict procureur général, sur peine d'amende arbitraire. Faict le mardy cinquiesme jour de juillet 1 525.

Item , depuis est advenu que le procureur du Roy a esté adjourné à comparoir en personne à Lyon, au Grand Conseil et devers Madame , à cause qu'il fut à Orléans de par la cour de Parlement, pour fane l^aunir à Orléans le baillyf d'Orléans, nommé Groslot, et luy faire vendre ses biens, au dict an 1525.

Item , au dict mois, sont allez à Lyon, devers Madame, monsieur Ruzé, advocat du Roy en parlement, monsieur Tavel^ conseiller en la dicte cour, et monsieur de la Borde, président en icelle cour, de l'une des chambres, qui partirent le lundy xxi^'jour d'aoust, et furent envoiez de par la dicte cour vers madame la Piégente, pour les divisions qui estoient entre la dicte cour et ma dicte Dame , à cause des évocquations faictes par elle de l'archevesché de Sens, et abbaye de Sainct-Benoist.

Au dict an 1525, le dimanche xxvn" jour de juillet, fut bruslée la ville de Montargis, par gens d'armes, logez dedans la dicte ville , pour noise survenue entre

eulx et ceulx de la ville , parcequ ilz ne vouloient paier. Et dit-on qu'il y eust grand dommage et qu'elle fut toute bruslée, dont le peuple de la ville et des environs s'assembla en gros nombre pour tuer les dictz gens d'armes, mais ilz s'enfuirent.

Au dict an, au mois dejuing, vindrent nouvelles à Paris , comme un gentilhomme , qu'estoit des principaux amis et familiers de monsieur de Bourbon , nommé monsieur de Ponperan , s'en estoit venu en France, vers madame la Régente à refuge, parcequ'on dit qu'il tua quelque gros seigneur espaignol; dont il fut bien receu de ma dicte Dame , et luy bailla gaige de cinquante lances et gaiges ordinaires , et s'en vint par deçà par ordonnance du Roy qui luy pardonna ; et print congé de monsieur de Bourbon qui luy donna congé de s'en venir, car on l'eust faict mourir par delà pour avoir tué le dict gros seigneur. Et blaissa trots ou quatre Espaignolz et fut pour soutenir la paix du roy de France, qui estoit lors prisonnier; et apporta lettres du Roy adressantes à Madame , pour le recepvoir en France : et manda le Roy à ma dicte Dame, qu'elle le receut et qu'il luy avoit tout pardonné. Et estoit iceluy Ponperan qui tua monsieur de Chissey à Bloys, plus de deux ans devant la prinse du Roy, le Roy estant à Bloys. Et luy donna ma dicte Dame les dictes L lances, qu'avoit monsieur de Saine t-Melery et de Saincte-Mesmes , naguères mort.

Au dict an 1 525, au mois d'aoust , ma dicte dame d'Alançon , naguères veufve du seigneur d'Alançon , s'en alla en Espaigne , et partist de Lyon , où elle estoit, avec tout son train par l'authorité de madame la Régente, sa mère, pour aller vers l'Empereur, pour et

au nom de ma dicte dame la Régente, et pour espérer de pacifier et faire quelque bon traicté et appointement avec le dict Empereur, pour et attin de ravoir le roy de France, soit par mariage du Roy à madame Eléonor, seur du dict Empereur, veufve du feu roy de Portugal. On dit qu elle y alla avec trois cens chevaulx , où il y avoit plusieurs grandz seigneurs , tant évesques que seigneurs et gentilzhommes en grand nombre , avec gens de conseil pour la conduire : et que ma dicte dame la Régente luy bailla d'estat par chacun jour pour sa despence, la somme de cinq cens livres, qui est par mois la somme de quinze mil livres. Et s'en revint au mois de décembre ensuivant à Lyon, vers madame la Régente , sa mère, après que le Roy de France, son frère, fut guary ; et n'y fîst rien.

