Voy. Félibien, t. II, p

qu'il estoit venu à bonne prospérité et amendement de santé.

Il fut fort joieux de voir ma dicte dame d'Alançon , sa seur, et aussi parceque l'empereur l'alla visiter, et parler famillièrement à luy. Parquoy on espéroit qu'au plaisir de Dieu y auroit bonne paix et amitié entre eulx.

Au dict an 1 525 , environ le huictiesme octobre , passèrent parmy la ville de Paris vingt ou vingt cinq hacquenées d'Angleterre que le roy d'Angleterre envoyoit à monsieur le Daulphin, estant à Bloys : et envoia aussi un grand nombre de chiens de chasse , comme cent ou plus, où y avoit grandz dogues d'Angleterre et furent menées à Bloys devers le Daulphin.

Item^ le mercredy dixiesme octobre , au dict an , furent faictes processions par la cour de Parlement , Chambre des comptes, Chastelet et autres officiers, et allèrent les processions à la Saincte-Chapelle au Palais, où furent portées plusieurs sainctes reliques, et entre autres la saincte croix de la Saincte-Chapelle du Palais.

Item, le dimanche ensuivant, qui estoit le quinziesme du dict mois, furent faictes processions générales en la dicte ville de Paris, et y furent portées moult de châsses et de relicques , et partist la procession de la dicte église Nostre-Dame de Paris , et alla en l'église des Cordeliers à Paris ^ où il fut chanté grande messe , et y estoit monsieur de Paris, et y eust sermon et fut ce faict à cause que madame la Régente avoit auparavant mandé à la cour de Parlement et au prévost et eschevins de la dicte ville , que le Roy n'estoit point mort, et qu'il estoit revenu en bonne santé et prospérité, et pour ce qu'on priast Dieu pour luy.

0t JOURNAL

Au dict an 1 525 , le vendredy vingtiesme jour d'octobre , fut publié en la cour de Parlement , à huis ouvert , le traicté , accord et appointement faictz entre madame la Régente pour le roy de France et le roy d'Angleterre, nonobstant qu'on fut en vacation au dict Parlement. Et fut ce dict jour esmollogué, leu et enregistré le dict traicté faict entre madame la Régente pour le Roy et le dict roy d'Angleterre , lequel traicté contient, comme on dit, plus de douze peaulz de parchemin, et est en latin, dont pour brièveté je délaisse. Mais fînablement il fut dict par le dict traicté et par la dicle cour que ma dicte Dame et le roy de France bailleroient, c'est assçavoir la somme de deux millions d'escus, à trente-cinq solz pièce, en escus; itern^ cinquante-deux mil vj"" xxxvj escus d'or à trente-huict solz, laquelle somme se paieroit, assçavoir dedans le mois de novembre prochainement venant , la somme de cent mil escus, et dedans autres trois mois, autres cent mil escus après, par chacun an, cent mil escus, jusques à vingt ans et fin de paiement desditz deux millions. Et fut dict que ce (si) le roy d'Angleterre alloit de vie à trespas devant le dict temps, que néantmoins les dictes sommes se paieroient à ses successeurs, jusques à plain paiement des dictes sommes.

Et les dictes sommes payées , après les dictz vingt ans passez, sera tenu le roy de France, sa vie durant, paier la somme de cent mil escus par chacun an , et en paiant et faisant le roy et la roy ne de France les choses dessus dictes , le dict roy d'Angleterre promet faire paix , amour et confédération et amitié avec le dict roy de France à tousjours, et pour paier les dictes sommes, a voulu, reqiiis et demandé le dict roy d'An-

gleterre à ma dicte Dame et au roy de France, obliger des dictes sommes, sur peine d'encourir en excommunication du Pape, les villes et les manans et babitans des villes , en leurs propres et privez noms , et cbacun en particulier et leurs biens, c'est assçavoir les villes de Paris, Rouen, Rennes, x\miens, Orléans, Bourges, Tours, Lyon, Toulouze, Bourdeaulx, chacune ville seulle et pour le tout ; et les dictz habitans aussi, semblablement et avec ce, faire ratifier et obliger le Roy, madame la Régente, messieurs les princes du sang royal, c'est assçavoir messieurs de Vendosme, de Sainct-Pol frères, et monsieur le cardinal de Bourbon, monsieur de Lautrec, monsieur le grand sénéchal de Normandie, monsieur le comte de Brene, gouverneur de Paris , monsieur de Montmorency, et autres plusieurs seigneurs.

Item, au dict mois d'octobre, vers la fin, arrivèrent à Paris un ambassade d'Angleterre, qui alloit vers madame la Régente à Lyon, lequel ambassade passa par ceste ville de Paris, où ilz y furent environ luiict jours, et furent logez es hostelleries de la rue de la Galende^ et s'en allèrent environ le vj*' ou vij*' de novembre ensuivant à Lyon, et estoient environ vingt ou vingtquatre chevaulx et estoient deux principaulx ambassadeurs.

Et disoit-on qu'ilz alloient vers madame la Régente, pour ratifier les choses devant dictes, et pour prendre et avoir les sermens , et pour jurer les traictez et accords cy devant dictz.

Et furent souldoyez et entretenuz , tant de venues ,