Jean III

n'esloit mort. De tout ce madame la Régente estant à Lyon eut nouvelles qui luy furent rapportées. Parquoy elle manda à monsieur Morin, lieutenant du baillif de Paris , qu'il en fist la justice pour les punir, dont le dict Morin en fist prendre aucuns et emprisonner, mais de ce il n'en fut rien faict. On dit que c'estoient des clercz de la bazoclie du Palais , mais à la fin rien n'en fut plus; et demeura cela sans en faire autre chose, ne autre poursuite contre ceulx qui ce firent; dont bien leur en print ; car ilz se mirent en grand danger d'estre appréhendez et puniz, veu la ruine de la prinse du Roy.

En ce mesme temps furent aussi nouvelles comme le Pape, les Vénitiens, les Millanois, Florentins, Genevoys, Lucquoys et Sanois^, et autres nations italiennes et les Suisses avoient proposé et délibéré de chasser les Espaignolz qui estoient à Milan et par toute l'Italie pour l'Empereur, en voulant faire la guerre ausdictz Espaignolz , pour ravoir, chacun en son endroit , les terres qui estoient détenues par l'Empereur; et de ce estoit cause un des gros seigneurs de Milan , nommé messire Hierosme Morin ^, vicomte. Dont le marquis de Pesquière, qui estoit de Milan lieutenant pour l'Empereur, en l'absence de monsieur de Bourbon , qui estoit allé en Espaigne devers l'Empereur, trouva moien de faire prendre le dict vicomte Morin et l'emprisonna et luy fist son procès; tellement que finablement fut décapité dedans la ville de Milan , car il estoit cause de toute la mutinerie qui se faisoit par