Voy, le détail de cette évasion dans Ferronius, liv. VIIL

que un peu devant, il fist présenter par sa femme requeste à la cour, affin qu'il fut délivré de prison, ce qui luy fut refusé par la dicte cour. Et fut dit par icelle cour que jamais ne partiroit de prison et qu'on luy faisoit trop grand grâce de luy saulver la vie tenu prisonnier, veu les maulx qu'il avoit auparavant faictz avec les voleurs par douze ans devant, dont par despit il fit le blasphème. Et faut noter qu'auparavant qu'il fut bruslé, il fut mené par le bourreau en un tombereau devant l'église Nostre-Dame de Paris , où on luy fist faire de par la cour de Parlement amende honorable, la teste nue, en criant mercy à Dieu et à la vierge Marie. Et de là fut mené au marché aux pour-

" ceaulx où ileust la langue percée d'un fer chault, puis fut estranglé à une attache, puis son corps fut bruslé et consommé en cendre. Et n'eust esté le blasphème qu'il fist, il ne fut mort. Cependant qu'il fut prisonnier il gouvernoit pour le geôlier toute la dicte Conciergerie , sans estre enfermé , mais néantmoins il ne sortoit dehors.

Au dict an 1 526 , le dimanche vingt-huicliesme janvier, furent mandez à l'Hostel de la ville de Paris par les prévost et eschevins d'icelle et de par la cour tous les archers , arbalestiers et hacquebutiers, et de chacune parroisse de la ville et des faulxbourgs deux des marguilliers pour prendre et avoir tous les maulvais garçons et maulvais mesnagers et gens mal renommez , pour mener dedans les gallères par force enferiez. Et, ce inesme jour, furent gardées les portes de la ville de Paris par les archers, arbalestiers et hacquebutiers et y avoit des commissaires de Chastelet , avec plusieurs sergcns, qui alloient par les rues et maisons, pour les

prendre et mener en prison , et print-on ce jour plus de trois cens personnes ; et depuis on continua d'en prendre par l'espace de douze jours, et fut prins plus de cinq cens personnes, dont y en eust la plupart dëtenuz pour mener aux gallères , et y estoit le capitaine. Et tout ce fut par ordonnance de ma dicte dame la Régente, pour fournir des gallères qui estoiept à Marseille, assçavoirle seigneur André Dory, lenep- \eu de Pie Jean, et autres qui furent menez jusques à Lyon, et de Lyon jusques au dict lieu de Marseille.

(1526.) Au dict an, le jeudy, premier de février, veille de la Chandeleur, fut faicte une grande procession à Paris par tout le clergé de la Saincte-Cliappelle du Palais , où les présidens et conseillers de la dicte cour, avec les advocatz et procureurs d'icelle y estoient*. Et y estoient aussi messieurs de la chambre des comptes, les généraulx des monnoyes et de la juslice; et alla la dicte procession à l'église INostre-Dame de Paris, où y fut porté la saincte croix, soubz le ciel, que portoient les jacobins et y estoient les diclz jacobins , et y estoit l'évesque de Troye, faisant l'office de prélat, donnant la bénédiction par les rues , et y fut chanté la grande messe par \uy en la dicte grande église, sans y avoir sermon, et fut ce faict pour le roy de France et sa bonne prospérité et parcequ'on disoit que se traictoit sa délivrance de l'Empereur, et i[ue le mariage de luy et de la seur de l'Empereur se faisoit, laquelle se nommoit madame Éléonor, qui estoit veufve du feu roy de Portugal. Et moiennant ce dict mariage, le dict roy de France devoit eslre délivré

1. Cf. Fclibien, t. II, p. 974; t. IV (Preuves), p. 674, 67n.

à pur et à plain et admener icelle en France ; et aussi que le roy de France de voit bailler à l'Empereur, pour sa rançon, deux millions d'escus sol, et renoncer par luy à tousjours au droit par luy prétendu à la duché de Milan et au royaume de Naples. Et devoit oultre bailler et délivrer au dict Empereur la duché de Bourgongne et la ville de Mascon, d'Ostun^, d'Aussonneet d'Auxerre, et d'icelle en devoit estre lieutenant pour le dictfimpereur monsieur de Bourbon ; etj pour ce, jusques à ce que les dictes villes et duché fussent renduz, et le dict nombre d'escuz baillez et tous les articles accordez , le dict Roy estoit tenu bailler en hostaige au dict Empereur, messieurs ses deux enfans, c'est assçavoir; monsieur le Daulphin , qui est d'aage de huict ans, le petit duc d'Orléans, aagé de sept ans; et dict ainsy qu'il est couché au traicté de Madril. Et en tant que touche la duché de Bourgongne, s'il advenoit qu'il y eust enfant masle, il seroit et demeureroit duc de Bourgongne , pour luy et ses hoirs venans du mariage. Et aussi que les contez de Flandres et d'Artoix seroient à tousjours exemptes de la souveraineté du roy de France. Et touchant monsieur de Bourbon, il estoit restitué et remis en sa duché de Bourbonnois, et en toutes les terres qu'il avoit et possédoit auparavant , et sa vie durant seullement il estoit exempt en toutes ses terres de la souveraineté du Roy, sans ce que le Roy y print, sa dicte vie durant, nulle taille ne aucunes gabelles, mis en la sauvegarde de l'Empereur, et mis en l'appointement.

Et doivent toutes ces choses passer par la cour de