Au dict an, lesamedy, seiziesmejour de septembre, fut crié par les carrefours de la ville de Paris, trêves marchandes entre le roy d'Angleterre et le roy de France, jusques à la fin du mois de décembre prochainement venant, pour, ce pendant, aller, venir, fréquenter et marchander les uns avec les autres; et ce pendant de non guerroier les uns contre les autres. Et fut ce faict à cause que monsieur Brinon , chancelier d'Alançon , estoit auparavant allé en Angleterre , vers le roy d'Angleterre, pour faire quelque traicté de mariage entre monsieur le Daulphin et madame la princesse de Galles, fille du roy d'Angleterre, par authorité et commandement de madame la Régente , qui luy avoit envoyé : et aussi que le dict roy d'Angleterre l'avoit mandé quérir. Et furent les dictes trêves faictes en espérance d'avoir bonne paix.

Item^ le lundy ensuivant, xviii® jour de septembre.

au dict an 1 525, furent aussi publiées à son de trompe, devant l'hostel de la ville, les trêves entre l'Empereur et le roy de France , et y estoit comprins monsieur de Bourbon, et tous les seigneurs, princes et alliez, avec le dict Empereur, et le Roy aussi, jusques à trois mois prochains, pour aller, venir, marchander les uns avec les autres, pendant et durant le dict temps. Et furent faictes défences de non rien demander aux portes. Et fut le cry faict par un huissier de la cour, où il y avoit un esche vin de la ville présent. Et furent faictes les dictes trêves, en espérance de faire ce pendant quelque bon appoinctement de paix.

Au dict an , environ le xviii^ jour de septembre , furent publiées à son de trompe, à Lyon, par les carrefours , du mandement de madame la Régente , la paix universelle, à tousjours, entie le roy de France et le roy d'Angleterre, selon et ainsy qu'elle fut faicte par les dictz roys au dict lieu d'Ardre , dont en feurent faictz les feux de joye. Et disoit-on qu'en ce faisant, monsieur le daulphin de France, devoit espouser madame la princesse d'Angleterre , fille unique du roy d'Angleterre. Et en ce faisant, que le Roy devoit bailler au dict roy d'Angleterre grosse somme de deniers, tant à cause de la ville de Tournay, que aussi à cause des arrérages prétenduz de par le roy d'Angleterre, à cause de la pension ordonnée, que à cause de l'argent qui estoit deu par la feue royne Anne de Bretaigne, que pour autres choses, qui se dévoient paier par chacun an jusques à vingt ans \

1. Voy. Rymer, t. XIV. Le traité avait été signé à Moore le 30 août 1525. Jean de Brinon et Joachim de Passano furent les deux négociateurs du côté de la France.

Ilern^ et ensnivanr ce , madame la Régente escrivit et manda par ses lettres patentes à l'Hostel de la ville de Paris , et au prévost et eschevins d'icelle, qu'il convient trouver par tout le royaume de France , pais et signeuries, grand nombre de deniers, pour bailler au roy d'Angleterre, à cause du traicté de paix faict entre le dict roy d'Angleterre et ma dicte dame la Régente pour Je Roy, iceluy estant prisonnier de l'Empereur. Dont, pour icelle somme payer, le dict roy d'Angleterre vouloit que les principalles villes de France et plusieurs des princes et grandz seigneurs de France , s'obligeassent en leurs noms, corps et biens, et par censures. C'est assçavoir, les villes de Paris, Rouen , Orléans, Tours, Bourges, Lyon, Reims, Bordeaulx , Thoulouse et autres principales villes du Roy, et les principaulxhabitansd'icelles. Dont, pour ce faire, fut faict assemblée en la dicte ville de Paris , par les prévost et eschevins d'icelle , des principaulx manans et babitans d'icelle , au dict Hostel de la ville. Mais par plusieurs personnes notables fut dit , que premièrement il convenoit que la cour de Parlement fut appelée et que sans icelle rien ne se fairoit. D'aultre part fut dit que nulz ne s'obligeroient en leurs nomz. Par quoy, ce dict jour, la chose demeura imparfaicte, sans rien conclure : et fut porteur des lettres et de la harangue faicte , monsieur l'archevesque d'Âix*, lieutenant du gouverneur de Paris , nommé monsieur le comte de Brene, et fut obvié par messieurs Bouchart, Boyleau et Daguet , advocatz en parlement , et autres plusieurs des mandez par la ville, lesquelz obvièrent