Pierre Filleul

qu'ilz trouvoient la chose bien estrange , de soy obbliger, et qu'il convenoit que la cour de Parlement y fut, et qu'ilz ne s*obbligeroient point. Parquoy, comme dit est , tout demeureroit imparfaict pour ce dict jour*.

Au dict an 1 525 , au commencement du mois d'octobre, vin drent nouvelles à Paris, que le roy de France estant prisonnier de l'Empereur, en Espaigne, en une ville nomme Madril , qui est environ dix lieues de ToUide , et du royaume de Castille , estoit mort , et raiïermoit-on pour vérité. Dont le peuple de Paris et de tout le royaume de France en fut en grand trouble et ennuy, et continua ce propos près d'un mois , et disoit-on que le commencement de sa maladie fut environ le huitiesme jour de septembre; et qu'il avoit esté par l'espace déplus de vingt et trois jours malade au lict, et qu'il fut par l'espace d'environ seize heures sans parler, voir ne congnoistre aucune personne. Et estoit le bruit que la cause de sa maladie estoit , parce que le vice-roy de Naples, qui avoit la charge de sa personne ne le vouloit faire parler à l'Empereur, comme il luy avoit promis , aussi parceque le Roy fut adverty que l'empereur l'avoit veu en habit dissimulé, sans que le Roy l'eust veu. Parquoy il en print tel desplaisir qu'il en fut malade comme dit est. Et est à noter que madame d'Alançon, sa seur, qui l'alla visiter en Espaigne , par ordonnance de madame la Régente , le dict Roy fut longtemps sans la congnoistre, ne pouvoir parler à elle, par la maladie. Toutesfois à la fin les nouvelles vindrent qu'il n 'estoit mort , et