Rue de la Calandre. fi dèld«loa«« îyiifiî iO^'iil Xldïip

sesjournëes, que retourner aux despens du Roy. Et fut depuis de retour le dict ambassade à Paris, le xxvf jour de janvier au dict an (1 526), et s'en retournèrent en Angleterre, le troisiesme jour d'avril. Et disoit-on qu'ilz avoient faict et confirmé la paix.

Item , et à ceste cause , le lundy trentiesme et pénultiesme jour d'octobre 1525 fut faicte assemblée générale par les prévost et eschevins de la ville , à l'Hostel de la ville , et furent mandez beaucoup des principaulx de la ville, avec les prélatz, comme abbez et prieurs de la dicte ville , et autres gens d'églises , pour adviser de la manière d'y procéder, et comme on pourroit faire pour accomplir les cboses devant dictes. Et y fut monsieur l'archediacre d'Aix , qui fut ambassadeur de madame la Régente, et envoyé par elle à la dicte ville , lieutenant et gouverneur de Paris , qui y fist sa harangue , pour faire les dictes obligations : et y estoit aussi un nommé monsieur de Jonas , gentilhomme ordinaire de la maison du Roy, qui fut envoyé par ma dicte Dame, dont ce dict jour il n'y fut rien conclud, sinon qu'il fut dit par la plus grand part des assistans, que chacun des quatre quarteniers manderoit tous ceulx de leur quartier , pour les interroguer et sçavoir leur vouloir ; et, en ce faisant, ilz envolèrent chacun en droit soy, et après ilz en firent rapport à la dicte ville et au prévost et eschevins d'icelle. Et ce faict, chacun se départist. Et depuis, environ quinze jours après, ma dicte Dame envoia au dict hostel de la ville le dict archediacre d'Aix, monsieur de Montmorency, le comte de Roussy et le comte de Brene, qui fut mallade à Paris, dont tost après il mourut ; lesquelz firent faire assemblée au dict Hostel de la ville

par les prévost et eschevins de la dicte ville, de la plus grande part des bourgeois et habitans d'icelle , pour leur persuader de leur obliger et leurs biens et par censure du pape. Dont toulesfois par plusieurs et diverses fois et assemblées ne le voulurent faire les dictz bourgeois et habitans : et finablement après gros débat et murmurerie au dict hostel, ilz déclarèrent tous qu'ilz n'en feroient rien et que jamais ilz ne s'obligeroient. Et après iceulx, furent mandez à la cour de Parlement, pour semblablement leur persuader à ce faire, mais semblablement ilz dirent qu'ilz n'en feroient rien. Parquoy les dessus dictz s'en retournèrent à Lyon vers ma dicte Dame, faire leurs rapportz à ma dicte Dame du dict refus; mais néantmoins les prévost et eschevins firent la dicte obligation pour la ville de Paris , sans les habitans d'icelle *.

Item^ au dict an 1525, au mois d'octobre, vindrent nouvelles à Paris , que monsieur de Bourbon , luy estant en Italie pour l'Empereur, et après qu'il eust eu victoire et prinse du roy de France, luy aiant sauf conduit du Roy, estant prisonnier de l'Empereur en Espaigne, et de ma dicte dame la Régente, sa mère, estant à Lyon, il passa par Marseille en Provence, et se mist en mer avec grand nombre de gens et trente ou quarante navires que l'empereur luy envoia pour s'en aller en Espaigne et eut des vivres qui luy furent baillez par ma dicte Dame, en paiant. Et estoit l'Empereur en Espaigne qui l'attendoit, comme on disoit, et estoit bruit tel que c'estoit pour aller espouzer madame Éléonor, veufve du feu roy de Portugal, qui estoit seur