Siennoib

-. Morone.

toute l'Italie contre l'Empereur, comme on disoit'.

Au dict an 1 525, au mois de novembre , trespassa monsieur de Q^iercu , docteur en théologie , curé de Sainct-Jean en Grève, et est inhumé en la dicte église, et estoit très homme de bien, grand clerc et bon prédicateur, et avoit d'aage environ de soixante et quatorze ans.

En ce temps, au dicl an 1 525, en novembre, passa par ceste ville de Paris un ambassade d'Angleterre , que le roy d'Angleterre envoioit en Espaigne, vers l'Empereur, mais on ne sçavoit au vray pourquoi il y alloit; et estoi en t environ trente-six chevaulx. Les uns disoient qu ilz alloient pour estre moien de la délivrance du roy de France , prisonnier en Espaigne , à l'Empereur ; autrement si le dict Empereur ne le délivroit à rançon , il le sommoit de luy faire la guerre , à cause de l'aliance que madame la Régente avoit faict audict roy d'Angleterre ; et que le dict roy d'Angleterre avoit vouloir donner sa fille par mariage au roy de France , s'il pouvoit estre délivré. Les autres disoient que c'estoit pour sommer l'Empereur de luy bailler et payer trois ou quatre cens mil angelotz qu'il luy avoit prestez ; et, pour ce, luy avoit engaigé le dict Empereur la comté d'Artois et autres places de Flandres. Autres disoient que c'estoit pour garder le dict Empereur de soy marier à la fille du feu roy de Portugal, et afin de luy faire espouser sa dicte fille ; mais on ne sçait au vray pourquoy ilz y allèrent. Et depuis il fut bruit qu'ilz s'en retournèrent en Angleterre par

i. Cf. Guicciardini, 1. XVI. — Miniana, 1. II, ch. 7. Pescaire était d'abord entré dans la conspiration.

la mer, mais on ne sçait ce qu'ilz firent; à tout le moins il n'en fut nul bruit.

Au dict an 1 525 , le samedy ix" de décembre , fut crié à son de trompe par les carrefours de Paris, le ban et arrière ban à tous les nobles, d'estre preslz de marcher dedans trois mois, et disoit-on que c'estoit pour aller en Picardie contre les Flamans, Hennuiers et Bourguignons.

Au dict an 1 525, en décembre, le roy de Navarre, qui avoit esté prins prisonnier avec le Roy, eschappa des prisons, où il estoit au chasteau de Pavie , et s'en vint à Lyon à madame la Régente. Et la manière comment il eschappa fut qu'il promit à ses gardes somme d'argent , et les appointer et donner de gros biens en France, dont ilz s'en vindrent avec luy, et aussi parceque le marquis de Pesquière qui l'avoit en sa garde mourut un an auparavant * ; parquoy plus aisément il eschappa, et (ce) fut par eschelles de cordes qu'on luy fîst, où il fut dévalé par les fenestres , ce que bien luy advint. Car on l'avoit mis à cent (mil) escuz de rançon*.

(1 526.) Au dict an , le mecredy dix-sepliesme janvier, un nommé Nicolas , qui estoit le maistre des

voleurs, qui avoit esté prisonnier à la Conciergerie du Palais, par l'espace de douze ans , par ordonnance de la cour de Parlement, parcequ'il estoit le maistre des voleurs , qui estoient pour lors , fut par arrest de la dicte cour bruslé au marché aux pourceaulx , parcequ'il avoit renié, blasphémé et maugréé Dieu et la glorieuse vierge Marie, luy estant en prison. Et fut parce-