Cf. Félibien, t. II, p

du dict Empereur, en ensuivant la promesse que luy en avoit faict le dict Empereur.

Et en ce mesme temps, le dict Empereur s'en alla en Portugal, pour espouzer la fille du roy de Portugal* et pour la prendre à femme et espouse , ce qu'il fist. Et néantmoins plus d un an devant , il fut bruit que le dict Empeieur prendroit à femme la fille du roy Henry d'Angleterre, ce qu'il n'a faict. Mais on dit que le dict Empereur voulut prendre le dict party de mariage en Portugal^, affin d'avoir de l'argent en grand nombre, pour soy faire couronner empereur en Italie et à Rome, que le jeune roy de Portugal*, filz de deffunct roy et frère de la dicte fille, luy promettoit bailler par le dict mariage.

Item^ au dict an 1525, au dict mois d'octobre fut faict à Paris une cliose de merveilleuse folye. C'est qu'il y eustcinq ou six hommes estans montez sur des asnes, affublez de chapperons de drap verd, qui firent des cris par les carrefours de la ville , et par espécial en la grande cour du Palais, devant la pierre de marbre , tenans un roolle où ilz disoient plusieurs choses joyeuses , faisans manière qu'ilz vouloient jouer quelque jeux, et toutesfois ilz ne le vouloient faire. Et entre autres paroles disoient : « Le Roy est mort , les sages le cèlent, mais les folz le révèlent, » et furent ces choses par manière de mocquerie , parceque le bruit estoit fort grand que le Roy estant prisonnier en Espaigne estoit mort , et qu'on le céloit ; mais depuis il fut trouve le contraire et estoit la vérité que le Roy